ജോ ജോസഫിന്റെ പ്രചാരണത്തിനായി മുഖ്യമന്ത്രി ഇന്ന് തൃക്കാകരയിലെത്തും; കെവി തോമസും കണ്‍വെന്‍ഷനില്‍ പങ്കെടുക്കും
അമേരിക്കയില്‍ നിന്ന് ചികിത്സ കഴിഞ്ഞ് എത്തിയ മുഖ്യമന്ത്രിയുടെ ആദ്യ പൊതു പരിപാടിയാണിത്. മുഖ്യമന്ത്രി പിണറായി വിജയന്‍ കൂടി തൃക്കാക്കരയില്‍ എത്തുന്നതോടെ ഇടതുമുന്നണിയുടെ തെരഞ്ഞെടുപ്പ് പ്രചാരണം ശക്തമാകും. ഇടതുമുന്നണിയുടെ വികസന നിലപാടുകളെ പിന്തുണച്ച്‌ സംസാരിച്ച കെ വി തോമസ് ജോ ജോസഫിന്റെ തെരഞ്ഞെടുപ്പ് പ്രചാരണത്തിനായി എത്തുമെന്ന് വ്യക്തമാക്കിയതോടെ വന്‍ പ്രാധാന്യമാണ് പരിപാടിക്ക് കൈ വന്നിട്ടുള്ളത്.
എല്‍ഡിഎഫ്‌ മണ്ഡലം തെരഞ്ഞെടുപ്പ് കമ്മിറ്റി രൂപീകരണവും തെരഞ്ഞെടുപ്പ് കമ്മറ്റി ഓഫീസ്‌ ഉദ്‌ഘാടനവും ഇതോടനുബന്ധിച്ച്‌ നടക്കും. എല്‍ഡിഎഫ്‌ കണ്‍വീനര്‍ ഇ പി ജയരാജന്‍, സിപിഐ സംസ്ഥാന സെക്രട്ടറി കാനം രാജേന്ദ്രന്‍, ജോസ്‌ കെ മാണി എംപി, രാമചന്ദ്രന്‍ കടന്നപ്പിള്ളി, എ പി അബ്‌ദുള്‍ വഹാബ്‌ തുടങ്ങിയ എല്‍ഡിഎഫ്‌ നേതാക്കളും ചടങ്ങില്‍ പങ്കെടുക്കും.
Comments
Post a Comment