ഭാരത് പെട്രോളിയം കണ്ണൂര്‍ ഡിപ്പോ ഉടൻ മാറ്റില്ല
വി. ശിവദാസൻ എംപി യുടെ നേതൃത്വത്തില്‍ യൂണിയൻ ഭാരവാഹികളും ബിപിസിഎല്‍ അധികൃതരും എഡിഎമ്മിന്‍റെ ചേംബറില്‍ നടത്തിയ ചര്‍ച്ചയിലാണ് താത്കാലികമായി അടച്ചുപൂട്ടേണ്ടെന്ന ധാരണയിലെത്തിയത്. ബിപിസിഎല്‍ സംസ്ഥാന മേധാവിയുമായി ശിവദാസൻ എംപി ഫോണില്‍ സംസാരിച്ച്‌ ഉണ്ടാക്കിയ ധാരണയുടെ അടിസ്ഥാനത്തില്‍ കൂടിയാണ് തീരുമാനം.
ബിപിസില്‍ സംസ്ഥാന മേധാവി കണ്ണൂരില്‍ വന്ന് ശിവദാസൻ എംപി, എഡിഎം, തൊഴിലാളി സംഘടന നേതാക്കള്‍ എന്നിവരുമായി പ്രശ്നം ചര്‍ച്ച ചെയ്യുമെന്നും അതുവരെ ഇപ്പോള്‍ പ്രവര്‍ത്തിക്കുന്നതു പോലെ കണ്ണൂരില്‍ തന്നെ ഡിപ്പോ പ്രവര്‍ത്തിക്കുമെന്ന് കരാര്‍ ഇന്നലെ നടന്ന യോഗത്തില്‍ ഒപ്പിട്ടു. എഡിഎം കെ.കെ. ദിവാകരൻ, നേതാക്കളായ കെ. ജയരാജൻ, എ . പ്രേമരാജൻ, പി.പി. ദനേശൻ, ടി. രാഗേഷ്, ബിപിസിഎല്‍ സ്റ്റേറ്റ് മാനേജര്‍ മണികണ്ഠൻ, ജയദീപ്, പി. സജിത്ത്, സി.എ.വിവേക്, എന്നിവര്‍ പങ്കെടുത്തു.
Comments
Post a Comment