കണ്ണൂർ : അനധികൃത മാർഗത്തിലൂടെ ഐ.ആർ.പി.സി. കൈയടക്കിയ സി.എം.പി. ജില്ലാ കൗൺസിൽ ഓഫീസ് കെട്ടിടം തിരിച്ചു പിടിക്കുവാൻ സി.എം.പി. പ്രവർത്തകർക്ക് ഐക്യ ജനാധിപത്യമുന്നണി എല്ലാ സഹായവും നൽകുമെന്ന് കെ.പി.സി.സി. പ്രസിഡൻറ് കെ. സുധാകരൻ എം പി പറഞ്ഞു. സി എം പി പ്രവർത്തകർ നിരവധി പ്രതിസന്ധികളും വെല്ലുവിളികളും നേരിട്ടാണ് രാഷ്ട്രീയ പ്രവർത്തനം നടത്തിയതും സ്വന്തമായി പാർട്ടി ഓഫീസ് കെട്ടിപ്പടുത്തതും.എല്ലാം പിടിച്ചടക്കി ശീലമുള്ള സി.പി.എം. കൈയൂക്ക് കൊണ്ട് അത് കൈയടക്കി വെക്കാമെന്ന് ധരിക്കേണ്ട - സുധാകരൻ പറഞ്ഞു. സി.എം.പി. ജില്ലാ കൗൺസിൽ ഓഫീസ് കെട്ടിടത്തിൽ നിന്ന് ഐ. ആർ. പി. സി. യെ ഒഴിവാക്കുക, ഭൂനികുതി സ്വീകരിക്കുക എന്നീ ആവശ്യങ്ങളുന്നയിച്ച് സി.എം. പി. പ്രവർത്തകർ നടത്തിയ കളക്ട്റേറ്റ് മാർച്ച് ഉദ്ഘാടനം ചെയ്യുകയായിരുന്നു അദ്ദേഹം.
Comments
Post a Comment