കണ്ണപുരത്ത് വാടക വീടിനുള്ളില് വൻ സ്ഫോടനം
കണ്ണൂര് കണ്ണപുരം കീഴറയില് വീടിനുള്ളില് സ്ഫോടനം. വീടിനുള്ളില് ശരീരാവിശിഷ്ടങ്ങള് ചിതറിയ നിലയിലാണ്. ഒരാള് മരിച്ചെന്നാണ് സൂചന. സ്ഫോടനം ബോംബ് നിര്മാണത്തിനിടെയെന്നാണ് നാട്ടുകാരുടെ സംശയം.
പുലര്ച്ചെ രണ്ട് മണിയോടെയാണ് സ്ഫോടനം ഉണ്ടായതെന്ന് നാട്ടുകാര് പറയുന്നു. പൊട്ടിത്തെറിയുടെ വലിയ ശബ്ദം കേട്ട് നാട്ടുകാര് എത്തുമ്പോള് വീട് തകര്ന്ന നിലയിലായിരുന്നു. പൊലീസ് സംഭവസ്ഥലത്തെത്തി വിശദമായ പരിശോധനകള് നടത്തുകയാണ്. ഫയര് ഫോഴ്സും ഡോഗ് സ്ക്വാഡും വീട്ടിലും പരിസരത്തും പരിശോധനകള് നടത്തിവരുന്നുണ്ട്.
Comments
Post a Comment