കണ്ണൂര്‍ ആസ്റ്റര്‍ മിംസില്‍ കാല്‍മുട്ട് സന്ധി മാറ്റിവെച്ചവരുടെ സംഗമവും റോബോട്ടിക് കാല്‍മുട്ട് സന്ധിമാറ്റിവെക്കല്‍ സംവിധാനത്തിന്റെ ഉദ്ഘാടനവും നിര്‍വ്വഹിച്ചു
രണ്ടിലധികം കൈകളുള്ള റോബോട്ടിക് സംവിധാനത്തെ ഉപയോഗിച്ചാണ് വിദഗ്ദ്ധ ഡോക്ടര്‍മാര്‍ ഈ രീതിയില്‍ ശസ്ത്രക്രിയ നിര്‍വ്വഹിക്കുന്നത്. മൂന്നൂറ്റി അറുപത് ഡിഗ്രിയില്‍ തിരിക്കാന്‍ കഴിയുന്ന കരങ്ങള്‍, വിറയല്‍ അല്‍പ്പം പോലുമുണ്ടാകില്ല, രണ്ടിലധികം കരങ്ങളുള്ളതിനാല്‍ ഒരേ സമയം വിവിധ കാര്യങ്ങള്‍ നിര്‍വ്വഹിക്കുവാന്‍ സാധിക്കും.ഇൻഫെക്ഷൻ സാധ്യതാക്കുറവ്, കുറഞ്ഞ ആശുപത്രി വാസം, കോശനഷ്ടസാധ്യത കുറവ്, രക്തനഷ്ടക്കുറവ്, അതിവേഗമുള്ള സുഖപ്രാപ്തി, ഏറ്റവും മികച്ച ഫലപ്രാപ്തി തുടങ്ങിയ അനേകം നേട്ടങ്ങള്‍ റോബോട്ടിക് സന്ധിമാറ്റിവെക്കലിനുണ്ട്.
ചടങ്ങിൽ ആസ്റ്റർ മിംസ് കണ്ണൂരിലെ ഓർത്തോപീഡിക്സ് ആൻഡ് ജോയിൻ റീപ്ലേസ് മെൻറ് മേധാവി ഡോക്ടർ നാരായണ പ്രസാദ്,സീനിയർ കൺസൾട്ടൻസ് ഡോക്ടർ ശ്രീഹരി, ഡോക്ടർ ഹർഷാദ്, ചീഫ് ഓഫ് മെഡിക്കൽ സർവീസ് ഡോക്ടർ സൂരജ് കെ എം,ഡെപ്യൂട്ടി സി എം എസ് ഡോക്ടർ സുപ്രിയ, ചീഫ് ഓപ്പറേറ്റിങ് ഓഫീസർ ഡോക്ടർ അനൂപ് നമ്പ്യാർ ഡെപ്യൂട്ടി ജനറൽ മാനേജർ വിവിൻ ജോർജ് എന്നിവർ പങ്കെടുത്തു
Comments
Post a Comment