Kannur Updates

വി​​വാ​​ഹം സം​​ബ​ന്ധി​​ച്ച നി​​യ​​മ​​പ​​ര​​മാ​​യ ത​​ർ ക്ക​​ങ്ങ​​ളും ഓ​​ൺ​​ലൈ​​നാ​​യി പ​​രി​​ഹ​​രി​​ക്കും. വി​​വാ​​ഹം ര​​​ജി​​​സ്റ്റ​​​ർ ചെ​​യ്യു​​ന്ന​​ത് പോ​​ലെ ഇ​​നി വി​​​വാ​​​ഹ​​മോ​​​ച​​​ന​​​വും ഓ​​​ൺ​​​ലൈ​​​നാ​​​യി ര​​​ജി​​​സ്റ്റ​​​ർ ചെ​​​യ്യാ​​​ൻ നി​​​യ​​​മം വ​​​രു​​​ന്നു. ത​​​ദ്ദേ​​​ശ സ്വ​​​യം​​ഭ​​​ര​​​ണ സ്ഥാ​​​പ​​​ന​​​ങ്ങ​​​ളി​​​ലെ സേ​​​വ​​​ന​​​ങ്ങ​​​ൾ ഓ​​​ൺ​​​ലൈ​​​ൻ വ​​​ഴി​​​യാ​​​ക്കു​​​ന്ന​​​തി​​​ന്‍റെ ഭാ​​​ഗ​​​മാ​​​യാ​​​ണ് ഇ​​​ത്ത​​​രം സ​​​മ​​​ഗ്ര മാ​​​റ്റ​​​ങ്ങ​​​ൾ ന​​​ട​​​പ്പി​​​ലാ​​​ക്കു​​​ന്ന​​​തെ​​​ന്നാ​​​ണു ത​​​ദ്ദേ​​​ശ​​​വ​​​കു​​​പ്പ് പ​​​റ​​​യു​​​ന്ന​​​ത്. ഇ​​​തി​​​നാ​​​യു​​​ള്ള ച​​​ട്ട​​​ങ്ങ​​​ൾ ത​​​യാ​​​റാ​​​ക്കാ​​​ൻ ത​​​ദ്ദേ​​​ശ​​വ​​​കു​​​പ്പ് സ​​​മി​​​തി​​​യെ നി​​​യ​​​മി​​​ച്ചി​​​ട്ടു​​​ണ്ട്‌. വി​​​വാ​​​ഹം മോ​​​ച​​​നം നേ​​​ടി​​​യാ​​​ൽ അ​​​ക്കാ​​​ര്യം ഓ​​​ൺ​​​ലൈ​​​നാ​​​യി​​ത്ത​​​ന്നെ രേ​​​ഖ​​​പ്പെ​​​ടു​​​ത്തും. മു​​ൻ ത​​​ദ്ദേ​​​ശ സ്വ​​​യം ഭ​​​ര​​​ണ മ​​ന്ത്രി എം.​​വി. ഗോ​​വി​​ന്ദ​​ൻ മു​​ൻ​​കൈ​​യെ​​ടു​​ത്താ​​ണ് ആ​​ദ്യ ആ​​ലോ​​ച​​ന​​ക​​ൾ തു​​ട​​ങ്ങി​​യ​​ത്. ...

കണ്ണൂർ : കണ്ണൂർ ഡിസിസി ഓഫീസിൽ നടന്ന പുഷ്പാർച്ചനക്ക് പ്രസിഡന്റ് അഡ്വ മാർട്ടിൻ ജോർജ്ജ് നേതൃത്വം നൽകി.

കോഴിക്കോട് : നൈനാന്‍വളപ്പ് ബീച്ചില്‍ കടല്‍ ഉള്‍വലിഞ്ഞു. ഇത് അപൂര്‍വ പ്രതിഭാസമാണെന്നത് നാട്ടുകാരില്‍ പരിഭ്രാന്തി പരത്തി. ഇന്ന് വൈകീട്ടോടെയാണ് കടല്‍ ഉള്‍വലിഞ്ഞത്. പ്രദേശത്ത് സുനാമി മുന്നറിയിപ്പില്ലെന്ന് കോഴിക്കോട് കളക്ടര്‍ അറിയിച്ചു. എന്നാല്‍ ആളുകള്‍ ജാഗ്രത പുലര്‍ത്തണം. ഈ ഭാഗത്തേക്ക് ആളുകള്‍ പ്രവേശിക്കരുതെന്നും ജില്ലാ കളക്ടര്‍ എന്‍ തേജ് ലോഹിത് റെഡ്ഡി മുന്നറിയിപ്പ് നല്‍കി. സുനാമി സമയത്തും ഓഖി ചുഴലിക്കാറ്റിന്റെ സമയത്തും കടല്‍ ഉള്‍വലിഞ്ഞിരുന്നു. ഇതാണ് നാട്ടുകാരില്‍ ആശങ്കയുണ്ടാക്കിയത്.

സോഷ്യലിസ്റ്റ് നേതാവും മുന്‍ മന്ത്രിയുമായിരുന്ന എം.പി. വീരേന്ദ്രകുമാറിന്റെ ഭാര്യ ഉഷ വീരേന്ദ്രകുമാര്‍(82) അന്തരിച്ചു. കോഴിക്കോട്ടെ മെയ്ത്ര ആശുപത്രിയില്‍ ചികിത്സയിലിരിക്കെയാണ് അന്ത്യം. മാതൃഭൂമി ഡയറക്ടര്‍ ബോര്‍ഡ് അംഗമാണ്.  മഹാരാഷ്ട്രയില്‍ ബെല്‍ഗാമിലെ ബാബുറാവ് ഗുണ്ടപ്പ ലേംഗഡെയുടെയും ബ്രാഹ്‌മിലയുടെയും മകളായ ഉഷാദേവി 1958 ലാണ് വീരേന്ദ്രകുമാറിന്റെ ജീവിത സഖിയായത്. ലോകം മുഴുവന്‍ സഞ്ചരിച്ച വീരേന്ദ്രകുമാറിന്റെ യാത്രകളിലെല്ലാം അവരും ഒപ്പമുണ്ടായിരുന്നു.  ഇന്നു വൈകീട്ടുവരെ കോഴിക്കോട് ചാലപ്പുറത്തെ വസതിയിൽ പൊതുദർശനം. നാളെ രാവിലെ വയനാട് കൽപ്പറ്റയിലെ വസതിയിൽ എത്തിക്കും. സംസ്കാരം നാളെ(ശനിയാഴ്ച്ച) ഉച്ചയ്ക്കു ശേഷം മൂന്നു മണിക്ക് കൽപ്പറ്റ പുളിയാറൻമലയിലെ വീട്ടുവളപ്പിൽ.  മക്കൾ: എം.വി. ശ്രേയാംസ് കുമാർ (മാനേജിങ്ങ് ഡയറക്ടർ, മാതൃഭൂമി), എം.വി. ആശ, എം.വി. നിഷ, എം.വി. ജയലക്ഷ്മി. മരുമക്കൾ: എം.ഡി. ചന്ദ്രനാഥ്, കവിത ശ്രേയാംസ് കുമാർ, ദീപക് ബാലകൃഷ്ണൻ (ബെംഗളൂരൂ).

കണ്ണൂർ : കോൺഗ്രസ് നേതാവും കെ പി സി സി അംഗവും മുൻ കണ്ണൂർ ഡിസിസി പ്രസി ഡന്റും ആയിരുന്ന സതീശൻ പാച്ചേനി അന്തരിച്ചു.

തിരുവനന്തപുരം : സംസ്ഥാനത്ത് ഇന്ന് സ്വര്‍ണവില കൂടി. ഒരു പവന്‍ സ്വര്‍ണത്തിന് 120 രൂപയാണ് വര്‍ദ്ധിച്ചത്.ദീപാവലിക്ക് ഷെഹ്‌സ്മ ആദ്യമായാണ് സ്വര്‍ണവില ഉയരുന്നത്. ഇന്നലെ സ്വര്‍ണവില ഇടിഞ്ഞിരുന്നു. 120 രൂപയാണ് ഇന്നലെ കുറഞ്ഞത്. ഒരു പവന്‍ സ്വര്‍ണത്തിന്റെ നിലവിലെ വിപണി വില (Today's Gold Rate) 37480 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന്‍റെ വില ഇന്ന് 15 രൂപ കുറഞ്ഞു. ഇന്നലെ 15 രൂപ ഉയര്‍ന്നിരുന്നു. ഒരു ഗ്രാം 22 കാരറ്റ് സ്വര്‍ണത്തിന്‍റെ ഇന്നത്തെ വിപണി വില 4700 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 10 രൂപ കുറഞ്ഞു. ഒരു ഗ്രാം 18 കാരറ്റ് സ്വര്‍ണത്തിന്‍റെ വില 3890 രൂപയാണ്. അതേസമയം വെള്ളിയുടെ വിലയില്‍ മാറ്റമില്ല. ഒരു ഗ്രാം സാധരണ വെള്ളിക്ക് 63 രൂപയാണ്. ഒരു ഗ്രാം ഹാള്‍മാര്‍ക്ക് വെള്ളിയുടെ വില 90 രൂപയാണ്.

കണ്ണൂർ : നാളെ തുലാപ്പത്ത്, ഉത്തരകേരളത്തിൽ ഒരു തെയ്യ കാലത്തിന് കൂടി തുടക്കമാകുന്നു. കോവിഡ് പ്രതിസന്ധിയിലാക്കിയ ഉത്സവങ്ങളെല്ലാം ഇക്കുറി സജീവമാകുമെന്നതിനാൽ തെയ്യം കലാകാരന്മാർക്കും ഏറെ പ്രതീക്ഷ നൽകുന്ന നാളുകളാണ് വരാൻ പോകുന്നത്. പത്താമുദയത്തോടെ തെയ്യക്കാലത്തെ വരവേൽക്കാനൊരു ങ്ങുകയാണ് ക്ഷേത്രങ്ങളും കാവുകളും കഴകങ്ങളും, നീലേശ്വരം അഞ്ഞൂറ്റമ്പലം വീരർ കാവിൽ നടക്കുന്ന കളിയാട്ടത്തോടെയാണ് ഉത്സവത്തിന് തുടക്കമാവുക . മഴക്കാലത്തിന് മുമ്പ് അരങ്ങോഴിഞ്ഞ തെയ്യങ്ങൾ അഞ്ചു മാസത്തെ ഇടവേളക്കുശേഷം കളിയാട്ടക്കാവുകളെ ഉണർത്തും. അസുരവാദ്യമായ ചെണ്ടയുടെ ദ്രുതതാളത്തിനൊപ്പം ദൈവത്തികളിൽ നർത്തനമാടുന്ന തെയ്യ കോലങ്ങൾ ഒരു ദേശത്തിനാകെ അനുഗ്രഹം ചൊരിയും. വടക്കേ മലബാറിലെ ജനങ്ങളുടെ ജീവിതവുമായി അടുത്ത് നിന്ന അനുഷ്ഠാന കലാരൂപം കൂടിയാണ് തെയ്യം. ഓരോ തെയ്യത്തിനും വേഷവിധാനങ്ങളും ചമയങ്ങളും വ്യത്യസ്തമാണ്. തെയ്യക്കാലത്തിന് മുന്നോടിയായി ആടയാഭരണങ്ങളും ചമയങ്ങളും നിർമിക്കുന്ന തിരക്കിലാണ് കോലക്കാരുള്ളത്. തെയ്യം കലാകാരന്മാർ ചമയങ്ങൾ ഒരുക്കുന്നത് ആചാരനിഷ്ഠയോടും വ്രതശുദ്ധിയോടുമാണ് മരം, ലോഹം, മയിൽപ്പീലി, തുണി, മുള, കുരുത്തോല, വാഴപ്പോള എന്...

കൊച്ചി : ഒന്നിലേറെ സംസ്ഥാനങ്ങളിൽ അംഗങ്ങളെ ചേർത്ത് പ്രവർത്തിക്കുന്ന മൾട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റി (എംഎസ്സിഎ സ്)കളിലെ നിക്ഷേപത്തിൽ കേന്ദ്രസർക്കാരിന് ഉത്തരവാദിത്വമില്ലെന്ന് കേന്ദ്ര സഹകരണമന്ത്രാ ലയത്തിന്റെ സർക്കുലർ, എംഎ സിഎസുകളിലെ നിക്ഷേപവും ഇടപാടുകളും സംബന്ധിച്ച് പരാതികൾ ഉയർന്ന സാഹചര്യത്തിലാണ് അമിത്ഷായുടെ കീഴിലുള്ള കേന്ദ്ര മന്ത്രാലയത്തിന്റെ നടപടി. സെൻട്രൽ രജിസ്ട്രാർക്കു കീഴിൽ രജിസ്റ്റർ ചെയ്തിട്ടുള്ള 27 എംഎസ്സിഎസുകൾ കേരളത്തിൽ പ്രവർത്തിക്കുന്നുണ്ട്. കൃഷി, വ്യാപാരം, ടെക്സ്റ്റൈൽ, കരകൗശലം തുടങ്ങിയ വിവിധ മേഖലകളിലായി രാജ്യത്താകെ 1514 എംഎസ് സി എസുകളാണുള്ളത്. മഹാരാഷ്ട്രയിലാണ് കൂടുതൽ 535 എണ്ണം. 2002ലെ എംഎസ് സിഎസ് നിയമപ്രകാരം കോ-ഓപ്പറേറ്റീവ് സ്ഥാപനങ്ങൾക്കായുള്ള സെൻട്രൽ രജിസ്ട്രാർക്കു കീഴിൽ രജിസ്റ്റർ ചെയ്യുന്ന സ്ഥാപനങ്ങളാണിത് .സാധാരണ സഹകരണ സ്ഥാപനങ്ങങ്ങളിൽ നിന്ന് വ്യത്യസ്തമായി ഒന്നിലേറെ സംസ്ഥാനങ്ങളിൽ ഇവയ്ക്ക് പ്രവർത്തിക്കാം.

പയ്യന്നൂർ : പ​യ്യ​ന്നൂ​രി​ൽ ല​ഹ​രി​പാ​ർ​ട്ടി ന​ട​ത്തു​ന്ന​തി​നി​ടെ ആ​റു​പേ​ർ പി​ടി​യി​ലാ​യി. കെ.​കെ അ​ൻ​വ​ർ, കെ.​പി റ​മീ​സ്, യൂ​സ​ഫ് ഹ​സ്സൈ​നാ​ർ, എം.​കെ ഷ​ഫീ​ക്, വി.​വി ഹു​സീ​ബ്, സി. ​അ​സ്ബാ​ഹ് എ​ന്നി​വ​രാ​ണ് പി​ടി​യി​ലാ​യ​ത്. തിങ്കളാഴ്ച അ​ർ​ധ​രാ​ത്രി പ​യ്യ​ന്നൂ​ർ രാ​മ​ന്ത​ളി വ​ട​ക്കും പാ​ടം​ഭാ​ഗ​ത്ത് വീ​ട്ടി​ൽ​നി​ന്നാ​ണ് ഇ​വ​രെ പി​ടി​കൂ​ടി​യ​ത്. ഇ​വി​ടെ ല​ഹ​രി​പാ​ർ​ട്ടി ന​ട​ക്കു​ന്നു​ണ്ടെ​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സ് റെ​യ്ഡ് ന​ട​ത്തു​ക​യാ​യി​രു​ന്നു. ക​ഞ്ചാ​വ്, എം​ഡി​എം​എ എ​ന്നീ ല​ഹ​രി​വ​സ്തു​ക്ക​ൾ ഇ​വ​രി​ൽ​നി​ന്ന് പി​ടി​ച്ചെ​ടു​ത്തു. സ്വ​ന്ത​മാ​യി നി​ർ​മി​ച്ച ഹു​ക്ക​ക​ളും പ്ര​തി​ക​ളി​ൽ​നി​ന്നും ക​ണ്ടെ​ടു​ത്തു.

രാജ്യത്ത് ഉള്ളി വില കുതിച്ചുയർന്നതായി റിപ്പോർട്ട്. ഉള്ളിയുടെ ലഭ്യത കുറവാണു വില ഉയരാൻ കാരണമാകുന്നത്. കഴിഞ്ഞ ആഴ്ചയിൽ ഏകദേശം 60 മുതൽ 80 ശതമാനം വരെ വില വർധിച്ചു എന്നാണ് ദ ഫ്രീ പ്രസ് ജേണലിന്റെ റിപ്പോർട്ട്.  നവംബർ ആദ്യവാരത്തോടെ പുതിയ വിളകൾ വിപണിയിലെത്തുന്നതുവരെ വിലക്കയറ്റം തുടർന്നേക്കാം.  ഉള്ളിയുടെ ചില്ലറ വിൽപന വില രാജ്യത്ത് കിലോയ്ക്ക് 40 രൂപ കടന്നു. അതേസമയം ഒക്ടോബർ തുടക്കത്തിൽ, ചില്ലറ വിപണിയിൽ ഉള്ളി കിലോയ്ക്ക് 15 രൂപ മുതൽ 25 രൂപ വരെ ആയിരുന്നു. വരും ദിവസങ്ങളിൽ ഉള്ളി വില  50 രൂപ കടക്കുമെന്നാണ് വ്യാപാരികൾ പറയുന്നത്. 

തലശ്ശേരി : റോഡ് വികസനത്തിന്റെ ഭാഗമായി കുടിയിറക്കപ്പെടുന്ന വ്യാപാരികൾക്ക് മതിയായ നഷ്ടപരിഹാരം അനുവദിക്കണമെന്നാവശ്യപ്പെട്ട് 20-ന് ഉച്ചയ്ക്ക് ഒരുമണിവരെ പാനൂർ ടൗണിൽ ഹർത്താലും ധർണയും നടത്താൻ വ്യാപാരി വ്യവസായി സമിതി യോഗം തീരുമാനിച്ചു. സമരപ്രഖ്യാപന കൺവെൻഷനിലാണ് ഒന്നാംഘട്ട സമരം പ്രഖ്യാപിച്ചത്. രണ്ടാംഘട്ടത്തിൽ റോഡ് ഉപരോധവും മൂന്നാംഘട്ടത്തിൽ കളക്ടറേറ്റിലേക്ക് പട്ടിണി മാർച്ചും പിന്നീട് സെക്രട്ടേറിയറ്റ് പടിക്കൽ നിരാഹാര സമരവും നടത്തും. ജില്ലാ സെക്രട്ടറി പി. എം. സുഗുണൻ ഉദ്ഘാടനംചെയ്തു. പി. ഭാസ്കരൻ അധ്യക്ഷനായി. ഒ. സി. നവീൻചന്ദ് സമരപ്രഖ്യാപനം നടത്തി. ജില്ലാ വൈസ് പ്രസിഡന്റ് വി. പി. മൊയ്തു, ജില്ലാ കമ്മിറ്റി അംഗം കെ. മോഹനൻ, പി. കെ. ബാബു, പി. സജീവൻ എന്നിവർ സംസാരിച്ചു.

തിരുവനന്തപുരം : കേന്ദ്രസർക്കാരിന്റെ ജി എസ് ടി പരിഷ്കാരവും കേരളത്തിലേക്ക് അരി എത്തുന്ന സംസ്ഥാനങ്ങളിലെ ലഭ്യതക്കുറവും കാരണം പൊതുവിപണിയിൽ അരിവില കുതിക്കുന്നു. ഒരുമാസത്തിനിടെ 6 മുതൽ 10 രൂപവരെയാണ് കൂടിയത്.  40 രൂപയുണ്ടായിരുന്ന ജ്യോതി അരിക്ക് 49 - 50 രൂപയായി. 33 രൂപയുടെ മടക്ക് 37 - 40 രൂപ നൽകണം. കുറുവ 28ൽ നിന്ന് 34 ആയും സുരേഖ 35ൽ നിന്ന് 45 ആയും ഉയർന്നു. ജയക്ക് 56 - 60 രൂപയാണ്. ബ്രാൻഡ് അരികളുടെ വിലയും കുത്തനെ കൂടി ബംഗാളിൽനിന്നുള്ള നൂർജഹാൻ അരിക്ക് മൊത്തവിപണിയിൽ 35 - 40 രൂപയാണ്. ഒന്നര മാസംമുമ്പ് 28 - 35 ആയിരുന്നു. മട്ടയ്ക്ക് 50 - 63 രൂപയാണ്. 25 കിലോ വരെയുള്ള പാക്കിന് കേന്ദ്രസർക്കാർ 5% ജി എസ് ടി ഏർപ്പെടുത്തിയതാണ് ബ്രാൻഡ് അരിയുടെ വില കൂടാൻ പ്രധാന കാരണം. ആന്ധ്രയിലും കർണാടകയിലും നെല്ലുൽപ്പാദനം കുത്തനെ കുറഞ്ഞതും പ്രതിസന്ധിക്ക് കാരണമായി. ശ്രീലങ്കയിലേക്ക് വൻതോതിൽ അരി കയറ്റുമതി തുടങ്ങിയതും കേരളത്തിലേക്ക് വരവ് കുറച്ചു.  കേരളത്തിൽ ഉൽപാദിപ്പിക്കുന്ന നെല്ല് സർക്കാർ സംഭരിച്ച് പൊതുവിതരണ സംവിധാനം വഴി ജനങ്ങളിൽ എത്തിക്കുന്നതാണ് ആശ്വാസമാകുന്നത്. റേഷൻകടയിൽ എംഎവൈ കാർഡിന് 35 കിലോ...

കണ്ണൂര്‍ :കണ്ണൂര്‍ നഗരത്തില്‍ ഇതര സംസ്ഥാന തൊഴിലാളികള്‍ ഉള്‍പ്പെടെനാലു പേര്‍ക്ക് തെരുവ് നായയുടെ കടിയേറ്റു. മുനീശ്വരന്‍ കോവിലിന്നടുത്ത് വെച്ച്‌ ചൊവ്വയിലെ പി.വി.ഷീജ (47) കീഴ്പള്ളിയിലെ സി.ബി. ബൈജു (40) എന്നിവര്‍ക്കും എസ്.എന്‍. പാര്‍ക്കിന്നടുത്ത് നിന്നും ആസാം സ്വദേശികളായ ഷോ ദേവ് (47) സദര്‍ നോ (25) എന്നിവര്‍ക്കുമാണ് കടിയേറ്റത്. ഇവരെ ജില്ലാ ആശുപത്രിയില്‍ പ്രവേശിപ്പിച്ചു.ഇന്ന് രാവിലെ എട്ടു മണിയോടെയാണ് മണിയോടെയാണ് സംഭവം.

ചെന്നൈ  : തെന്നിന്ത്യന്‍ നടി നയന്‍താരയ്ക്ക് വാടക ഗര്‍ഭധാരണത്തിലൂടെ ഇരട്ട കുട്ടികള്‍ ജനിച്ചത് ഏറെ വാര്‍ത്താപ്രധാന്യം നേടിയതിന് പിന്നാലെ വാടക ഗര്‍ഭധാരണം സംബന്ധിച്ച്‌ വിവാദമുയര്‍ന്നിരുന്നു.തമിഴ്‍നാട് ആരോഗ്യവകുപ്പാണ് ഈ വിഷയത്തില്‍ അന്വേഷണം ആരംഭിച്ചത്. സംസ്ഥാന ആരോഗ്യവകുപ്പ് ജോയന്‍റ് ഡയറക്ടറുടെ നേതൃത്വത്തിലുള്ള മൂന്നംഗ സംഘമാണ് അന്വേഷണം നടത്തുന്നത്. ചെന്നൈയിലെ സ്വകാര്യ ആശുപത്രിയിലാണ് വാടക ഗര്‍ഭധാരണവും ചികിത്സയും പ്രസവവും നടന്നതെന്നാണ് പുറത്ത് വരുന്ന വിവരം. എന്നാല്‍ ഇതുവരെ ഇത് സ്ഥിരീകരിക്കപ്പെട്ടിട്ടില്ല. നയന്‍താരയുടെ ഒരു ബന്ധുവാണ് വാടക ഗര്‍ഭധാരണത്തിന് തയ്യാറായതെന്നും സൂചനകളുണ്ട്. വാടക ഗര്‍ഭധാരണത്തിനായി ഇരുവരും സമീപിച്ച ആശുപത്രിയില്‍ നിന്ന് അന്വേഷണ സംഘം വിവരങ്ങള്‍ ശേഖരിച്ചു എന്നാണ് പുറത്ത് വരുന്ന വിവരം. ആശുപത്രിയിലെ അന്വേഷണം പൂര്‍ത്തിയായതിന് ശേഷം ആവശ്യമെങ്കില്‍ നയന്‍താരയെയും വിഘ്‌നേശ് ശിവനെയും ചോദ്യം ചെയ്യുമെന്ന് ആരോഗ്യവകുപ്പ് അധികൃതര്‍ അറിയിച്ചു. നയന്‍താരയും വിഘ്നേഷും രാജ്യത്തെ വാടക ഗര്‍ഭധാരണ നിയമങ്ങള്‍ പാലിച്ചിട്ടുണ്ടോ എന്ന ചോദ്യങ്ങള്‍ ഉയര്‍ന്നതോടെ ഇതില്‍ അന്വേഷണം...

ടൂറിസ്റ്റ് ബസില്‍ നിയമലംഘനം കണ്ടെത്തിയതിനെ തുടര്‍ന്ന് വിദ്യാര്‍ത്ഥികളുടെ വിനോദയാത്ര തടഞ്ഞ് മോട്ടോര്‍ വാഹന വകുപ്പ്. തലശ്ശേരി ബ്രണ്ണന്‍ കോളജിലെ ബിബിഎ വിദ്യാര്‍ത്ഥികളുടെ ചിക്കമംഗളുരു യാത്രയാണ് മോട്ടോര്‍ വാഹന വകുപ്പ് തടഞ്ഞത്.കോഴിക്കോട് നിന്നെത്തിയതാണ് ബസ്സ്. കണ്ണൂരിലെ ടൂറിസ്റ്റ് ബസ്സുകാരുടെ സംഘടന അറിയിച്ചതിനെ തുടര്‍ന്ന് മോട്ടോര്‍ വാഹന വകുപ്പ് പരിശോധന നടത്തുകയായിരുന്നു. വിദ്യാര്‍ത്ഥികളെ കയറ്റുന്നതിന് തൊട്ടു മുന്‍പാണ് മോട്ടോര്‍ വാഹന വകുപ്പ് അധികൃതരെത്തി പരിശോധന നടത്തി യാത്ര തടഞ്ഞത്. സംസ്ഥാനത്ത് വാഹന പരിശോധന കര്‍ശനമായി തുടരുമെന്ന് ടൂറിസ്റ്റ് ബസ് ഉടമകളോട് ട്രാന്‍സ്‌പോര്‍ട്ട് കമ്മീഷണര്‍ അറിയിച്ചതിന് പിന്നാലെയാണ് നടപടി. വിട്ടുവീഴ്ച പ്രതീക്ഷിക്കേണ്ടെന്നും കളര്‍കോഡ് പാലിക്കണമെന്നും അദ്ദേഹം അറിയിച്ചു. പെയിന്റ് മാറ്റുന്നതിന് സമയം അനുവദിക്കുന്നത് സംബന്ധിച്ച വിഷയം പരിശോധിച്ച ശേഷം തീരുമാനം എടുക്കും.നിയമലംഘനത്തിനെതിരെയുള്ള നടപടികള്‍ കര്‍ശനമാക്കി പുതിയ ഗതാഗത സംസ്‌കാരം സൃഷ്ടിക്കുമെന്ന് ട്രാന്‍സ്‌പോര്‍ട്ട് കമ്മീഷണര്‍ വ്യക്തമാക്കിയിരുന്നു.

കരുനാഗപ്പള്ളി : മാതാ അമൃതാനന്ദമയിയുടെ 69-ാം ജന്മദിനം വ്യാഴാഴ്ച അമൃതപുരി ആശ്രമത്തിൽ ആചരിക്കും. ലളിതമായ ചടങ്ങുകളോടെയാകും ജന്മദിനാചരണം. ലോകമെമ്പാടുമുള്ള അമൃതാനന്ദമയി ആശ്രമങ്ങളിലും വിവിധ ചടങ്ങുകൾ നടക്കും. പ്രളയവും കോവിഡും കാരണം മൂന്നുവർഷമായി ലളിതമായ ചടങ്ങുകളോടെയാണ് ജന്മദിനാചരണം നടത്തുന്നത്. ഇത്തവണയും സമാനമായ രീതിയിൽ അമൃതപുരി ആശ്രമത്തിലെ പ്രധാന ഹാളിലായിരിക്കും ജന്മദിനച്ചടങ്ങുകൾ. എങ്കിലും ലോകത്തിന്റെ വിവിധഭാഗങ്ങളിൽനിന്നുള്ള ഭക്തർ ആശ്രമത്തിൽ എത്തുന്നുണ്ട്. ബുധനാഴ്ച രാത്രി ഒൻപതുമുതൽ ആശ്രമത്തിലെ കളരിയിൽ കാർത്തികപൂജ നടന്നു. വ്യാഴാഴ്ച പുലർച്ചെ അഞ്ചിന് ലളിതാസഹ സ്രനാമാർച്ചന, ഗണപതിഹോമം, ആറിന് നവഗ്രഹഹോമം, മൃത്യു ഞ്ജയഹോമം, ഏഴിന് വേദമന്ത്ര ഘോഷം, ഒൻപതിന് സത്സംഗം, 10-ന് ഗുരുപാദുക പൂജ, ധ്യാനം, തുടർന്ന് മാതാ അമൃതാനന്ദമയി ജന്മദിനസന്ദേശം നൽകും. അതി നുശേഷം ഭജനയും പ്രസാദവിതരണവും നടക്കും. ലോകശാന്തിക്കും സമാധാന ത്തിനുമുള്ള വിശ്വശാന്തി പ്രാർഥനയുമുണ്ടാകും. ലോകമെമ്പാടുമുള്ള ഭക്തർക്ക് ചടങ്ങുകൾ ഓൺലൈനായി കാണാനുള്ള സൗകര്യവും ഒരുക്കിയിട്ടുണ്ട്.

പത്തനംതിട്ട : ഇലന്തൂരിലെ നരബലിയിൽ പ്രതികൾക്കായി ഹാജരാക്കുമെന്ന് അഡ്വക്കേറ്റ് ആളൂർ അറിയിച്ചു. ഭ​ഗവൽ സിം​ഗ്, ലൈല, ഷാഫി എന്നീ മൂന്ന് പ്രതികൾക്കുവേണ്ടിയും താൻ ഹാജരാകുമെന്ന് ആളൂർ വെളിപ്പെടുത്തി. പ്രതികളെ കോടതിയിൽ ഹാജരാക്കിയപ്പോഴാണ് ആളൂരും എത്തിയത്. പ്രതികൾ ശരീരഭാഗങ്ങൾ പാകം ചെയ്ത് ഭക്ഷിച്ചുവെന്നാണ് പൊലീസ് വെളിപ്പെടുത്തുന്നത്. നരബലിയുടെ ലക്ഷ്യം പൂർത്തിയാക്കാൻ ഇരകളുടെ ശരീരഭാഗങ്ങൾ ഭക്ഷിക്കണമെന്ന് ഷാഫി ഭഗവൽ സിംഗിനേയും ഭാര്യ ലൈലയേയും ബോധ്യപ്പെടുത്തി. ലൈല നേരിട്ടാണ് ശരീരഭാഗങ്ങൾ പാകം ചെയ്തതെന്നും പൊലീസ് പറഞ്ഞു. ഏറ്റവും ക്രൂരമായി കൊലപാതകത്തിൽ പങ്കെടുത്തത് ലൈലയാണ്. ഇന്നലെ തെളിവെടുപ്പിനായി ലൈലയെ ഇലന്തൂരിലെ വീട്ടിലെത്തിച്ചപ്പോഴാണ് കൊലപാതകത്തെ കുറിച്ച് പ്രതി പൊലീസിനോട് വിശദീകരിച്ചത്. വീടിന് സമീപത്തുള്ള കല്ലിൽ വച്ച് കൈകൾ അറുത്ത് മാറ്റിയതും മറ്റും ലൈല വിശദീകരിച്ചു. റോസ്ലിന്റെ തലയ്ക്കടിച്ചത് ഷാഫിയാണ്. ശേഷം കട്ടിലിൽ കിടത്തി കഴുത്തറുത്തത് ലൈലയാണ്. ഈ കൊലപാതകത്തിന് ശേഷം ദോഷങ്ങൾ മാറാത്തതുകൊണ്ടാണ് പത്മത്തേയും കൊലപ്പെടുത്തിയത്. പത്മത്തിന്റേയും കഴുത്തറുത്ത് കത്തികൊണ്ട് സ്വകാര്യഭാഗത്ത് കത്ത...

ഗാംബിയയിലെ 66 കുട്ടികളുടെ മരണത്തില്‍ പ്രതിസ്ഥാനത്ത് നില്‍ക്കുന്ന മെയ‍്‍ഡൻ ഫാർമസ്യൂട്ടിക്കൽസിനോട് കഫ് സിറപ്പ് നിർമാണം നിർത്താൻ ഹരിയാണ സർക്കാർ. മെയ‍്‍ഡൻ ഫാർമസ്യൂട്ടിക്കൽസിലെ പരിശോധനകളിൽ ക്രമക്കേടുകൾ കണ്ടെത്തിയതിന് പിന്നാലെയാണ് നടപടി. പരിശോധനയിൽ പന്ത്രണ്ടോളം ക്രമക്കേടുകൾ കണ്ടെത്തിയതായി ഹരിയാണ ആരോഗ്യ മന്ത്രി അനിൽ വിജ് വ്യക്തമാക്കി. സെൻട്രൽ ഡ്രഗ് ലാബിലേക്ക് അയച്ച സാമ്പിളുകളുടെ പരിശോധനാ ഫലം ഇതുവരെ കിട്ടിയിട്ടില്ല. റിപ്പോർട്ട് കിട്ടിയ ശേഷം നടപടിയുണ്ടാകുമെന്നും അനിൽ വിജ് പറഞ്ഞു.  കമ്പനിയുടെ നാല് കഫ് സിറപ്പുകളാണ് കുട്ടികളുടെ മരണത്തിലേക്ക് നയിച്ചതെന്ന ലോകാരോഗ്യ സംഘടനയുടെ (WHO) ആരോപണം വന്നതിന് പിന്നാലെ കേന്ദ്ര സ‍ര്‍ക്കാരും അന്വേഷണം പ്രഖ്യാപിച്ചിട്ടുണ്ട്. ഹരിയാനയിലെ സോനേപഥിലുള്ള മെയ‍്ഡൻ ഫാർമസ്യൂട്ടിക്കൽ ലിമിറ്റഡ് പീഡിയാട്രിക് വിഭാഗത്തിനായി നിർമിച്ച പ്രോമെത്താസിന്‍ ഓറല്‍ സൊലൂഷന്‍, കോഫെക്സാമാലിന്‍ ബേബി കഫ് സിറപ്പ്, മകോഫ് ബേബി കഫ് സിറപ്പ്, മഗ്രിപ് എന്‍ കോള്‍ഡ് സിറപ്പ് എന്നിവയ്ക്കെതിരെയാണ് ആരോപണം ഉയർന്നിട്ടുള്ളത്. കഫ് സിറപ്പിൽ അപകടകരമായ ഡയറ്റ്തലിൻ ഗ്ലൈകോൾ, എഥിലിൻ ഗ്ലൈകോൾ ...

തിരുവനന്തപുരം : പത്ത് കൊല്ലം പഴക്കമുള്ള ആധാറുകള്‍ പുതുക്കാനുള്ള നടപടികളുമായി ആധാര്‍ അതോറിറ്റി. തിരുവനന്തപുരം, എറണാകുളം, പാലക്കാട്‌ ജില്ലകളില്‍ ആണ് ആദ്യഘട്ടം ആരംഭിക്കുക.ഡിസംബര്‍ ആദ്യത്തോടെ എല്ലാ ജില്ലകളിലും ഇതിന്റെ പ്രവര്‍ത്തങ്ങള്‍ തുടങ്ങും. തിരിച്ചറിയല്‍ രേഖയും വിലാസം തെളിയിക്കുന്ന രേഖയുമാണ് ഇതിനു വേണ്ടത്. രേഖകള്‍ മുഴുവന്‍ ഡിജിറ്റലിസ് ചെയ്യുക എന്ന ലക്ഷ്യത്തോടെ ആണ് ഇപ്പൊ ഈ പുതുക്കല്‍ നടത്തുന്നത്. പേര്, വിലാസം, മൊബൈല്‍ നമ്ബര്‍ എന്നിവ തിരുത്തുന്നതിനുള്ള അവസരവും ഈ പുതുക്കലില്‍ ലഭ്യമാകും. ഓണ്‍ലൈന്‍ ആയി പുതുക്കാന്‍ myaadhar.uidai.gov.in എന്ന വെബ്സൈറ്റ് വഴി ആധാര്‍ നമ്ബറും ഒ ടി പി യും എന്റര്‍ ചെയ്തു ലോഗിന്‍ ചെയ്തു ചെയ്യാവുന്നതാണ്. അടുത്തുള്ള അക്ഷയ കേന്ദ്രത്തിലും സേവനങ്ങള്‍ ലഭ്യമാകും.

 ബുദ്ധിപരമായി വെല്ലുവിളി നേരിടുന്നവർക്കുള്ള പരിശീലനത്തിനും അവരുടെ തെ‍ാഴിൽ, ക്ഷേമ, ആരേ‍ാഗ്യ പദ്ധതികളുടെ ഏകേ‍ാപനത്തിനും പദ്ധതി ഗുണനിലവാരം ഉറപ്പാക്കാനും സംസ്ഥാനതലത്തിൽ ഏപ്പെക്സ് സംവിധാനത്തിനു സർക്കാർ നടപടി ആരംഭിച്ചു. ഇന്നു തിരുവനന്തപുരത്തു നടക്കുന്ന ഉന്നതതല യേ‍ാഗത്തിൽ അന്തിമ രൂപരേഖയാകും. വിവിധ പദ്ധതികൾ ഒരു കുടക്കീഴിലാക്കാൻ തിരുവനന്തപുരത്തെ സ്റ്റേറ്റ് ഇൻസ്റ്റിറ്റ്യൂട്ട് ഒ‍ാഫ് മെന്റലി ചാലഞ്ച്ഡിനെ (എസ്ഐഎംസി) ഏപ്പെക്സ് സ്ഥാപനമാക്കാനാണു ധാരണ. സ്ഥാപനത്തിനു മേഖലാ കേന്ദ്രങ്ങളും ആരംഭിക്കും. സ്ഥാപനത്തെക്കുറിച്ചു പെ‍ാതുവിദ്യാഭ്യാസ വകുപ്പ് ഡയറക്ടർ ചെയർമാനും വിവിധ വകുപ്പു തലവന്മാരും വിദഗ്ധരും അംഗങ്ങളുമായ സമിതി രൂപരേഖ തയാറാക്കി. ബുദ്ധിപരമായി വെല്ലുവിളി നേരിടുന്നവരെക്കുറിച്ചു 10 വർഷം മുൻപ് ഡേ‍ാ.എം.കെ. ജയരാജൻ കമ്മിഷൻ നൽകിയ റിപ്പേ‍ാർട്ടിന്റെ അടിസ്ഥാനത്തിലാണു വിദ്യാഭ്യാസ വകുപ്പിന്റെ നടപടി. എസ്ഐഎംസിക്കു കീഴിൽ സെറിബ്രൽ പാൾസി, ഓട്ടിസം, മാനസിക, പഠന വെല്ലുവിളി തുടങ്ങിയ അവസ്ഥകളുടെ ചികിത്സയും പരിശീലനവും ഉൾപ്പെടുത്തും. സ്പെഷൽ സ്കൂളുകൾ, ഭിന്നശേഷിക്കാർക്കുള്ള തെ‍ാഴിൽ പരിശീലന, സ്ഥാപനങ്ങൾ എ...

സമാജ് വാദി പാര്‍ട്ടി നേതാവും ഉത്തര്‍പ്രേദശ് മുന്‍മുഖ്യമന്ത്രിയുമായ മുലായം സിംഗ് യാദവ് അന്തരിച്ചു. ദേശീയ രാഷ്ട്രീയത്തിന്റെ ഗതിവരെ ഒരു കാലത്ത് നിർണയിച്ചിരുന്ന രാഷ്ട്രീയ ചാണക്യനാണ് ചരിത്രത്തിലേക്ക് മായുന്നത്. ഗുരുഗ്രാമിലെ മേദാന്ത ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിരിക്കെയാണ് അന്ത്യം. മകനും എസ്.പി. അധ്യക്ഷനുമായ അഖിലേഷ് യാദവാണ് മരണം വിവരം അറിയിച്ചത്. 82 വയസായിരുന്നു.

തിരുവനന്തപുരം : സംസ്ഥാനത്ത് കൂടുതൽ വിദ്യാർഥികളെ ലഹരിക്ക് അടിമകളാക്കാൻ ലഹരിമാഫിയ ശ്രമിക്കുന്നുവെന്ന് സംശയം. വിദ്യാലയങ്ങളുടെ പരിസരത്ത് മിഠായികൾ ഉൾപ്പെടെയുള്ള മധുരപലഹാരങ്ങളുടെ രൂപത്തിൽ ലഹരി ഒഴുകുന്നുണ്ടോയെന്ന് എക്സൈസ് സംശയിക്കുന്നു. വിദ്യാർഥികളിലേക്ക് ലഹരിയെത്തിക്കാൻ കച്ചവടക്കാർക്കുപോലും അറിയാൻ സാധിക്കാത്ത തരത്തിൽ ലഹരി പദാർഥങ്ങൾ എത്തുന്നുണ്ടെന്ന വിവരമാണ് എക്സൈസിന് ലഭിച്ചത്. ഇതേതുടർന്ന് സംസ്ഥാനത്ത് വിവിധ സ്ഥലങ്ങളിൽ എക്സൈസും ആരോഗ്യവകുപ്പും ചേർന്ന് പരിശോധന നടത്തുകയും സാമ്പിളുകൾ ശേഖരിക്കുകയും ചെയ്തു. ഇവയുടെ രാസപരിശോധന ഫലം വരുന്ന മുറയ്ക്ക് തുടർ നടപടികളുണ്ടാകുമെന്ന് എക്സൈസ് വൃത്തങ്ങൾ വെളിപ്പെടുത്തി. കുട്ടികളിൽ സ്വഭാവ വൈകല്യങ്ങൾ കണ്ട സമയത്ത് നടത്തിയ കൗൺസിലിങ്ങിനിടെയാണ് ഇത്തരം മധുരപലഹാരങ്ങളെപ്പറ്റി വിവരങ്ങൾ ലഭിക്കുന്നത്. തുടർന്ന് വിഷയം എക്സൈസിന്റെ മുന്നിലെത്തുകയും സംസ്ഥാനത്തെ വിവിധ കേന്ദ്രങ്ങളിൽ പരിശോധന നടത്തുകയും ചെയ്തുവെന്നാണ് വിവരം. ഇവിടെ നിന്ന് സംശയത്തിന്റെ പുറത്ത് ശേഖരിച്ച സാമ്പിളുകളുടെ പരിശോധനാ ഫലം കാത്തിരിക്കുകയാണ് എക്സൈസ്. കുട്ടികളിൽ മധുരപലഹാരങ്ങളുടെ മറവിൽ ലഹരി എ...

തമിഴ്നാട്   :  ഓൺലൈൻ ചൂതാട്ടങ്ങൾ നിരോധിക്കാനുള്ള ഓർഡിനൻസിന് തമിഴ്നാട് മന്ത്രിസഭ അംഗീകാരം നൽകി. ഓൺലൈൻ ചൂതാട്ടം കളിക്കുന്നവർക്കും നടത്തുന്നവർക്കും മൂന്ന് വർഷം വരെ തടവുശിക്ഷ നിഷ്കർഷിക്കുന്നതാണ് നിയമം. ഓൺലൈൻ ചൂതാട്ടത്തിൽ പണം നഷ്ടമായി ചെറുപ്പക്കാരടക്കം നിരവധി പേർ തമിഴ്നാട്ടിൽ ജീവനൊടുക്കിയ സാഹചര്യത്തിലാണ് നിയമനിർമാണം. ഈ മാസം 26ന് തമിഴ്നാട് സർക്കാർ പാസാക്കിയ ഓ‍ർഡിനൻസിൽ ഗവർണർ ആർ.എൻ.രവി ഒപ്പിട്ടതോടെയാണ് ഓൺലൈൻ ചൂതാട്ട നിയമം നിലവിൽ വന്നത്. മദ്രാസ് ഹൈക്കോടതി മുൻ ജ‍‍‍ഡ്ജി കെ.ചന്ദ്രുവിന്‍റെ നേതൃത്വത്തിലുള്ള സമിതി നൽകിയ ശുപാർശ സർക്കാർ അംഗീകരിക്കുകയായിരുന്നു. ഓൺലൈൻ ചൂതാട്ടത്തെ നിയന്ത്രിക്കാൻ അണ്ണാ ഡിഎംകെ സർക്കാർ നടപ്പാക്കിയ തമിഴ്നാട് ഗെയിമിംഗ് ആൻഡ് പൊലീസ് ലോസ് നിയമഭേദഗതി മദ്രാസ് ഹൈക്കോടതി റദ്ദാക്കിയിരുന്നു. ഇത് മറികടക്കുന്നതാണ് പുതിയ നിയമം.

തിരുവനന്തപുരം : നിയമവിരുദ്ധമായി രൂപമാറ്റം നടത്തിയ ടൂറിസ്റ്റ് ബസുകൾക്കെതിരെ മോട്ടോർ വാഹന വകുപ്പിന്റെ പരിശോധന ഇന്ന് മുതൽ കർശനമായി നടക്കും. അനധികൃതമായി ഘടിപ്പിച്ചവയെല്ലാം മാറ്റി രണ്ടുദിവസത്തിനുള്ളിൽ ബസ് വീണ്ടും പരിശോധനയ്ക്ക് എത്തിക്കണമെന്നാണ് നിർദേശം. അനധികൃത രൂപമാറ്റം നടത്തിയതിന് 23 ബസുകൾക്കെതിരെ നടപടിയെടുത്തു. ബസുകൾക്ക് 6,500 വീതം പിഴയും ചുമത്തി. ആലുവയിൽ 13 ടൂറിസ്റ്റ് ബസുകൾക്കെതിരെയാണ് മോട്ടോർ വാഹന വകുപ്പ് നടപടിയെടുത്തത്. ഇന്നലെ നടത്തിയ പരിശോധനയിലാണ് നിയമലംഘനം കണ്ടെത്തിയത്. എറണാകുളത്ത് ഇന്നലെ മാത്രം നടപടിയെടുത്തത് 29 ബസുകൾക്കെതിരെയാണ്. രണ്ട് ബസുകളുടെ ഫിറ്റ്നെസും റദ്ദാക്കിയിട്ടുണ്ട്. വടക്കഞ്ചേരി ബസ് അപകടത്തിൽ ബസ് ഉടമ അരുൺ അറസ്റ്റിലായി. പ്രേരണക്കുറ്റം ചുമത്തിയാണ് ഉടമയെ അറസ്റ്റ് ചെയ്തത്. മൂന്നു മാസത്തിനിടെ 19 തവണ ജോമോൻ വേഗ പരിധി ലംഘിച്ചുവെന്ന് അന്വേഷണത്തിൽ കണ്ടെത്തിയിട്ടുണ്ട്. ഈ സാഹചര്യത്തിൽ കൂടിയാണ് ഉടമയെ അറസ്റ്റ് ചെയ്തത്. സംഭവത്തിൽ കൂടുതൽ പേരെ ചോദ്യം ചെയ്യുന്നുണ്ട്.ടൂറിസ്റ്റ് ബസ് ഡ്രൈവർ ജോമോന്റെ അറസ്റ്റും നേരത്തെ രേഖപ്പെടുത്തിയിരുന്നു. അപകടത്തിന് ശേഷം കടന്നു കളഞ്...

സംസ്ഥാനത്ത് കഴിഞ്ഞ 6 വര്‍ഷത്തിനിടെ റോഡപകടങ്ങളില്‍ മരിച്ചത് 26,407 പേരെന്ന് റിപ്പോര്‍ട്ട്. ആകെ 2,49 231 റോഡപകടങ്ങളാണ് സംസ്ഥാനത്തുണ്ടായത്. ഈ വര്‍ഷം ആഗസ്റ്റ് വരെ റോഡപകടങ്ങളില്‍ മരിച്ചത് 2838 പേരാണ്.എട്ട് മാസത്തിനിടെ 28876 അപകടങ്ങളില്‍ 32314 പേര്‍ക്ക് പരുക്കേറ്റു.2016 മുതല്‍ 2022 ആഗസ്റ്റ് മാസം വരെ സംസ്ഥാനത്തുണ്ടായ റോഡപകടങ്ങളുടെ വിവരങ്ങളാണ് പുറത്തുവന്നിരിക്കുന്നത്. പൊലീസിന്റെ ഔദ്യോഗിക വെബ്സൈറ്റില്‍ പ്രസിദ്ധീകരിച്ച കണക്കുകളാണ് ഇത്. 2022 ജനുവരി മുതല്‍ ഓഗസ്റ്റ് വരെ മാത്രം 2838 പേരാണ് സംസ്ഥാനത്ത് റോഡപകടങ്ങള്‍ മൂലം മരിച്ചത്. ഏകദേശം രണ്ടര ലക്ഷത്തോളം അപകടങ്ങളാണ് കഴിഞ്ഞ ആറ് വര്‍ഷത്തിനിടെ സംസ്ഥാനത്ത് ഉണ്ടായത്. അമിത വേഗതയില്‍ പോകുന്ന വാഹനങ്ങളെ കണ്ടെത്താന്‍ ക്യാമറകള്‍ സ്ഥാപിക്കുന്ന നടപടി ഉള്‍പ്പെടെ സര്‍ക്കാര്‍ സ്വീകരിച്ചെങ്കിലും അപകട മരണങ്ങള്‍ക്ക് അറുതിയില്ലെന്നാണ് കണക്കുകള്‍ സൂചിപ്പിക്കുന്നത്.

തിരുവനന്തപുരം : പ്ലസ് വണ്ണിന് അപേക്ഷിച്ചിട്ടും ഇതുവരെ അലോട്ട്‌മെന്റ് ലഭിക്കാത്തവര്‍ക്ക് ഒരു അവസരം കൂടി നല്‍കാന്‍ പൊതു വിദ്യാഭ്യാസ വകുപ്പിന്റെ തീരുമാനം. ഇനി സ്‌കൂളുകളില്‍ അവശേഷിക്കുന്ന സീറ്റുകളില്‍ പ്രവേശനത്തിനായി നാളെ വൈകീട്ട് നാലു മണി വരെ അപേക്ഷിക്കാം.  പ്രവേശന വെബ്‌സൈറ്റായ www.hscap.kerala.gov.in വഴി ഓണ്‍ലൈനായി അപേക്ഷ നല്‍കാം. ഒഴിവുകള്‍ വെബ്‌സൈറ്റില്‍ അറിയാനാകും. ഒഴിവ് അനുസരിച്ച് എത്ര സ്‌കൂള്‍, കോംബിനേഷന്‍ വേണമെങ്കിലും ഓപ്ഷനായി ഉള്‍പ്പെടുത്താം.  ഇതുവരെ അലോട്ട്‌മെന്റ് ലഭിക്കാത്തവര്‍ക്ക് മാത്രമാണ് അപേക്ഷിക്കാന്‍ അവസരമുള്ളത്.

കുന്നത്തൂർപാടി മുത്തപ്പൻ ദേവസ്ഥാനത്തെ പുത്തരി ഉത്സവം ശനി, ഞായർ ദിവസങ്ങളിൽ താഴെ പൊടിക്കളത്ത് നടത്തും. തന്ത്രി പേർക്കളത്തില്ലത്ത് സുബ്രഹ്മണ്യൻ നമ്പൂതിരിപ്പാട് കാർമികത്വം വഹിക്കും. ശനിയാഴ്ച രാവിലെ അഞ്ചിന് കലശപൂജ, തുടർന്ന് വിശേഷാൽ പൂജകൾ, വെള്ളാട്ടം, രാത്രി പൈങ്കുറ്റിയും തുടർന്ന് വെള്ളാട്ടവും നടക്കും. ഞായറാഴ്ച പത്ത് മണിക്ക് മറുപുത്തരി വെള്ളാട്ടം ഉണ്ടാകും. രണ്ട് ദിവസങ്ങളിലും ഭക്തജനങ്ങൾക്ക് അന്നദാനവും ഉണ്ടാകുമെന്ന് പാരമ്പര്യ ട്രസ്റ്റി എസ്.കെ കുഞ്ഞിരാമൻ നായനാർ അറിയിച്ചു.

കൊച്ചി : വടക്കഞ്ചേരി ബസ് അപകടത്തില്‍ ഹൈക്കോടതി സ്വമേധയാ കേസെടുത്തു. അപകടത്തെക്കുറിച്ച് പൊലീസും മോട്ടോര്‍ വാഹന വകുപ്പും വിശദീകരണം നല്‍കണമെന്ന് ജസ്റ്റിസ് ദേവന്‍ രാമചന്ദ്രന്‍ നിര്‍ദേശിച്ചു. കേസ് വീണ്ടും ഉച്ചയ്ക്ക് 1.45ന് പരിഗണിക്കും. വടക്കഞ്ചേരിയില്‍ അപകടമുണ്ടാക്കിയ ബസ്സിന് ഫിറ്റ്‌നസ് സര്‍ട്ടിഫിക്കറ്റ് നല്‍കിയത് ആരാണെന്ന് കോടതി ചോദിച്ചു. ടൂറിസ്റ്റ് ബസുകളിലെ ഫ്ലാഷ് ലൈറ്റുകളും ഹോണുകളും ശബ്ദസംവിധാനവും സംബന്ധിച്ച് നേരത്തെ നിര്‍ദേശം നല്‍കിയിട്ടുള്ളതാണ്. ഇതു ലംഘിച്ചെന്ന് വ്യക്തമാണെന്ന് കോടതി പറഞ്ഞു. ഇന്നു മുതല്‍ ഒരു വാഹനത്തിലും ഫ്ലാഷ് ലൈറ്റുകളും നിരോധിത ഹോണുകളും പാടില്ല. അങ്ങനെയുള്ള വാഹനങ്ങള്‍ പിടിച്ചെടുക്കണമെന്നും ഹൈക്കോടതി നിര്‍ദേശിച്ചു.

തിരുവനന്തപുരം : ഇനിമുതൽ സ്കൂളുകളിൽ നിന്ന് വിനോദയാത്രകളും പഠന യാത്രകളും നടത്തുബോൾ ഇക്കാര്യം മോട്ടോർവാഹന വകുപ്പിനെ അറിയിക്കണമെന്ന് മന്ത്രി ആന്റണി രാജു. പാലക്കാട് വടക്കഞ്ചേരിയിൽ വിദ്യാർത്ഥികൾ സഞ്ചരിച്ച ടൂറിസ്റ്റ് ബസ് അപകടത്തിൽപ്പെട്ടു വിദ്യാർത്ഥികളും അധ്യാപകനും മരിച്ച സംഭവത്തെ തുടർന്നാണ് നിർദേശം.  സ്കൂളുകളിൽ നിന്ന് വിനോദ യാത്രകൾ പോകുമ്പോൾ സ്വീകരിക്കേണ്ട മാനദണ്ഡങ്ങളും മറ്റു പരിശോധനകളും സ്കൂൾ അധികൃതർ പാലിക്കണമെന്ന് വിദ്യാഭ്യാസ മന്ത്രിയും നിർദേശം നൽകി.   അപകടത്തിനു ഇടയാക്കിയ ടൂറിസ്റ്റ് ബസിന്റെ ഡ്രൈവർ അമിത വേഗത്തിലാണ് ഡ്രൈവ് ചെയ്തിരുന്നതെന്ന് കണ്ടെത്തിയിട്ടുണ്ട്. മണിക്കൂറിൽ 97.7കിലോമീറ്റർ വേഗത്തിലായിരുന്നു ബസ് എന്ന് ജിപിഎസ് റെക്കോർഡിൽ രേഖപ്പെടുത്തിയിട്ടുണ്ട്. ഇതിനു പുറമെ ബസ് ഡ്രൈവർ ക്ഷീണിതനായിരുന്നു.  വിനോദ യാത്ര പുറപ്പെടും മുൻപ് മറ്റൊരു യാത്ര കഴിഞ്ഞാണ് ഡ്രൈവർ ബസുമായി എത്തിയത്. അപകട ശേഷം ബസ് ഡ്രൈവർ ഒളിവിലാണ്. ഇതുകൊണ്ട്തന്നെ ഇനിമുതൽ സ്കൂളുകളിൽ നിന്ന് സ്വകാര്യ, ടൂറിസ്റ്റ് വാഹനങ്ങളിൽ യാത്ര പുറപ്പെടും മുൻപ് സമീപത്തെ മോട്ടോർ വാഹന വകുപ്പിന് വിവരം നൽകണം.  യാത്ര ...

രാജ്യം 5 ജി യുഗത്തിലേക്ക്. ആദ്യ ഘട്ട സേവനം 13 നഗരങ്ങളിൽ. പ്രധാനമന്ത്രി നരേന്ദ്രമോദി ഉദ്ഘാടനം ചെയ്‌തു. സേവനം തെരെഞ്ഞെടുത്ത പ്രധാന നഗരങ്ങളിലാണ്. ഇന്ത്യ മൊബൈൽ കോൺഗ്രസിന്റെ ഉദ്ഘാടന വേളയിലാണ് പദ്ധതി ഉദ്ഘാടനം ചെയ്തത്. അടുത്തിടെ, 5G സ്പെക്ട്രം ലേലം വിജയകരമായി നടത്തിയിരുന്നു. ഇതിലൂടെ 51,236 മെഗാഹെർട്സ് എയർവേവ് ടെലികോം കമ്പനികൾക്ക് അനുവദിക്കുകയും 1,50,173 കോടി രൂപയുടെ മൊത്ത വരുമാനം സർക്കാരിന് ലഭിക്കുകയും ചെയ്തു. ഈ വർഷാവസാനത്തോടെ എല്ലാ പ്രധാന മെട്രോ നഗരങ്ങളെയും ഉൾപ്പെടുത്താനുള്ള പദ്ധതിയാണ് ടെലികോം കമ്പനികൾക്ക് ഉള്ളത്. 2023 അവസാനത്തോടെ രാജ്യത്തിന്റെ എല്ലാ നഗരപ്രദേശങ്ങളിലും 5ജി ലഭ്യമാകുമെന്ന് നെറ്റ്‌വർക്ക് ദാതാക്കൾ അറിയിച്ചിട്ടുണ്ട്. കൂടാതെ നഗരങ്ങളിലും 5ജി ലഭ്യമാകുമെന്ന് കമ്പനി അറിയിച്ചു. 2024 മാർച്ചോടെ പ്രധാന ഗ്രാമീണ മേഖലകളും 5ജി സേവനം ലഭ്യമാകും.ദീപാവലിയോടെ മെട്രോകളിൽ 5G സേവനങ്ങൾ ലഭ്യമാക്കും.