മട്ടന്നൂർ-ചാലോട് റോഡിൽ ഗതാഗതം തടസ്സപ്പെട്ടു

ചാലോട് : മട്ടന്നൂർ-ചാലോട് റോഡിൽ മരം വീണ് ഇലക്ട്രിക് ട്രാൻസ്ഫോർമർ തകർന്നു. ഇതിനെ തുടർന്ന് ഈ റൂട്ടിൽ അരമണിക്കൂർ ഗതാഗതം തടസ്സപ്പെട്ടു. മട്ടന്നൂർ കൊതേരിയിലാണ് കൂറ്റൻ മരം കനത്ത മഴയിൽ കടപുഴകി വീണത്.

ഇന്ന് ഉച്ചക്ക് രണ്ട് മണിയോടെയാണ് സംഭവം. മരത്തിന് സമീപമുണ്ടായിരുന്ന ഇലക്ട്രിക് ട്രാൻസ്ഫോർമർ പൂർണമായി തകർന്നു. മരം കടപുഴകി വീഴുമ്പോൾ റോഡിൽ യാത്രക്കാരും വാഹനങ്ങളും ഇല്ലാതിരുന്നത് വൻദുരന്തം ഒഴിവാക്കി. മട്ടന്നൂരിൽ നിന്നും അഗ്നിരക്ഷാസേന എത്തി മരം മുറിച്ച് നീക്കി.