ഇനി കുപ്പിയിൽ പെട്രോൾ കിട്ടില്ല
കണ്ണൂർ
സംസ്ഥാനത്ത് ഇനി മുതൽ സ്വകാര്യ വാഹനങ്ങളിൽ പാചക വാതകം കൊണ്ട് പോകുന്നതിനും കുപ്പിയിൽ പെട്രോൾ വാങ്ങുന്നതിനും വിലക്ക്. ഇത് സംബന്ധിച്ച 2002 ലെ പട്രെോളിയം ആൻഡ് എക്സ്പ്ലോസീവ്സ് സേഫ്റ്റി ഓർഗനൈസേഷൻ (പെസോ) നിയമം കർശനമാക്കി. എലത്തൂർ ട്രെയിൻ തീവെപ്പിന് പിന്നാലെയാണ് നടപടി.
നിയമം കർശനമാക്കിയതോടെ വാഹനത്തിലെ ഇന്ധനം തീർന്നാൽ പോലും കുപ്പിയുമായി പമ്പുകളിൽ ചെന്നാൽ ഇനി മുതൽ ഇന്ധനം ലഭിക്കില്ല. വീടുകളിലേക്ക് എൽപിജി സിലിണ്ടറുകൾ ഓട്ടോയിലോ മറ്റ് ടാക്സി വാഹനങ്ങളിലോ കൊണ്ട് പോയാൽ നടപടിയുണ്ടാകും.
യാത്രക്കാരുമായി പോകുന്ന ബസുകൾ പമ്പിൽ നിന്ന് ഇന്ധനം നിറക്കുന്ന രീതിയും അവസാനിക്കും. യാത്രാ ബസുകള് യാത്രക്കാരെ പമ്പിന്റെ സുരക്ഷിത അകലത്തില് നിര്ത്തി മാത്രമേ ഇന്ധനം നിറക്കാന് അനുവദിക്കു. ട്രെയിനുകളില് പാഴ്സലായി വാഹനം കൊണ്ട് പോകമ്പോള് അതില് ഇന്ധനം ഉണ്ടാവരുതെന്ന റെയില്വേ നിയമം നിലവിലുണ്ട്.
Comments
Post a Comment