Kannur Updates

മട്ടന്നൂർ : വെള്ളിയാംപറമ്പിലെ കിൻഫ്ര ഇൻഡസ്ട്രിയൽ പാർക്കിന്റെ പുതുതായി നിർമിച്ച സ്റ്റാൻഡേർഡ് ഡിസൈൻ ഫാക്ടറി കെട്ടിടം ഉദ്ഘാടനം ഒക്ടോബർ ഒന്നിന് വൈകിട്ട് മൂന്നിന്‌ വ്യവസായ നിയമ വകുപ്പ് മന്ത്രി പി രാജീവ് നിർവഹിക്കും. കെ കെ ശൈലജ എം എൽ എ അധ്യക്ഷത വഹിക്കും. മൂന്ന് നിലകളിലായി 48,000 ചതുരശ്ര അടിയിൽ നിർമിച്ച എസ് ഡി എഫ് കെട്ടിടത്തിൽ വ്യവസായ സംരംഭകർക്കുള്ള അടിസ്ഥാന സൗകര്യങ്ങൾ ഒരുക്കിയിട്ടുണ്ട്.

മാഹി : മാഹി സെന്‍റ് തെരേസ ബസിലിക്ക തീർഥാടന കേന്ദ്രത്തില്‍ തിരുനാള്‍ മഹോത്സവം ഒക്‌ടോബർ അഞ്ചു മുതല്‍ 22 വരെ നടക്കും. അഞ്ചിനു രാവിലെ 11.30ന് കൊടിയേറ്റം. ഉച്ചയ്ക്ക് 12ന് വിശുദ്ധ അമ്മ ത്രേസ്യയുടെ അദ്ഭുത തിരുസ്വരൂപ പ്രതിഷ്ഠ. വൈകുന്നേരം ആറിന് ആഘോഷമായ ദിവ്യബലി, നൊവേന എന്നിവയ്ക്ക് കോഴിക്കോട് രൂപത വികാരി ജനറാള്‍ മോണ്‍. ജെൻസൻ പുത്തൻവീട്ടില്‍ കാർമികത്വം വഹിക്കും. ആറിനു രാവിലെ ഏഴിനും ഒന്പതിനും ദിവ്യബലിക്ക് ഫാ. ആന്‍റോ എസ്ജെ കാർമികത്വം വഹിക്കും. രാവിലെ 11ന് ദിവ്യബലിക്ക് ഫാ. എ. മുത്തപ്പൻ, ഉച്ചകഴിഞ്ഞ് മൂന്നിന് ദിവ്യബലിക്ക് ഫാ. ജോസഫ് അനില്‍, വൈകുന്നേരം ആറിന് ആഘോഷമായ ദിവ്യബലി, നൊവേന എന്നിവയ്ക്ക് ഫാ. പോള്‍ എജെ എന്നിവർ കാർമികത്വം വഹിക്കും.  ഒക്‌ടോബർ ഏഴു മുതല്‍ 11 വരെ രാവിലെ ഏഴിന് ദിവ്യബലി. വൈകുന്നേരം ആറിന് നടക്കുന്ന ആഘോഷമായ ദിവ്യബലി, നൊവേന എന്നിവയ്ക്ക് ഛാന്ദാ ബിഷപ് മാർ എഫ്രേം നരികുളം, ഫാ. ഷിജോയ് ആൻഡ് ഫാ. ഷാന്‍റോ, ഫാ. ജോണ്‍ വെട്ടിമല, ഫാ. കെ.ജോണ്‍സണ്‍, ഫാ. ഡാനി ജോസഫ് എന്നിവർ കാർമികത്വം വഹിക്കും. 12ന് രാവിലെ ഏഴിനും ഒന്പതിനും ദിവ്യബലി-ഫാ. ആന്‍റണി പാലിയത്തറ, 11ന് ദിവ്യബലി-ഫാ. സുധീപ്...

ആലക്കോട് : മലയോര ഹൈവേയില്‍ ഗതാഗതക്കുരുക്ക് അതിരൂക്ഷമായിട്ടുള്ള കരുവൻചാലില്‍ പുതിയതായി നിർമ്മാണം നടന്നുവരുന്ന പാലത്തിന്റെ അവസാനഘട്ട പ്രവൃത്തി അടുത്ത മാസത്തോടെ പൂർത്തിയാകും. മഴ മാറുന്നതോടെ അപ്രോച്ച്‌ റോഡിന്റെ നിർമ്മാണവും ആരംഭിച്ച്‌ ഡിസംബർ മാസത്തോടെ പുതിയ പാലം ഗതാഗതത്തിന് തുറന്നു കൊടുക്കാൻ കഴിയുമെന്നാണ് പ്രതീക്ഷ. ആറ് പതിറ്റാണ്ട് പഴക്കമുള്ളതും വീതി കുറഞ്ഞതുമായ കരുവൻചാല്‍, ആലക്കോട് എന്നിവിടങ്ങളിലെ പാലങ്ങള്‍ തകർച്ചാഭീഷണിയിലായതിനെത്തുടർന്ന് പതിറ്റാണ്ട് കാലമായി നാട്ടുകാർ പുതിയ പാലത്തിനായി മുറവിളി കൂട്ടുകയായിരുന്നു. ഇതില്‍ ആലക്കോട് പാലത്തിന്റെ നിർമാണം ഇക്കഴിഞ്ഞ ജനുവരിയില്‍ പൂർത്തിയാക്കി ഗതാഗതത്തിന് തുറന്ന് കൊടുത്തു. എന്നാല്‍ കരുവൻചാല്‍ പാലത്തിന്റെ നിർമാണപ്രവൃത്തി പിന്നെയും നീണ്ടു പോവുകയായിരുന്നു. പാലം ഗതാഗതത്തിന് തുറന്നു കൊടുക്കുന്നതോടെ കരുവൻചാല്‍ ടൗണിന്റെ മുഖഛായ തന്നെ മാറും. പാലത്തിന്റെ കൈവരിയുടെ നിർമ്മാണമാണിപ്പോള്‍ നടന്നുകൊണ്ടിരിക്കുന്നത്. 11 മീറ്റർ വീതി, 50 മീറ്റർ നീളം 5.8 കോടി രൂപ എസ്റ്റിമേറ്റ് തുകയില്‍ നിർമ്മാണം ആരംഭിച്ച കരുവൻചാല്‍ പാലത്തിന് 11 മീറ്റർ വീതിയും 50 മീറ...

ഇരിട്ടി : ഇരിട്ടി ടൗണിൽ ഒക്ടോബർ ഒന്നു മുതൽ ഗതാഗത പരിഷ്കരണം ഏർപ്പെടുത്തും. ഇതിന്റെ ഭാഗമായി ടൗണിലെ പാർക്കിംഗ് ഏരിയകളും, ബസ് വേകളും, ഓട്ടോ ടാക്സി സ്റ്റാൻഡുകളും സംബന്ധിച്ച് അന്തിമ തീരുമാനം ഉണ്ടാക്കുന്നതിനായി നഗരസഭയുടെയും പോലീസിന്റെയും ഗതാഗത വകുപ്പിന്റെയും ട്രേഡ് യൂണിയൻ സംഘടനകളുടെയും വ്യാപാരികളുടെയും നേതൃത്വത്തിൽ സെപ്റ്റംബർ 30ന് സംയുക്ത പരിശോധന നടത്താനും തീരുമാനിച്ചു. കൂടാതെ നഗരത്തിലെ അംഗീകൃത പാർക്കിംഗ് ഏരിയയിൽ പാർക്ക് ചെയ്യാവുന്ന അംഗീകൃതസമയം അരമണിക്കൂറായും നിജപ്പെടുത്തി. പുതിയ ബസ്റ്റാൻഡ് റോഡ് ഇടതുവശം നോ പാർക്കിംഗ് ഏരിയയായും, വലതുവശം ഓട്ടോസ്റ്റാൻഡ് ആയും നിലനിർത്താനും തീരുമാനിച്ചു. താലൂക്ക് ഓഫീസ് ജംഗ്ഷൻ മുതൽ കല്യാൺ കട വരെ സ്വകാര്യ പാർക്കിഗിനും, മിൽമ ബൂത്ത് മുതൽ കോഫി ഹൗസ്-ന്യൂ ഇന്ത്യ ടാക്കീസ് കവല വരെ ടൂവീലർ പാർക്കിങ്ങിനും അരമണിക്കൂർ അനുവദിക്കും. സംയുക്ത പരിശോധനയ്ക്ക് ശേഷം നിലവിലുള്ള പാർക്കിംഗ് രീതിയിൽ ആവശ്യമായ മാറ്റം വേണമെങ്കിൽ പരിഷ്കരിക്കും.

കണ്ണൂർ : കണ്ണൂർ നഗരത്തില്‍ രാത്രി വൈകിയെത്തുന്നവർക്ക് ആശ്വാസമായിരുന്ന കെ.എസ്.ആർ.ടി.സി ബസ് സ്റ്റാൻഡിലെ മില്‍മയുടെ ഫുഡ് ട്രക്കിന് താഴുവീണു. ഇതിനായുള്ള അനുമതി കെ.എസ്.ആർ.ടി.സി പുതുക്കി നല്‍കാത്തതാണ് പൂട്ടാൻ കാരണമായതെന്ന് നടത്തിപ്പുകാർ പറഞ്ഞു. ചായക്കട രാവിലെ മുതല്‍ രാത്രി ഏറെ വൈകിയും തുറക്കാറുള്ളതിനാല്‍ യാത്രക്കാർക്കും ഉപകാരപ്രദമായിരുന്നു. തിരുവനന്തപുരത്ത് തുടങ്ങിയ ലഘുഭക്ഷണശാലയുടെ മാതൃകയില്‍ കണ്ണൂരിന് പുറമെ പാലക്കാട്, പെരിന്തല്‍മണ്ണ, കാസർകോട് എന്നിവിടങ്ങളിലാണ് ഇത്തരത്തില്‍ ലഘുഭക്ഷണശാലകള്‍ തുടങ്ങിയിരുന്നത്. കാലപ്പഴക്കത്താല്‍ കട്ടപ്പുറത്തായ ബസ് രൂപമാറ്റം വരുത്തിയാണ് ലഘു ഭക്ഷണശാലയാക്കി മാറ്റിയത്. ഇതിനായുള്ള ബസും അത് നിർത്തിയിടാൻ ഡിപ്പോയ്ക്ക് സമീപത്തായി സ്ഥലവും കെ.എസ്. ആർ.ടി.സി നല്‍കി. ബസിൻ്റെ അകത്തളം രൂപ മാറ്റം വരുത്തി ഇതിനായി തയ്യാറാക്കിയത് മില്‍മയാണ്. യാത്രക്കാർക്ക് ബസിനകത്ത് ഇരുന്ന് ചായയും പലഹാരവും കഴിക്കാനുള്ള സൗകര്യമാണ് ഒരുക്കിയിരുന്നത്. ബസിന് പുറത്തുനിന്ന് കഴിക്കാനുള്ള സൗകര്യവുമുണ്ടായിരുന്നു. ചായയും പലഹാരവും മാത്രമല്ല, മില്‍മയുടെ 48 ഇനം ഉത്പന്നങ്ങളും ബസിനകത്ത് വില...

ഇരിട്ടി : തന്തോട് കാർ നിയന്ത്രണം വിട്ടു മറിഞ്ഞു. ഉളിക്കൽ പുറവയൽ സ്വദേശികൾ സഞ്ചരിച്ച കാറാണ് അപകടത്തിൽപ്പെട്ടത്. തിങ്കളാഴ്ച ഉച്ചയോടെ ആയിരുന്നു അപകടം. ഇരിട്ടി - ഉളിക്കൽ റോഡിൽ തന്തോട് വച്ചായിരുന്നു നിയന്ത്രണം വിട്ട കാർ റോഡരികിലെ കുഴിയിലേക്ക് മറിഞ്ഞത്. അപകടത്തിൽ ആർക്കും പരിക്കില്ല. സംഭവമറിഞ്ഞ് ഇരിട്ടി പോലീസും സ്ഥലത്തെത്തി.

കണ്ണൂർ : എളയാവൂരില്‍ കൈത്തറി ഉത്പന്ന നിർമാണ യൂണിറ്റിലുണ്ടായ തീപിടിത്തത്തില്‍ ലക്ഷങ്ങളുടെ തുണിത്തരങ്ങള്‍ കത്തിനശിച്ചു. ധർമോദയം എല്‍പി സ്കൂളിന് സമീപം പ്രവർത്തിക്കുന്ന കൈത്തറി തുണിയില്‍ നിന്ന് ബാഗ് ഉള്‍പ്പെടെയുള്ള കയറ്റുമതി ഉത്പന്നങ്ങള്‍ നിർമിക്കുന്ന സ്ഥാപനത്തിലാണ് തീപിടിത്തമുണ്ടായത്. കെട്ടിടത്തിന്‍റെ മുകള്‍ നിലയിലുണ്ടായ തീപിടിത്തത്തില്‍ ഉത്പന്ന നിർമാണത്തിനായി സൂക്ഷിച്ച തുണിത്തരങ്ങള്‍ പൂർണമായും കത്തി നശിച്ചു. അരോളി സ്വദേശി വി.വി. കിരണിന്‍റെ ഉടമസ്ഥതയിലുള്ളതാണ് സ്ഥാപനം.  ഇന്നലെ വൈകുന്നേരം 6.45 ഓടെ മുകള്‍ നിലയില്‍ നിന്ന് പുക ഉയരുന്നത് കണ്ട പ്രദേശവാസികള്‍ അഗ്നിരക്ഷാ സേനയെ അറിയിക്കുകയായിരുന്നു. കണ്ണൂരില്‍ നിന്ന് അസി. സ്റ്റേഷൻ ഓഫീസർ എസ്. അനില്‍ കുമാറിന്‍റെ നേതൃത്വത്തിലുള്ള രണ്ട് യൂണിറ്റ് എത്തിയാണ് തീയണച്ചത്. വലിയ വാഹനത്തിന് തീപിടിത്തമുണ്ടായ സ്ഥലത്തേക്ക് എത്താൻ സൗകര്യമില്ലാഞ്ഞത് രക്ഷാപ്രവർത്തനത്തെ ബാധിച്ചു. അഗ്നിശമന സേനാംങ്ങള്‍ രണ്ടു മണിക്കൂർ നേരം പരിശ്രമിച്ചാണ് തീയണച്ചത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്ന് കരുതുന്നു.

തലശ്ശേരി : തലശ്ശേരിയിൽ റെയിൽവെ ട്രാക്കിനരികിൽ തളർന്നുവീണയാൾ സഹായം കിട്ടാതെ പൊരിവെയിലിൽ കിടന്നത് നാല് മണിക്കൂറോളം. ബോധമില്ലാതെ കിടന്ന മുണ്ടല്ലൂർ സ്വദേശി ബാബുവിനെ റെയിൽവെ പൊലീസാണ് രക്ഷപ്പെടുത്തി ആശുപത്രിയിലാക്കിയത്. മദ്യപിച്ച് കിടക്കുന്നതെന്ന് കരുതി, സഹായിക്കാൻ തുനിയാതെ നൂറുകണക്കിന് പേരാണ് ബാബുവിനെ കടന്നുപോയത്.  കഴിഞ്ഞ വ്യായാഴ്ച്ച എറണാകുളത്ത് ഹോട്ടൽ പണി കഴിഞ്ഞ് വരുന്ന വഴിയായിരുന്നു ബാബു. വീണുപോയ ബാബുവിനെ അതുവഴി പോയ നൂറുകണക്കിന് പേർ കണ്ടു. പക്ഷേ ആരും സഹായിച്ചില്ല. വിവരം ആരെയുമറിയിച്ചതുമില്ല. നാല് മണിക്കൂർ വെയിലത്തുരുകി കിടക്കുകയായിരുന്നു ബാബു.  പതിനൊന്നരയോടെ റെയിൽവെ എഎസ്ഐ മനോജ് കുമാറും കോൺസ്റ്റബിൽ റിബേഷും പതിവ് പരിശോധനയ്ക്ക് ആ വഴി വന്നപ്പോൾ കണ്ടു. ഓടിച്ചെന്ന് കുടപിടിച്ചു, വെള്ളം കൊടുത്തു. നിർജലീകരണം വന്ന് അവശനായ ബാബുവിനെ ആംബുലൻസ് വിളിച്ച് ആശുപത്രിയിലാക്കി. തുടര്‍ന്ന് ബാബുവന്‍റെ സഹോദരിയെ വിളിച്ചറിയിച്ചു. ആശുപത്രിയില്‍ തീവ്ര പരിചരണ വിഭാഗത്തില്‍ ചികിത്സയിലാണ് ബാബു ഇപ്പോൾ. 

ആലക്കോട് : കാപ്പിമലയിൽ രാജവെമ്പാലയെ പിടികൂടി. വ്യാഴാഴ്ച രാത്രി 10-ന് കാപ്പിമലയിലെ കട്ടക്കയം ജോയി പശുവിന് തീറ്റ കൊടുക്കാൻ പുല്ല് സൂക്ഷിച്ച ഭാഗത്തേക്ക് പോയപ്പോഴാണ് രാജവെമ്പാലയെ കണ്ടത്. പാമ്പിനെ കണ്ട പ്രദേശവാസികൾ വനം വകുപ്പ് അധികൃതരെയും പാമ്പ് പിടിത്ത വിദഗ്ധൻ ഉദയഗിരിയിലെ മനുവിനെയും വിവരം അറിയിച്ചു. ഉടൻതന്നെ മനുവും സംഘവും സ്ഥലത്തെത്തി രാജവെമ്പാലയെ പിടിച്ചു.

കണ്ണൂർ : കണ്ണൂർ നഗരത്തിലെ സൗന്ദര്യവല്‍ക്കരണത്തിന് വൻ പദ്ധതിയൊരുങ്ങുന്നു.കണ്ണൂർ കോർപ്പറേഷൻ്റെ സ്വപ്ന പദ്ധതിയായ നഗര സൗന്ദര്യവല്‍ക്കരണം പദ്ധതി ഡി.പി.ആർ കൗണ്‍സില്‍ യോഗം അംഗീകരിച്ചതായി മേയർ മുസ്ലിഹ് മഠത്തില്‍ അറിയിച്ചു. കണ്ണൂർ നഗരത്തെ സൗന്ദര്യവല്‍ക്കരിക്കുന്നതിന് മൂന്ന് ഘട്ടങ്ങളായുള്ള പദ്ധതിയാണ് അംഗീകരിച്ചത്. ഗാന്ധി സർക്കിള്‍, പഴയ ബസ്റ്റാൻഡ് റോഡ് ബ്യൂട്ടിഫിക്കേഷൻ , പ്ലാസ റോഡ് ബ്യൂട്ടിഫിക്കേഷൻ, സൂര്യ സില്‍ക്സ്, പഴയ മേയറുടെ ബംഗ്ലാവ് വരെയുള്ള പ്രവർത്തിയുടെ ഡി.പി.ആർ തയ്യാറായി വരുന്നതായും മേയർ അറിയിച്ചു. ഡി.പി.ആർ തയ്യാറാക്കുന്നതിന് മുൻകൈ എടുത്ത മേയറെ കൗണ്‍സില്‍ യോഗം അഭിനന്ദിച്ചു. 

കണ്ണൂര്‍ : ഏറെക്കാലത്തെ കാത്തിരിപ്പിന് ശേഷം മേലെ ചൊവ്വയിലെ മേല്‍പ്പാലം നിര്‍മ്മാണം യാഥാര്‍ത്ഥ്യമാകുന്നു. ഒക്ടോബര്‍ ആദ്യവാരം നിര്‍മ്മാണോദ്ഘാടനം നടത്താനാണ് ലക്ഷ്യമിടുന്നത്. അതിനുമുന്‍പ് തന്നെ പ്രവൃത്തി തുടങ്ങിയേക്കും. ഊരാളുങ്കല്‍ ലേബര്‍ കോണ്‍ട്രാക്റ്റ് കോ -ഓപ്പറേറ്റീവ് സൊസൈറ്റിയാണ് മേല്‍പ്പാലം നിര്‍മിക്കാനുള്ള ടെന്‍ഡര്‍ നേടിയത്. 24.54 കോടി രൂപ ചെലവിലാണ് പാലം നിര്‍മ്മിക്കുക. ടെന്‍ഡറിന് ശേഷമുള്ള സാങ്കേതിക തടസ നടപടിക്രമങ്ങള്‍ അതിവേഗം പൂര്‍ത്തിയാക്കി ഉടന്‍ നിര്‍മ്മാണം തുടങ്ങാനാത്ത് റോഡ് ന് ആന്‍ഡ് ബ്രിഡ്ജസ് ഡവലപ്പ്‌മെന്റ് കോര്‍പറേഷന്‍ ഓഫ് കേരള ( ആര്‍. ബി. ഡി. സി.കെ) ആലോചിക്കുന്നത്. രണ്ടു വര്‍ഷം കൊണ്ട് പൂര്‍ത്തിയാക്കണമെന്നാണ് കരാറിലെ വ്യവസ്ഥ അതിനു മുന്‍പെ തന്നെ പൂര്‍ത്തിയാക്കാനുള്ള പരിശ്രമം നടത്തിയേക്കും. കണ്ണൂര്‍ നഗരത്തിലെ ഗതാഗത കുരുക്കഴിക്കാനുള്ള പദ്ധതികളില്‍ പ്രധാനപ്പെട്ടതാണ് മേലെ ചൊവ്വയിലെ മേല്‍പ്പാലം. അതു യാഥാര്‍ത്ഥ്യമാക്കുന്നതിനുള്ള ശ്രമത്തിനും കാത്തിരിപ്പിനും വര്‍ഷങ്ങളുടെ പഴക്കമുണ്ട്. 2016-ലാണ് അടിപ്പാതയ്ക്കുള്ള പദ്ധതി റോഡ്സ് ആന്‍ഡ് ബ്രിഡ്ജ്‌സ് ഡവലപ്പ്‌മെന്റ് കോര...

പയ്യന്നൂർ : പുതിയ ബസ്സ് സ്റ്റാൻഡിന് സമീപം ഷോപ്രിക്സ് വസ്ത്രാലയത്തിൽ തീപ്പിടിത്തം. ചൊവ്വാഴ്ച രാത്രി 10.45-ഓടെയാണ് സംഭവം. പയ്യന്നൂർ അഗ്നിരക്ഷ സേനയെത്തി തീയണച്ചു. തീപ്പിടിത്തത്തിൻ്റെ കാരണം അറിവായിട്ടില്ല. പെരുമ്പ പയ്യന്നൂർ ടൗൺ റോഡരികിലാണ് ഷോപ്രിക്സ്‌ വസ്ത്ര വില്പന ശാലയുടെ കെട്ടിടം. തീ കണ്ട് ഇതുവഴി വന്ന വാഹനങ്ങളിൽ ഉള്ളവരും ഓട്ടോറിക്ഷ ഡ്രൈവർമാരും സംഭവ സ്ഥലത്ത് തടിച്ചുകൂടി. കെട്ടിടത്തിന്റെ മുകൾ നിലയിലാണ് തീപ്പിടിത്തം ഉണ്ടായത്. ഇവിടെ ഉണ്ടായിരുന്ന വസ്ത്രങ്ങളും മറ്റും കത്തി നശിച്ചു. തീ അടുത്തുള്ള കെട്ടിടങ്ങളിലേക്കും മറ്റ് നിലകളിലേക്ക് പടരുന്നത് അഗ്നിരക്ഷാസേന ഇല്ലാതാക്കി. 12 മണിക്ക് ശേഷവും അഗ്നിരക്ഷ സേനയുടെ തീയണക്കാൻ ഉള്ള ശ്രമങ്ങൾ തുടർന്നു.

കണ്ണൂര്‍ : ഓടിക്കൊണ്ടിരിക്കെ തീ ഗോളമായി മാറി കാര്‍. കണ്ണൂർ നഗരത്തിൽ ഓടിക്കൊണ്ടിരിക്കെയാണ് കാറിന് തീപിടിച്ചത്. ഡ്രൈവറും കാഴ്ചപരിമിതിയുള്ള യാത്രക്കാരനും രക്ഷപ്പെട്ടു. താണ ട്രാഫിക് സിഗ്നലിനു സമീപമാണ് കാർ കത്തിയത്. ഫയർ ഫോഴ്സ് തീയണച്ചു. കഴിഞ്ഞ ദിവസം കൊല്ലത്തും സമാനമായ സംഭവം ഉണ്ടായിരുന്നു. ചിതറയിൽ ഓടികൊണ്ടിരുന്ന കാറിന് തീപിടിക്കുകയായിരുന്നു. മടത്തറ സ്വദേശി ഷിഹാബുദ്ദീന്റെ ഉടമസ്ഥതയിലുളള കാറാണ് കത്തിയത്. അപകടത്തിൽ ആളപായം ഇല്ല. രണ്ട് പേരാണ് കാറിലുണ്ടായിരുന്നത്. ബോണറ്റിൽ നിന്ന് പുക ഉയരുന്നത് കണ്ടയുടൻ കാർ നിർത്തി ഇരുവരും രക്ഷപ്പെടുകയായിരുന്നു. കടയ്ക്കലിൽ നിന്നും ഫയർഫോഴ്സ് എത്തിയാണ് തീയണച്ചത്. കാർ പൂർണമായും കത്തി നശിച്ചു. ഷോർട്ട് സർക്യൂട്ട് ആണ് തീപിടുത്തത്തിന് കാരണമെന്നാണ് നിഗമനം. 

ഇന്ന് പൊന്നിന്‍ ചിങ്ങമാസത്തിലെ തിരുവോണദിനം. ഓണവിഭവങ്ങളും സദ്യകളും പായസവും ഒരുക്കി ഓണം ആഘോഷിക്കാനുള്ള തിരക്കിലാണ് മലയാളികള്‍. വയനാട് മുണ്ടക്കൈയില്‍ ഉണ്ടായ ദുരന്തത്തിന്റെ പശ്ചാത്തലത്തില്‍ ലളിതമായ രീതിയിലാണ് കേരളത്തില്‍ ഇക്കുറി ആഘോഷം. എങ്കിലും പൊലിമ കുറയാതെ തന്നെയാണ് ആഘോഷം.  തിരുവോണ തലേന്നായ ഉത്രാട ദിനത്തില്‍ ഉത്രാടപ്പാടില്‍ പതിവുപോലെ ഗംഭീരമായി. ഉത്രാടപ്പാച്ചില്‍ കഴിഞ്ഞ് നിറ മനസ്സോടെയാണ് ഇക്കുറി ഓണം ആഘോഷിക്കുന്നത്. അത്തം നാളില്‍ തുടങ്ങിയ ഒരുക്കങ്ങളാണ് പൂര്‍ണതയിലെത്തുന്നത്. വര്‍ണാഭമായ ആഘോഷപ്പൊലിമയാണ് എങ്ങും. നഗരങ്ങളിലും ഗ്രാമങ്ങളിലും ഒരുപോലെ ഓണാഘോഷം നടക്കുന്നുണ്ട്‌. ഉത്രാട പാച്ചിലിലായിരുന്നു ഇന്നലെ നാട്. ഓണക്കോടി എടുക്കാനും ഓണസദ്യയ്ക്കും ഓണത്തപ്പനെ വരവേല്‍ക്കാനുള്ള ഒരുക്കങ്ങള്‍ക്കും തിരക്കോടു തിരക്കായിരുന്നു. പച്ചക്കറി, പഴം, പൂവ്, പാല്‍, വസ്ത്രം വിപണികളിലായിരുന്നു ആളുകള്‍ ഒഴുകിയെത്തിയത്. കേരളത്തില്‍ അങ്ങോളമിങ്ങോളമുള്ള നഗര-ഗ്രാമ വ്യത്യാസമില്ലാതെ ചെറുതും വലുതുമായ വ്യാപാര സ്ഥാപനങ്ങളിലെല്ലാം തിരക്കായിരുന്നു. പുത്തന്‍ ട്രെന്‍ഡുകളുടെ ശേഖരവുമായി തുണിക്കടകള്‍ ഓണത്തെ വരവ...

തിരുവോണാഘോഷത്തിന് ഒരുങ്ങി ഗുരുവായൂർ ക്ഷേത്രം. ഓണക്കാലത്തെ തിരക്ക് പരിഗണിച്ച്‌ ക്ഷേത്ര ദർശനസമയം ഒരു മണിക്കൂർ കൂട്ടാൻ ദേവസ്വം ഭരണസമിതി യോഗം തീരുമാനിച്ചു. ഉത്രാടം കാഴ്ചക്കുല സമർപ്പണം, ശ്രീ ഗുരുവായൂരപ്പന് ഓണപ്പുടവ സമർപ്പണം, വിശേഷാല്‍ കാഴ്ചശീവേലി ഉള്‍പ്പെടെയുള്ള ക്ഷേത്ര ചടങ്ങുകള്‍ക്കായി ഗുരുവായൂരില്‍ ഒരുക്കങ്ങള്‍ അവസാനഘട്ടത്തിലാണ്. ഓണനാളുകളില്‍ ശ്രീ ഗുരുവായൂരപ്പ ദർശനത്തിന് എത്തുന്ന ഭക്തരുടെ സൗകര്യാർത്ഥം സെപ്റ്റംബർ 14 മുതല്‍ സെപ്റ്റംബർ 22 ഞായറാഴ്ച വരെ ദർശനസമയം ഒരു മണിക്കൂർ കൂട്ടി. ക്ഷേത്രം നട ഉച്ചയ്ക്ക് 3.30 ന് തുറക്കും. പൊതു അവധി ദിനങ്ങളായ സെപ്റ്റംബർ 14 (ഉത്രാടം,, സെപ്റ്റംബർ 15 (തിരുവോണം ), സെപ്റ്റംബർ 16 ( അവിട്ടം), സെപ്റ്റംബർ 17 ( ചതയം ), സെപ്റ്റംബർ 21 ( ശ്രീനാരായണ ഗുരു സമാധിദിനം), സെപ്റ്റംബർ 22 (ഞായറാഴ്ച) എന്നീ തീയതികളില്‍ രാവിലെ 6 മുതല്‍ ഉച്ചതിരിഞ്ഞ് 2 വരെ വി ഐ പി / സ്പെഷ്യല്‍ ദർശന നിയന്ത്രണം ഉണ്ടാകും. തിരുവോണത്തിന് പതിനായിരം പേർക്കുള്ള വിശേഷാല്‍ പ്രസാദ ഊട്ട് രാവിലെ 9ന് തുടങ്ങും. പ്രസാദ ഊട്ടിനുള്ള വരി (ക്യൂ) ഉച്ചയ്ക്ക് 2 മണിക്ക് അവസാനിപ്പിക്കും. കാളൻ, ഓലൻ, പപ്പടം,...

മുഴപ്പിലങ്ങാട് ബീച്ചിൽ വാഹനങ്ങൾക്ക് പ്രവേശനം അനുവദിക്കും. പ്രതികൂല കാലാവസ്ഥ കണക്കിലെടുത്ത് വാഹനങ്ങൾക്ക് പ്രവേശനം നിരോധിച്ചിരുന്ന മുഴപ്പിലങ്ങാട് ഡ്രൈവിങ് ബീച്ചിലേക്ക് സെപ്റ്റംബർ 14 ശനിയാഴ്ച്ച മുതൽ വാഹനങ്ങൾക്ക് പ്രവേശനം അനുവദിക്കുമെന്ന് ഡിടിപിസി സെക്രട്ടറി അറിയിച്ചു. പരമാവധി 20 കി.മീ വേഗതയിൽ മാത്രമേ വാഹനങ്ങൾ ഓടിക്കാൻ പാടുള്ളു.

ഇരിട്ടി  : അപകടങ്ങൾ തുടർക്കഥയായി മാക്കൂട്ടം ചുരം റോഡ്. ബുധനാഴ്ച പുലർച്ചെ രണ്ട് ലോറികൾ മറിഞ്ഞ് 8 മണിക്കൂറോളം ഗതാഗതം തടസ്സപ്പെട്ടു. ഇരു ഭാഗത്തേക്കുമുള്ള ഗതാഗതം തടസ്സപ്പെട്ടതോടെ നിരവധി വാഹനങ്ങളും യാത്രക്കാരും വൈദ്യുതിബന്ധം പോലുമില്ലാത്ത കൊടും വനത്തിൽ അകപ്പെട്ടു.  ബുധനാഴ്ച പുലർച്ചെ 3 മണിയോടെ മാക്കൂട്ടം ചുരത്തിലെ മെതിയടി പാറയിലെ വളവിലാണ് അപകടം നടന്നത്. കർണ്ണാടകയിൽ നിന്നും കണ്ണൂർ വളപട്ടണത്തേക്ക് മരവുമായി വന്ന ലോറിയാണ് ആദ്യം നിയന്ത്രണം നഷ്ട്ടപ്പെട്ട് മറിഞ്ഞത്. ഇതോടെ കൊടും വളവിൽ മറ്റ് വാഹനങ്ങൾക്ക് തിരിഞ്ഞു കയറാൻ കഴിയാത്ത അവസ്ഥയായി.   ബൈക്കുകൾക്ക് മാത്രം കടന്നുപോകാൻ കഴിയുന്ന വിധത്തിലുള്ള ഒരു വഴി മാത്രമേ ഉണ്ടായിരുന്നുള്ളൂ. ഇതിനിടെ കൊഴിയുമായി എത്തിയ ഒരു പിക്കപ്പ് വാൻ ഈ വഴിയിലൂടെ കടന്നുപോകാൻ ശ്രമിക്കുകയും ഇത് അപകടത്തിൽ പെടുകയും ചെയ്തു. ഇതോടെ ഒരു വാഹനത്തിനും കടന്നുപോകാനാവാത്ത വിധം റോഡ് പൂർണ്ണമായും തടസ്സപ്പെട്ടു. വീരാജ്പേട്ടയിൽ നിന്നും എത്തിയ റിക്കവറി വാഹനം ഉപയോഗിച്ച് പിക്കപ്പ് വാൻ വലിച്ചുമാറ്റിയെങ്കിലും ലോറി ഉയർത്താനുള്ള ശ്രമം പരാജയപ്പെട്ടു. വള്ളിത്തോട...

കണ്ണൂർ : താഴെ ചൊവ്വയില്‍ തൊഴിലാളികള്‍ ജോലി ചെയ്യുന്നതിനിടെ ഭക്ഷണ പലഹാര നിർമ്മാണ കടയില്‍ വൻ അഗ്നിബാധ. ചൊവ്വാഴ്ച്ച പുലർച്ചെ അഞ്ചു മണിയോടെയാണ് സംഭവം. താഴെ ചൊവ്വ കണ്ണൂർ ബസ് സ്റ്റോപ്പിനരികിലുള്ള ഹോട്ടല്‍ ഗോള്‍ഡൻസിയെന്ന സ്ഥാപനത്തിലാണ് തീപ്പിടുത്തമുണ്ടായത്.  ഈ സമയം രണ്ടു ജീവനക്കാർ സ്ഥാപനത്തിനകത്തു നിന്നും ജോലി ചെയ്യുന്നുണ്ടായിരുന്നു. ഇവർ പുറത്തേക്ക് ഓടി രക്ഷപ്പെട്ടു സമീപത്തെ സച്ചിദാനന്ദ ഫയർവർക്സിലുണ്ടായിരുന്ന ഫയർ എക്സ്റ്റിംഗ്യുഷനറുകള്‍ കൊണ്ടുവന്നാണ് നാട്ടുകാർ തീഭാഗികമായി അണച്ചത്. തുടർന്ന് കണ്ണൂരില്‍ നിന്നെത്തിയ ഫയർഫോഴ്സ് തീ പൂർണമായും അണച്ചു. ഇരിട്ടി സ്വദേശിയായ ബോബിയുടെ ഉടമസ്ഥതയിലുള്ളതാണ് പലഹാര നിർമ്മാണ കട.

ഓണത്തോടനുബന്ധിച്ച് സ്കൂൾ കുട്ടികൾക്കും അരി വിതരണം തുടങ്ങി. ഉച്ചഭക്ഷണ പദ്ധതിയിൽ എൻറോൾ ചെയ്തിട്ടുള്ള പ്രീപ്രൈമറി മുതൽ എട്ടാം ക്ലാസ് വരെയുള്ള 12027 വിദ്യാലയങ്ങളിലെ 26.22 ലക്ഷം വിദ്യാർഥികൾക്ക് അഞ്ച് കിലോ വീതം അരിയാണ് വിതരണം ചെയ്യുന്നത്. കമലേശ്വരം ജിഎച്ച്എസ്എസിലെ എട്ടാം ക്ലാസ് വിദ്യാർഥി റിസ്വാന് നൽകി സംസ്ഥാനതല ഉദ്ഘാടനം മന്ത്രി വി ശിവൻകുട്ടി നിർവഹിച്ചു. സംസ്ഥാനത്ത് 13,112 മെട്രിക് ടൺ അരിയാണ് ആകെ വിതരണം ചെയ്യുന്നതെന്ന് മന്ത്രി പറഞ്ഞു. സപ്ലൈകോയാണ് സ്കൂളുകളിൽ അരി എത്തിക്കുന്നത്. പിടിഎ, സ്‌കൂൾ ഉച്ചഭക്ഷണ കമ്മിറ്റി, എസ്എംസി, മദർ പി ടിഎ എന്നിവയുടെ നേതൃത്വത്തിലാണ് വിതരണം. ചടങ്ങിൽ മന്ത്രി ജി ആർ അനിൽ അധ്യക്ഷനായി.

മദ്യപിച്ച്‌ അർധബോധാവസ്ഥയില്‍ മാഹിയില്‍ നടുറോഡില്‍ മധ്യവയസ്കന്‍റെ വിള‍യാട്ടം. തിങ്കളാഴ്ച രാവിലെ എട്ടു മണിക്കാണ് സംഭവം. മാഹിപാലത്തിന് നടുവില്‍ റോഡില്‍ ബസിന് കുറുകെ കിടന്നായിരുന്നു ഇയാളുടെ പരാക്രമം. പിടിച്ചു മാറ്റി റോഡരികിലേക്ക് കിടത്താൻ പോയവർക്ക് ഇയാളുടെ തെറിയഭിഷേകമായിരുന്നു. മാറ്റി റോഡരികിലേക്ക് കിടത്തിയെങ്കിലും വീണ്ടും നടുറോഡില്‍ വന്നു കിടന്നു. ഇതോടെ പാലത്തില്‍ ഗതാഗതക്കുരുക്കായി. മാഹിയില്‍ മദ്യഷാപ്പുകള്‍ തുറക്കുന്നത് രാവിലെ ഒമ്ബതിനാണെങ്കിലും 'സ്ഥിരം കസ്റ്റമർ'ക്ക് മദ്യം കരിഞ്ചന്തയില്‍ സുലഭമായി ലഭിക്കുന്നണ്ടത്രെ. രാവിലെ പിൻവാതിലില്‍ കൂടി മദ്യ വില്‍പന നടത്തുന്ന മദ്യക്കടകളുണ്ടെന്നും പ്രദേശവാസികള്‍ പറയുന്നു.

കണ്ണൂർ : റെയില്‍വേ പോലീസ് യുവതിയുടെ ജീവൻ രക്ഷിച്ചു. ട്രെയിൻ മാറിക്കയറിയതിനെ തുടർന്ന് വേഗത്തില്‍ ഇറങ്ങുമ്ബോള്‍ വണ്ടിക്കും പ്ലാറ്റ്ഫോമിനും ഇടയില്‍ വീണ യുവതിയാണ് രക്ഷപ്പെട്ടത്. വെള്ളിയാഴ്ച വൈകീട്ട് 6.40-ന് കണ്ണൂർ റെയില്‍വേ സ്റ്റേഷനിലാണ് സംഭവം. റെയില്‍വേ സീനിയർ സിവില്‍ പോലീസ് ഓഫീസർ കെ. സുധീഷ്കുമാറും സിവില്‍ പോലീസ് ഓഫീസർ പി.വി. റെനീഷുമാണ് രക്ഷകരായത്. എറണാകുളത്തേക്ക് യാത്ര ചെയ്യേണ്ടിയിരുന്ന യുവതി മംഗളൂരുഭാഗത്തേക്കുള്ള പരശുറാം എക്സപ്രസില്‍ മാറിക്കയറുകയായിരുന്നു. ട്രെയിൻ നീങ്ങിത്തുടങ്ങിയപ്പോഴാണ് വണ്ടി മാറിയത് അറിഞ്ഞത്. ഉടൻ ചാടി ഇറങ്ങുകയായിരുന്നു. പിടിവിട്ട് വണ്ടിക്കടിയിലേക്ക് വീഴുന്നതിനിടെയാണ് ഡ്യൂട്ടിയിലുണ്ടായിരുന്ന റെയില്‍വേ പോലീസ് ഉദ്യോഗസ്ഥർ കണ്ടതും രക്ഷിച്ചതും. സ്റ്റേഷനിലെ സി.സി.ടി.വി.യില്‍ നിന്നുള്ള വീഡിയോ നിമിഷങ്ങള്‍ക്കുള്ളില്‍ വൈറലായി.

കണ്ണൂർ : പറശ്ശിനിമടപ്പുരയില്‍ മുത്തപ്പനെ കാണാന്‍ അറബി എത്തി. പറശ്ശിനിടപ്പുരയില്‍ ഇന്ന് പുലർച്ചെയാണ് അറബി സൈദ് മുഹമ്മദ് ആയില്ലാലാഹി അല്‍ നഖ്ബി മുത്തപ്പനെ കണ്ട് അനുഗ്രഹം വാങ്ങാൻ എത്തിയത് .പ്രസാദവും ചായയും കുടിച്ചതിനുശേഷം വളരെയധികം സന്തോഷത്തോടുകൂടി അദ്ദേഹം മടങ്ങിയത് . കീച്ചേരിയില്‍ നിന്നുള്ള രവീന്ദ്രൻ എന്നയാളുടെ കൂടെയായിരുന്നു സന്ദർശനം. മടപ്പുരയില്‍ അദ്ദേഹത്തെ സുജിത്ത് പി എം, സ്യമന്ദ് പി എം, വിനോദ് പി എം എന്നിവർ ചേർന്ന് സ്വീകരിച്ചു .