Kannur Updates

തീർഥാടന വിനോദ സഞ്ചാര കേന്ദ്രമായ പറശിനിക്കടവിൽ നിലവിലുള്ള ബോട്ട് ജെട്ടി വികസിപ്പിക്കുന്നതിന് 3.54 കോടിയുടെ ഭരണാനുമതി. പറശിനിക്കടവ് ക്ഷേത്രത്തിനോട് ചേർന്ന് 2021 ൽ നിർമിച്ച ബോട്ട് ജെട്ടിയിൽ തിരക്കും ബോട്ടുകളുടെ എണ്ണവും വർധിച്ചതിനെ തുടർന്നാണ് ബോട്ട് ജെട്ടി ദീർഘിപ്പിക്കുന്നതിനുള്ള വഴി തേടിയത്.  ഇൻലാന്റ്റ് നാവിഗേഷൻ വകുപ്പ് നിർമിച്ച നിലവിലെ ജെട്ടി വഴിയാണ് സംസ്ഥാന ജലഗതാഗത വകുപ്പും സ്വകാര്യ ബോട്ട് ഓപ്പറേറ്റർമാരും സർവ്വീസുകൾ നടത്തുന്നത്. തീർഥാടകരും സഞ്ചാരികളും ഉൾപ്പെടെ പ്രതിദിനം ആയിരക്കണക്കിന് യാത്രക്കാരെ കയറ്റുന്നതിനും ഇറക്കുന്നതിനും, എല്ലാ ക്രൂയിസുകൾ നിർത്തുന്നതിനും ബുദ്ധിമുട്ടുകൾ നേരിടുന്ന പശ്ചാത്തലത്തിലാണ് എം വി ഗോവിന്ദൻ എം എൽ എ ഇടപെട്ട് ജെട്ടി വിപുലീകരിക്കാൻ നടപടി കൈക്കൊണ്ടത്.  ടൂറിസം വകുപ്പിൻ്റെ രണ്ട് എയർ കണ്ടീഷൻഡ് ബോട്ടുകൾ കൂടി വരും ദിവസങ്ങളിൽ ഇവിടെ സർവീസിന് എത്തുന്ന പശ്ചാത്തലത്തിലാണ് ജെട്ടി വികസനം വേഗത്തിലാക്കാൻ നടപടിയായത്  പറശ്ശിനിക്കടവ് പുഴ കേന്ദ്രമായി ഫ്ലോട്ടിങ് റസ്റ്ററൻ്റ് ഫ്ലോട്ടിങ് ബ്രിഡ്ജ് എന്നിവയും പറശിനി വെള്ളിക്കീൽ ടൂറിസം കോറിഡോർ എന്നിവയും ...

കണ്ണൂർ : മയ്യിലിൻ വീടിന്റെ വരാന്തയിലേക്ക് പാഞ്ഞെത്തിയ കുറുനരി വയോധികയുടെ ഇടതുകൈയുടെ ചൂണ്ടുവിരല്‍ കടിച്ചെടുത്തു. മയ്യില്‍ ഇരുവാപ്പുഴ നമ്ബ്രത്തെ കാരക്കണ്ടി യശോദ (77) യെയാണ് കുറുനരി ആക്രമിച്ചത്. കഴിഞ്ഞ ദിവസം ഉച്ചയ്ക്ക് ഒന്നിനാണ് സംഭവം. കടിച്ചെടുത്ത വിരല്‍ താഴെയിട്ട് അകത്തേക്ക് കയറാൻ ശ്രമിച്ച കുറുനരിയെ വാതിലിനിടയില്‍ അരമണിക്കൂർനേരം കുടുക്കിപ്പിടിച്ച്‌ നില്‍ക്കുകയായിരുന്നു വയോധിക ' ഇതി നാലാണ് ഇവരുടെ ജീവൻ രക്ഷപ്പെട്ടത്. യശോദയുടെ നിലവിളി കേട്ടെത്തിയവർ കുറുനരിയെ കയറിട്ട് പിടികൂടി. അപ്പോഴേക്കും യശോദ അബോധാവസ്ഥയിലുമായി. മയ്യില്‍ സാമൂഹികാരോഗ്യകേന്ദ്രത്തിലും തുടർന്ന് കണ്ണൂർ ഗവ. മെഡിക്കല്‍ കോളേജ് ആശുപത്രിയിലും ചികിത്സ തേടി. യശോദയുടെ ചൂണ്ടുവിരല്‍ പ്ലാസ്റ്റിക് സർജറി നടത്തി തുന്നി ചേർക്കുമെന്ന് ആശുപത്രി അധികൃതർ അറിയിച്ചു. കുറ്റ്യാട്ടൂർ, പഴശ്ശി, ഞാലിവട്ടം വയല്‍ എന്നിവിടങ്ങളിലെ വളർത്തുമൃഗങ്ങളെ കുറുനരി ആക്രമിച്ചിട്ടുണ്ടെന്ന് പഞ്ചായത്തംഗം യൂസഫ് പാലക്കല്‍ പറഞ്ഞു.നേരത്തെ ചക്കരക്കല്‍ മേഖലയില്‍ 31 പേർക്ക് തെരുവ് നായയുടെ കടിയേറ്റിരുന്നു. വീടിൻ്റെ പരിസരങ്ങളില്‍ നിന്നാണ് കുഞ്ഞുങ്ങള്‍ക്...

ഗ്യാസ് സിലിണ്ടറില്‍ നിന്ന് വാതകം ചോർന്നാണ് തീപിടുത്തം ഉണ്ടായത്.  തലനാരിഴയ്ക്കാണ് വലിയൊരു അപകടം ഒഴിവായത്. ചൊവ്വാഴ്ച ഉച്ചയ്ക്ക് 2.30 ഓടെയാണ് സംഭവം. ഗ്യാസ് സിലിണ്ടറില്‍ നിന്ന് വാതകം ചോർന്ന് തീപിടിക്കുകയായിരുന്നു. ഹോട്ടലിന്റെ മുൻഭാഗം പൂർണ്ണമായും കത്തിയമർന്നു. മുൻ ഭാഗത്തെ കൗണ്ടറിലെ ഭക്ഷണ സാധനങ്ങളും ഫർണിച്ചറും മറ്റും തീപിടുത്തത്തിൽ നശിച്ചു. ഹോട്ടലിലെ ജീവനക്കാരും നാട്ടുകാരും തളിപ്പറമ്പിൽ നിന്നെത്തിയ അഗ്നിശമന സേനാഗംങ്ങളും ചേർന്നാണ് തീ നിയന്ത്രണ വിധേയമാക്കിയത്. അഞ്ച് ലക്ഷത്തിലേറെ രൂപയുടെ നാശനഷ്ടമുണ്ടായതായാണ് പ്രാഥമിക നിഗമനം.

കണ്ണൂർ : സംസ്ഥാനത്ത് രണ്ട് ദിവസം ഉയർന്ന താപനില മുന്നറിയിപ്പ് പ്രഖ്യാപിച്ചു. ഇതിൻ്റെ ഭാഗമായി ഒൻപത് ജില്ലകളിൽ മഞ്ഞ അലർട്ടും പ്രഖ്യാപിച്ചു. കണ്ണൂർ, കാസർഗോഡ്, കോഴിക്കോട്, പാലക്കാട്, മലപ്പുറം, തൃശൂർ, കോട്ടയം, ആലപ്പുഴ, കൊല്ലം ജില്ലകളിലാണ് മഞ്ഞ അലർട്ട് പ്രഖ്യാപിച്ചിരിക്കുന്നത്. ഇന്നും നാളെയും തൃശൂർ, പാലക്കാട് ജില്ലകളിൽ 38 ഡിഗ്രി സെൽഷ്യസ് വരെയും കൊല്ലം, കോഴിക്കോട്, കണ്ണൂർ ജില്ലകളിൽ 37 ഡിഗ്രി സെൽഷ്യസ് വരെയും ആലപ്പുഴ, കോട്ടയം, മലപ്പുറം, കാസറഗോഡ് ജില്ലകളിൽ 36 ഡിഗ്രി സെൽഷ്യസ് വരെയും താപനില ഉയരാൻ സാധ്യതയുണ്ട്.

കണ്ണൂര്‍ :  ഹൈലാന്റ് മുത്തപ്പന്‍ മടപ്പുരക്ഷേത്രത്തില്‍ ഭണ്ഡാരം കവര്‍ച്ച നടത്തിയ സംഭവത്തില്‍ പൊലീസ് അന്വേഷണം ശക്തമാക്കി. മോഷണം നടന്നതിന്റെ സിസിടിവി കാമറകള്‍ കേന്ദ്രീകരിച്ചാണ് പൊലീസ് അന്വേഷണം നടത്തി വരുന്നത്. ശനിയാഴ്ച രാത്രി ഒന്‍പതിനും ഞായറാഴ്ച്ച പുലര്‍ച്ചെ അഞ്ചിനും ഇടയിലുള്ള സമയത്താണ് കവര്‍ച്ച നടന്നതെന്നാണ് പൊലീസിന്റെ പ്രാഥമിക നിഗമനം. കണ്ണൂര്‍ എസ്എന്‍ പാര്‍ക്കിനടുത്തുള്ള ശ്രീചന്ദ് കിംസ് ആശുപത്രിക്ക് സമീപത്തെ ക്ഷേത്രനടയില്‍ ചങ്ങലയില്‍ ലോക്ക് ചെയ്ത് ഘടിപ്പിച്ച സ്റ്റീല്‍ ഭണ്ഡാരമാണ് മോഷ്ടാവ് എടുത്തുകൊണ്ടുപോയത്. ഏകദേശം 8000 രൂപയോളം നഷ്ടപ്പെട്ടിരിക്കാമെന്ന് ക്ഷേത്രം ഭാരവാഹിയായ രാഹുല്‍ കുനിയില്‍ കണ്ണൂര്‍ ടൗണ്‍ പൊലീസില്‍ നല്‍കിയ പരാതിയില്‍ പറയുന്നു. ഇവിടെ നിന്നും ലഭിച്ച സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം ഊര്‍ജ്ജിതമാക്കിയതായി കണ്ണൂര്‍ ടൗണ്‍ പൊലീസ് അറിയിച്ചു.

ചക്കരക്കൽ : ചക്കരക്കൽ മേഖലയിൽ നിരവധി പേർക്ക് തെരുവ് നായയുടെ കടിയേറ്റു. ചക്കരക്കൽ, ഇരിവേരി, മുഴപ്പാല, കുളം ബസാർ, പൊതുവാച്ചേരി ഭാഗങ്ങളിലായി മുപ്പതോളം പേർക്കാണ് നായയുടെ കടിയേറ്റത്. ഇന്ന് രാവിലെയായിരുന്നു സംഭവം. പിഞ്ചുകുഞ്ഞിനെയടക്കം നായ കടിച്ചു. പലർക്കും മുഖത്തും കയ്യിലും കാലിലും ഉൾപ്പടെ കടിയേറ്റിട്ടുണ്ട്. പരിക്കേറ്റവർ കണ്ണൂർ ജില്ലാ ആശുപത്രിയിൽ ചികിത്സ തേടി. കുട്ടികളും വായോധികരും ഉൾപ്പടെയുള്ളവർക്ക് കടിയേറ്റിട്ടുണ്ട്. എല്ലാവരെയും ആക്രമിച്ചത് ഒരു നായ തന്നെയാണെന്നാണ് നിഗമനം.

കണ്ണൂർ : ചക്ക പറിക്കാൻ പ്ലാവിൽ കയറി മുകളിൽ അകപ്പെട്ട ആളെ അഗ്നി രക്ഷാസേന രക്ഷിച്ച് താഴെയിറക്കി. കാപ്പാട് കള്ളു ഷാപ്പിനു സമീപത്തെ ബിജേഷ് (40) ആണ് വീട്ടുവളപ്പിലെ പ്ലാവിൽ 35 അടിയോളം മുകളിൽ കുടുങ്ങിയത്. മുകളിൽ എത്തിയപ്പോൾ ദേഹാസ്വാസ്ഥ്യം അനുഭവപ്പെടുകയായിരുന്നു. ഇന്നലെ വൈകിട്ട് നാലരയോടെയാണ് സംഭവം. കണ്ണൂരിൽ നിന്നെത്തിയ അഗ്നിരക്ഷാ സേനാംഗങ്ങളായ സി.വിനേഷ്, രാഗിൻ കുമാർ, എ.എഫ് ഷിജോ എന്നിവർ മരത്തിനു മുകളിൽ കയറി സാഹസികമായി റോപ് റെസ്ക്യൂ ഉപകരണങ്ങൾ ഉപയോഗിച്ച് ആളെ സുരക്ഷിതമായി താഴേക്ക് ഇറക്കുകയായിരുന്നു. രക്ഷാ പ്രവർത്തനത്തിന് സ്‌റ്റേഷൻ ഓഫിസർ ടി.അജയൻ, ഗ്രേഡ് അസി.സ്റ്റേഷൻ ഓഫിസർ എം.രാജീവൻ എന്നിവർ നേതൃത്വം നൽകി.

ഓണ്‍ലൈന്‍ പേയ്മെന്‍റ് ആപ്പുകള്‍ വഴി പണം നല്‍കി ടിക്കറ്റെടുക്കുന്ന സംവിധാനം തിരുവനന്തപുരം, കൊല്ലം ജില്ലകളില്‍ പരീക്ഷണാടിസ്ഥാനത്തില്‍ നടപ്പിലാക്കിയിരുന്നു. ഇത് വിജയകരമായതോടെയാണ് സംസ്ഥാനത്താകെ ദീര്‍ഘദൂര ബസുകളില്‍ ഒരു മാസത്തിനകം സംവിധാനം നടപ്പിലാക്കാന്‍ കെഎസ്‌ആര്‍ടിസി തീരുമാനിച്ചത്. ചില്ലറയുമായി ബന്ധപ്പെട്ട് യാത്രക്കാര്‍ക്കും കെഎസ്‌ആര്‍ടിസി ജീവനക്കാര്‍ക്കുമുണ്ടാകുന്ന ബുദ്ധിമുട്ടിന് ഇതോടെ പരിഹാരമാകും. യാത്രക്കാരന്‍ ഓണ്‍ലൈനായി അയയ്ക്കുന്ന പണം കെഎസ്‌ആര്‍ടിസിയുടെ ബാങ്ക് അക്കൗണ്ടിലേക്ക് നേരിട്ട് പോകുന്ന രീതിയിലാണ് സംവിധാനം. കണ്ടക്ടര്‍മാര്‍ക്ക് നല്‍കുന്ന ടിക്കറ്റ് മെഷീനിലെ ക്യൂആര്‍ കോഡ് സ്കാന്‍ ചെയ്ത് പണം അടയ്ക്കുന്നതിനു പുറമെ എടിഎം കാര്‍ഡ് സ്വൈപ് ചെയ്ത് പണമടക്കാനുള്ള സൗകര്യവും അടുത്ത മാസം മുതലുണ്ടാകും. ഇതിനു പുറമെ ലൈവ് ടിക്കറ്റ് ബുക്കിംഗ് സംവിധാനവും ഉടന്‍ നടപ്പിലാക്കാനാണ് കെഎസ്‌ആര്‍ടിസി തീരുമാനം നിലവില്‍ ദീര്‍ഘദൂര ബസുകളില്‍ ഓണ്‍ലൈനായി ടിക്കറ്റ് ബുക്ക് ചെയ്യാന്‍ കഴിയും. എന്നാല്‍ വണ്ടി പുറപ്പെട്ടു കഴിഞ്ഞാല്‍ ടിക്കറ്റ് ബുക്ക് ചെയ്യാന്‍ കഴിയില്ല എന്നത് ന്യൂനതയാണ്. ഇതിന് പരിഹ...

കൊട്ടിയൂർ പഴയ പഞ്ചായത്ത് കെട്ടിടത്തിലേക്ക് കാർ നിയന്ത്രണം വിട്ട് ഇടിച്ച് കയറി രണ്ട് പേർക്ക് ഗുരുതര പരിക്ക്. പുൽപ്പള്ളി സ്വദേശി ബെന്നി, ഭാര്യ ലുസി എന്നിവർക്കാണ് പരിക്കേറ്റത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

കണ്ണൂർ : കണ്ണൂരിൽ വാഹനാപകടം. ഇന്നോവ കാർ സ്കൂട്ടറിൽ ഇടിച്ച് വയോധികന് ഗുരുതര പരുക്ക്. കണ്ണൂർ പുതിയതെരുവിലാണ് അപകടം നടന്നത്. സ്കൂട്ടറിൽ ഇടിച്ച് നിയന്ത്രണംവിട്ട കാർ മരത്തിൽ ഇടിച്ചുകയറി. കണ്ണൂർ വിമാനത്താവളത്തിൽ നിന്ന് കാഞ്ഞങ്ങാട്ടേക്ക് പോവുകയായിരുന്ന കാറാണ് അപകടത്തിൽപ്പെട്ടത്.

മീനമാസ പൂജകള്‍ക്കായി ശബരിമല നട ഇന്ന് തുറക്കും. വൈകീട്ട് 5 മണിക്ക് തന്ത്രി കണ്ടരര് രാജീവരുടെ സാന്നിധ്യത്തില്‍ മേല്‍ശാന്തി അരുണ്‍കുമാര്‍ നമ്പൂതിരി നട തുറന്ന് ദീപം തെളിയിക്കും. തുടര്‍ന്ന് പതിനെട്ടാം പടിക്ക് താഴെ ആഴിയില്‍ അഗ്‌നി പകരും. ശബരിമല ദര്‍ശനത്തിന് ഏര്‍പ്പെടുത്തുന്ന പുതിയ ക്രമീകരണത്തിന്റെ ട്രയലും ഇന്ന് ആരംഭിക്കും. നാളെ പുലര്‍ച്ചെ 5ന് നടതുറന്ന് നിര്‍മ്മാല്യ ദര്‍ശനവും പതിവ് അഭിഷേകവും നടത്തും. തുടര്‍ന്ന് തന്ത്രിയുടെ നേതൃത്വത്തില്‍ കിഴക്കേ മണ്ഡപത്തില്‍ ഗണപതിഹോമം. നെയ്യഭിഷേകം, അഷ്ടാഭിഷേകം, ഉഷഃപൂജ, കളഭാഭിഷേകം, ഉച്ചപൂജ എന്നിവ പൂര്‍ത്തിയാക്കി ഉച്ചയ്ക്ക് ഒന്നിന് നടയടയ്ക്കും. വൈകീട്ട് 5ന് നടതുറന്ന് 6.30ന് ദീപാരാധന, പടിപൂജ, പുഷ്പാഭിഷേകം, അത്താഴപൂജ എന്നിവ നടത്തും. മീനമാസ പൂജകള്‍ പൂര്‍ത്തിയാക്കി 19 ന് രാത്രി 10ന് നടയടയ്ക്കും. വെര്‍ച്വല്‍ ക്യൂ വഴിയും സ്പോട്ട് ബുക്കിങ്ങിലൂടെയും ദര്‍ശനം നടത്താം. പതിനെട്ടാംപടി കയറി എത്തുന്ന ഭക്തര്‍ക്ക് ഫ്‌ളൈ ഓവര്‍ കയറാതെ നേരിട്ട് കൊടിമര ചുവട്ടില്‍ നിന്ന് ശ്രീകോവിലിന് മുന്നിലെത്തി ദര്‍ശനം നടത്തുന്നതിന്റെ ട്രയലാണ് ഇന്നുമുതല്‍ ആരംഭിക്കുക. ശബരിമല...

ചാലോട് : കുംഭത്ത് മൂന്ന് വാഹനങ്ങൾ കൂട്ടിയിടിച്ച് ഉണ്ടായ അപകടത്തിൽ ഏഴ് പേർക്ക് പരിക്ക്. രണ്ട് കാറുകളും ഓട്ടോയും ആണ് അപകടത്തിൽപ്പെട്ടത്. പരിക്കേറ്റവരെ കണ്ണൂർ ബേബി മെമ്മോറിയൽ ഹോസ്‌പിറ്റലിൽ പ്രവേശിപ്പിച്ചു. പവിത്രൻ, സിയാദ്, പ്രദീപൻ, പ്രമോദ്, പത്മനാഭൻ, റാസിക്, ജലീൽ എന്നിവർക്കാണ് പരിക്കേറ്റത്.

തലശ്ശേരി : കുളം വൃത്തിയാക്കുമ്ബോള്‍ മുഷു മത്സ്യത്തിന്റെ കുത്തേറ്റ യുവ ക്ഷീര കർഷകന്റെ വലത്തെ കൈപ്പത്തി ശസ്ത്രക്രിയയിലൂടെ മുറിച്ചുമാറ്റേണ്ടി വന്നു. മാടപ്പീടിക ഗുംട്ടി ബസ് സ്റ്റോപ്പിനടുത്ത പൈക്കാട്ട് കുനിയില്‍ സുകുമാർ എന്ന രജീഷിനാണ് (38) ഈ ദുർഗ്ഗതി. കുത്തേറ്റ ഉടൻ ടി.ടി. എടുത്തിരുന്നു. ഫെബ്രുവരി 10 ന് കുളം വൃത്തിയാക്കുമ്ബോഴാണ് മത്സ്യത്തിന്റെ കുത്തേറ്റത്. വേദന കൂടി വന്നപ്പോള്‍ 11ന് പള്ളൂർ ഗവ.ആശുപത്രിയിലും തുടർന്ന് മാഹി ഗവ. ആശുപത്രിയിലും ചികിത്സിച്ചുവെങ്കിലും കഠിന വേദന അനുഭവപ്പെട്ടതിനെ തുടർന്ന് 13ന് കോഴിക്കോട് ബേബി മെമ്മോറിയല്‍ ആശുപത്രിയില്‍ പ്രവേശിപ്പിക്കുകയായിരുന്നു. അപ്പോഴേക്കും തീപ്പൊള്ളിയത് പോലെ കൈപ്പത്തി നിറയെ കുമിളകള്‍ രൂപപ്പെട്ടിരുന്നു. മൂന്ന് തവണകളിലായാണ് ശസ്ത്രക്രിയ നടന്നത്. വിരലുകളും പിന്നീട് കൈപ്പത്തിയും മുറിച്ച്‌ മാറ്റി. മൂന്നാഴ്ചയോളം അവിടെ കഴിയേണ്ടിവന്നു. കേരളത്തില്‍ തന്നെ രണ്ടാമത്തെ അനുഭവമാണെന്നാണ് ബേബി മെമ്മോറിയല്‍ ആശുപത്രി അധികൃതർ പറഞ്ഞത്. നിർദ്ധന കുടുംബാംഗമായ രജീഷ് പശുവിനെ വളർത്തിയും പച്ചക്കറി കൃഷി നടത്തിയുമാണ് ജീവിക്കുന്നത്.

മാഹി : മാഹി ബൈപാസിൽ അപകടത്തിൽപ്പെട്ട കാറിന് തീപിടിച്ചു. കാർ ഡ്രൈവർക്ക് ഗുരുതരമായി പൊള്ളലേറ്റു.   KL-13P 7227 എന്ന കാറാണ് ഏകദേശം 12 മണിയോടു കൂടി നിയന്ത്രണം വിട്ട് ബൈപാസിലെ സർവ്വീസ് റോഡ് ഭാഗത്ത് ഇടിച്ച് കത്തുകയായിരുന്നു.  അഴിയൂരിന് സമീപം തലശ്ശേരി - മാഹി ബൈപ്പാസിൽ കക്കടവിൽ കാർ ഡിവൈഡറിൽ ഇടിച്ച് തീ പിടിച്ച് കത്തി നശിച്ചു. പരിക്കേറ്റ ഡ്രൈവറെ ആശുപത്രിയിൽ പ്രവേശിപ്പിച്ചു. തലശ്ശേരി ഭാഗത്ത് നിന്ന് കുഞ്ഞിപ്പള്ളി ഭാഗത്തേക്ക് വരിയായിരുന്ന കാർ മാഹി ബൈപ്പാസിൽ വച്ച് കത്തി നശിച്ചു. മാഹി, വടകര എന്നിവിടങ്ങളിൽ നിന്നെത്തിയ ഫയർഫോഴ്സും ചോമ്പാല പോലീസും ചേർന്നാണ് രക്ഷാ പ്രവർത്തനം നടത്തിയത്. ഡ്രൈവർ മാത്രമാണ് കാറിൽ ഉണ്ടായിരുന്നത്. ഒരാൾ മാത്രമാണ് കാറിലുണ്ടായിരുന്നതായി പോലീസും പ്രദേശ വാസികളും പറഞ്ഞു.  ചോമ്പാൽ പോലീസ് ലിമിറ്റിൽ നടന്ന അപകടത്തിൽ പോലീസും കേരള ഫയർഫോഴ്സും പുതുച്ചേരി ഫയർ റസ്ക്യൂ ടീമും സ്ഥലത്തെത്തി കാറിൽ കുടുങ്ങിയ യാത്രികനെ ആശുപത്രിയിലേക്ക് മാറ്റുകയായിരുന്നു.

പയ്യന്നൂർ : വടക്കൻ കേരളത്തില്‍ ഏറ്റവും കൂടുതല്‍ വരുമാനം ലഭിക്കുന്ന സ്റ്റേഷനുകളില്‍ ഒന്നായ പയ്യന്നൂർ റെയില്‍വേ സ്‌റ്റേഷനില്‍ പാർസല്‍ സർവീസ് നിർത്തലാക്കി. തിങ്കളാഴ്ച മുതല്‍ പാർസല്‍ സർവിസ് നിർത്തിവെച്ചു എന്നറിയിച്ചാണ് റെയില്‍വേ ഉത്തരവിറങ്ങിയത്. പയ്യന്നൂരിനു പുറമെ പാലക്കാട് ഡിവിഷനു കീഴിലെ നിലമ്ബൂരിലും പൊള്ളാച്ചിയിലും ഒരു വർഷം മുമ്ബ് പാർസല്‍ സർവിസ് നിർത്തിവെച്ച്‌ ഉത്തരവിറങ്ങിയിരുന്നു. ജനങ്ങളുടെ കടുത്ത പ്രതിഷേധത്തെ തുടർന്ന് പുനഃസ്ഥാപിക്കുകയായിരുന്നു. എന്നാല്‍, ഒരു വർഷത്തിനുശേഷം വീണ്ടും ഈ സേവനം റെയില്‍വേ നിർത്തിവെച്ച്‌ ഉത്തരവിറക്കുകയായിരുന്നു. 40 വർഷത്തിലധികമായി പയ്യന്നൂരിന് വിദേശ ഡോളർ നേടി തരുന്ന ഞണ്ട്, ചെമ്മീൻ കയറ്റുമതി ഇതോടെ നഷ്ട‌മാകും. മാത്രമല്ല, സ്റ്റേഷനിലെ നാല് അംഗീകൃത പോർട്ടർമാരുടെ ജോലിയും ഇതോടെ പ്രതിസന്ധിയിലാവും. ഏഷ്യയിലെ ഏറ്റവും വലിയ നാവിക പരിശീലന കേന്ദ്രമായ ഏഴിമല നാവിക അക്കാദമി, പെരിങ്ങോം സി.ആർ.പി.എഫ് പരിശീലന കേന്ദ്രം, കണ്ണൂർ ഗവ.മെഡിക്കല്‍ കോളജ്, ഗവ. ആയുർവേദ കോളജ്, മൂന്നോളം എൻജിനീയറിങ് കോളജുകള്‍ തുടങ്ങിയ സ്ഥാപനങ്ങള്‍ ആശ്രയിക്കുന്ന സ്റ്റേഷനാണ് പയ്യന്നൂർ. പയ്യന...

വേനല്‍ കാലം നേരത്തെ എത്തിയെങ്കിലും സംസ്ഥാനം ലോഡ് ഷെഡിങ്ങിലേക്ക് പോകില്ലെന്ന് വൈദ്യുതി മന്ത്രി കെ.കൃഷ്ണൻകുട്ടി. വൈദ്യുതി ഉപയോഗം ഉയരുന്നത് നേരിടുന്നതിനുള്ള പദ്ധതികള്‍ ആവിഷ്കരിച്ചുവെന്നും മന്ത്രി പറഞ്ഞു. സാധാരണക്കാരും വൈദ്യുതിയുടെ അമിത ഉപയോഗം നിയന്ത്രിക്കാൻ തയ്യാറാകണമെന്നും മന്ത്രി ആവശ്യപ്പെട്ടു . ചൂട് കാലത്ത് വൈദ്യുതി ഉപയോഗം ഉയരുമ്ബോള്‍ കെ.എസ്.ഇ.ബി പ്രതിസന്ധിയിലാകാറുണ്ട്. എന്നാല്‍ ഇത്തവണ ആശങ്കയില്ലെന്ന് മന്ത്രി തന്നെ വ്യക്തമാക്കുന്നു. തൊട്ടിയാർ ജലവൈദ്യുതി പദ്ധതിയും പള്ളിവാസല്‍ പദ്ധതിയും മുൻനിർത്തിയാണ് മന്ത്രിയുടെ വാക്കുകള്‍. പള്ളിവാസല്‍ പദ്ധതിയുടെ പരീക്ഷണ ഘട്ടത്തില്‍ തന്നെ ആറ് കോടിയുടെ വൈദ്യൂതി ഉല്പാദിപ്പിച്ചെന്ന് കെ.കൃഷ്ണൻകുട്ടി വ്യക്തമാക്കി. തൊട്ടിയാർ ജല വൈദ്യുതി പദ്ധതി നാല്‍പ്പത് മെഗാവാട്ട് ശേഷിയുള്ളതാണെന്നും അദ്ദേഹം പറഞ്ഞു. ഇതിനുപുറമെ മറ്റു സംസ്ഥാനങ്ങളില്‍ നിന്നും കൈമാറ്റ കരാർ പ്രകാരം വലിയ തോതില്‍ വൈദ്യുതി ലഭ്യമാക്കാനും തീരുമാനമായിട്ടുണ്ട് .ഇതോടെ ലോഡ് ഷെഡിങ് ഉള്‍പ്പെടെയുള്ള തീരുമാനങ്ങളിലേക്ക് പോകേണ്ടി വരില്ല എന്ന വിലയിരുത്തലിലാണ് കെഎസ്‌ഇബി .ഇത്തവണ വേനല്‍ നേരത്...

കൊട്ടത്തലച്ചി കുരിശുമല കയറ്റത്തിന് നാളെ തുടക്കമാകും. ചെറുപുഴ ചൂരപ്പടവിലെ കൊട്ടത്തലച്ചി മലയിലേക്ക് വലിയ നോമ്ബിലെ എല്ലാ വെള്ളിയാഴ്ചയും നടത്തി വരുന്ന മലകയറ്റമാണ് നാളെ ആരംഭിക്കുന്നത്. മൈലാടൂർ ജെയിംസിന്‍റെ വീടിനു സമീപമുള്ള ഗ്രോട്ടോയില്‍ നിന്ന് രാവിലെ 6.45ന് ജപമാല റാലിയോടെ ആരംഭിക്കുന്ന മലകയറ്റം 7.30ന് ആനക്കുഴിയില്‍ നിന്ന് ക്രിസ്തുവിന്‍റെ പീഡാനുഭവത്തെ അനുസ്മരിച്ച്‌ കുരിശിന്‍റെ വഴിയെ മലമുകളിലെത്തും.  തുടർന്ന് 8.10ന് വിശുദ്ധ കുർബാനയും നൊവേനയും നടക്കും. തിരുക്കർമങ്ങള്‍ക്ക് ഇടവക വികാരി ഫാ. ആന്‍റണി മറ്റക്കോട്ടില്‍ കാർമികത്വം വഹിക്കും. നോമ്ബുകാലത്തെ എല്ലാ വെള്ളിയാഴ്ചയിലേയും ദുഖവെള്ളി, പുതുഞായർ എന്നീ ദിവസങ്ങളിലെ തിരുക്കർമങ്ങള്‍ക്കായി ഇടവക വികാരിയുടെയും ഭരണസമിതിയുടെയും നേതൃത്വത്തില്‍ വിപുലമായ ഒരുക്കങ്ങളാണു നടന്നുവരുന്നത്.

കണ്ണൂര്‍ : യാത്രക്കാരുടെ എണ്ണത്തിലും വരുമാനത്തിലും ഏറെ മുന്നിലുള്ള കണ്ണൂര്‍ റെയില്‍വെ സ്റ്റേഷന്‍ വികസനമില്ലാതെ വീര്‍പ്പുമുട്ടുന്നു. വര്‍ഷങ്ങളോളമായുള്ള യാത്രക്കാരുടെ നിരന്തരമായ ആവശ്യങ്ങളൊന്നും അംഗീകരിക്കാതെ പുറംന്തിരിഞ്ഞ് നില്‍ക്കുകയാണ് റെയില്‍വെ അധികൃതര്‍. വികസനക്കുതിപ്പിന് ഉതകുന്ന സ്ഥലമുണ്ടായിട്ടും അത് സ്വകാര്യ വ്യക്തിക്ക് 49 വര്‍ഷത്തെ പാട്ടത്തിന് നല്‍കുകയാണ് ചെയ്തത്. ആകെ മൂന്ന് ഫ്‌ലാറ്റ് ഫോമുകള്‍ മാത്രമുള്ള ഇവിടെ നാലാമത്തെ പ്ലാറ്റ്‌ഫോമിനായി മുറവിളി തുടങ്ങിയിട്ട് ഏറെക്കാലമായി. പതിനൊന്ന് തീവണ്ടികള്‍ യാത്ര ആരംഭിക്കുന്ന സ്റ്റഷനാണ് കണ്ണൂര്‍. ഒരു തീവണ്ടിപോലും യാത്ര തുടങ്ങാത്ത കോട്ടയത്തിന് 6 പ്ലാറ്റ്‌ഫോമുകളുള്ളപ്പോഴാണ് കണ്ണൂരിന്റെ ദുരവസ്ഥ. തീവണ്ടികള്‍ നിര്‍ത്തിയിടാന്‍ സൗകര്യമുണ്ടായാല്‍ ഇവിടെനിന്നും കൂടുതല്‍ ട്രെയിനുകള്‍ക്ക് യാത്ര തുടങ്ങാനാകും. സംസ്ഥാനത്തെ അഞ്ച് കോര്‍പ്പറേഷനുകളിലെ റെയില്‍വെ സ്റ്റേഷനുകളും അമൃത് ഭാരത് പദ്ധതിയുടെ ഭാഗമായി 500 കോടിയോളം രൂപയുടെ വികസനപ്രവര്‍ത്തനം നടക്കുമ്ബോള്‍ കണ്ണൂരില്‍ 20 കോടി രൂപയില്‍ താഴെയുള്ള പ്രവര്‍ത്തികള്‍ മാത്രമാണ് നടക്കുന്നത്. തിരക...

കണ്ണൂർ : കോളേജ് പഠനകാലത്തെ തർക്കത്തെ തുടർന്ന് രണ്ടു വർഷത്തിനുശേഷം ആക്രമണമെന്ന് പരാതി. കണ്ണൂർ തെക്കി ബസാറിൽ ഞായറാഴ്ച രാത്രി 10 മണിയോടെ അധ്യാപക പരിശീലന വിദ്യാർത്ഥി മുഹമ്മദ് മുനീസിന് നേരെ ആക്രമണമുണ്ടായി. മൂർച്ചയേറിയ ബ്ലേഡ് കൊണ്ടുള്ള ആക്രമണത്തിൽ മുനീസിന് മുഖത്തും ചുണ്ടിനും പരുക്കേറ്റു. കോളേജ് പഠനകാലത്തെ ജൂനിയർ വിദ്യാർത്ഥികളാണ് ആക്രമിച്ചതെന്നാണ് മുനീസ് പരാതിയിൽ പറയുന്നത്. അക്രമി സംഘത്തിനെതിരെ കണ്ണൂർ ടൗൺ പോലീസിൽ പരാതി നൽകിയിട്ടുണ്ട്.

കണ്ണൂർ :- റെയിൽവേ സ്റ്റേഷൻ പ്ലാറ്റ്ഫോമുകളിൽ എ.ടി.എം മെഷീൻ വരുന്നു. വിമാനത്താവളങ്ങളിലും മാളുകളിലുമുള്ളതുപോലെ തുറന്ന കിയോസ്സുകളായിരിക്കും സ്ഥാപിക്കുക. ഒരു ചതുരശ്രമീറ്ററിൽ എ.ടി.എം. മെഷീനുകൾ സ്ഥാപിക്കും. സ്വകാര്യ എ.ടി.എം. ദാതാക്കളുമായി ചേർന്നാണ് ആദ്യഘട്ടം നടപ്പാക്കുന്നത്. അതിനായി മംഗളൂരു സെൻട്രൽ മുതൽ പാലക്കാട് വരെയുള്ള 19 സ്റ്റേഷനുകളിൽ ടെൻഡർ വിളിച്ചു. കണ്ണൂർ ഉൾപ്പെടെ വലിയ സ്റ്റേഷനുകൾക്കുപുറമെ ഫറോക്ക്, ചെറുവത്തൂർ പോലെ ചെറിയ സ്റ്റേഷനുകളിലും എ.ടി.എം. സ്ഥാപിക്കും. ഏപ്രിൽ ഒന്നുമുതൽ പ്രവർത്തിച്ചുതുടങ്ങും. അഞ്ചുവർഷ ത്തേക്കാണ് കരാർ. നിലവിൽ ചില പ്രധാന റെയിൽവേ സ്റ്റേഷനുകൾക്ക് പുറത്ത് പ്രത്യേകം മുറികളിലായി എ.ടി.എമ്മുണ്ട്. മംഗളൂരു ജങ്ഷൻ, മംഗളൂ രു സെൻട്രൽ, കാസർകോട്, കാഞ്ഞങ്ങാട്, നീലേശ്വരം, ചെറുവത്തൂർ, പയ്യന്നൂർ, കണ്ണൂർ, തലശ്ശേരി, മാഹി, വടകര, കൊയിലാണ്ടി, ഫറോക്ക്, കുറ്റിപ്പുറം, ഷൊർണൂർ, ഒറ്റപ്പാലം, നിലമ്പൂർ, പാലക്കാട് ടൗൺ, പാലക്കാട് ജങ്ഷൻ എന്നിവയാണ് എ.ടി.എം വരുന്ന സ്റ്റേഷനുകൾ

കണ്ണൂർ :- അധ്യയന വർഷം അവസാനിക്കുമ്പോൾ വിദ്യാലയങ്ങളിലെ ഫർണിച്ചറുകളും മറ്റും നശിപ്പിക്കുന്നതു ശ്രദ്ധയിൽപെട്ടാൽ രക്ഷിതാക്കളിൽനിന്നു നഷ്ടപരിഹാരം ഈടാക്കുമെന്നു ജില്ലാ പഞ്ചായത്ത് പ്രസിഡന്റ് കെ.കെ രത്നകുമാരി. ജില്ലയിലെ ഒരു സർക്കാർ സ്‌കൂളിലെ ഡെസ്ക്‌കുകളും ബെഞ്ചുകളും വിദ്യാർഥികൾ നശിപ്പിച്ച സംഭവത്തിൽ ജില്ലാ പഞ്ചായത്തിനു പരാതി ലഭിച്ചിരുന്നു. തുടർന്നാണ്, ഇത്തരം സംഭവങ്ങളിൽ രക്ഷിതാക്കളിൽ നിന്നു നഷ്‌ടപരിഹാരം ഈടാക്കുമെന്നും നിയമനടപടി സ്വീകരിക്കുമെന്നും പ്രസിഡന്റ്റ് പ്രതികരിച്ചത്.