Kannur Updates

എറണാകുളം : ഹൈഡ്രജന്‍ ഇന്ധനത്തിൽ പ്രവർത്തിക്കുന്ന രാജ്യത്തെ ആദ്യ ഇന്ത്യൻ നിർമ്മിത കപ്പൽ ഇന്ന് പ്രധാനമന്ത്രി നരേന്ദ്ര മോദി രാജ്യത്തിന് സമർപ്പിക്കും. കൊച്ചിൻ ഷിപ്യാർഡിൽ നടക്കുന്ന ചടങ്ങിൽ പ്രധാനമന്ത്രി ഓൺലൈനായാണ് പങ്കെടുക്കുന്നത്. ഇന്ധന സാങ്കേതികവിദ്യയിൽ ഇന്ത്യയുടെ നിര്‍ണായക ചുവടുവയ്പ്പായ കപ്പൽ, കൊച്ചിൻ ഷിപ്‌യാര്‍ഡാണ് നിര്‍മ്മിച്ചത്. പൂര്‍ണമായും തദ്ദേശീയമായി രൂപകല്‍പ്പന ചെയ്യുകയും വികസിപ്പിക്കുകയും നിര്‍മ്മിക്കുകയും ചെയ്ത ഹൈഡ്രജൻ കപ്പലാണിത്. രാവിലെ 9.45 ന് നടക്കുന്ന ചടങ്ങിൽ കൊച്ചിൻ ഷിപ്യാർഡ് സിഎംഡി മധു എസ് നായരും പങ്കെടുക്കും.

തിരുവനന്തപുരം : ആറ്റുകാൽ പൊങ്കാലക്കൊരുങ്ങി തലസ്ഥാനം. പൊങ്കാല അർപ്പിക്കാനെത്തിയവരുടെ തിരക്കിലാണ് പുലർച്ചെ തന്നെ തിരുവനന്തപുരം നഗരം. പത്തരക്ക് പണ്ടാര അടുപ്പിൽ തീ പകരുന്നതോടെയാണ് പൊങ്കാല ചടങ്ങുകൾ ആരംഭിക്കുക. രണ്ടരയ്ക്കാണ് നിവേദ്യം. വിപുലമായ സുരക്ഷാ ക്രമീകരണങ്ങളും സൗകര്യങ്ങളുമാണ് നഗരത്തിലുടനീളം ഒരുക്കിയിട്ടുള്ളത്. മറ്റ് ജില്ലകളിൽ നിന്നും അയൽ സംസ്ഥാനങ്ങളിൽ നിന്നും എത്തിയ ഭക്തരുടെ തിരക്കാണ് നഗരം. ക്ഷേത്രത്തിന്റെ സമീപത്ത് വാഹനങ്ങൾ പാർക്ക് ചെയ്യുന്നത് നിരോധിച്ചിട്ടുണ്ട്. റെയിൽവേയും കെഎസ്ആർടിസിയും പൊങ്കാലയോട് അനുബന്ധിച്ച് പ്രത്യേകം സർവീസ് നടത്തും.

ചക്കരക്കൽ : ബാവോട് വെളുത്ത കുന്നത്ത് മുച്ചിലോട്ട് ഭഗവതി ക്ഷേത്രം കളിയാട്ടം ഞായറാഴ്‌ച തുടങ്ങും. രാത്രി എട്ടിന് ക്ഷേത്രച്ചടങ്ങുകൾ. തുടർന്ന് 9.30ന് തിരുവാതിരക്കളി, കോൽക്കളി, പഞ്ചമി ഫ്യൂഷൻ വിൽക്കലാമേള എന്നിവ ഉണ്ടാകും. 26ന് രാവിലെ കണ്ണങ്ങാട്ട് ഭഗവതി, പുലിയൂർക്കാളി തെയ്യങ്ങൾ കെട്ടിയാടും. പകൽ മൂന്നിന് ഉച്ചതോറ്റം തുടർന്ന് കുന്നിരിക്ക അകത്തോട്ട് ഇല്ലത്തേക്കും സുബ്രഹ്മണ്യസ്വാമി ക്ഷേത്രത്തിലേക്കും തിരുവായുധം എഴുന്നള്ളത്ത്. 27ന് പുലർച്ചെ നരമ്പിൽ ഭഗവതി, രാവിലെ കണ്ണാങ്ങാട്ട് ഭഗവതി, വിഷ്ണുമൂർത്തി, പുലിയൂർക്കാളി തെയ്യങ്ങൾ കെട്ടി യാടും. പകൽ ഒന്നിന് മേലേരി കയ്യേൽക്കൽ. 1.30ന് മുച്ചിലോട്ട് ഭഗവതിയുടെ തിരുമുടി നിവരും. രാത്രി ആറാടിക്കലോടെ ഉത്സവം സമാപിക്കും.

കണ്ണൂർ : മാലിന്യസംസ്കരണമേഖലയിലെ സേവനം വർദ്ധിച്ചത് പരിഗണിച്ച്‌ ഹരിത സേനയുടെ അംഗബലം വർദ്ധിപ്പിക്കുന്നു.തദ്ദേശസ്വയംഭരണ വകുപ്പ് പഞ്ചായത്തുകള്‍ക്കും നഗരസഭയ്ക്കും ഇതിനായി നിർദ്ദേശം നല്‍കിക്കഴിഞ്ഞു. ഒരു ഹരിതസേനാംഗം ദിവസം കുറഞ്ഞത് 50 വീടുകളെന്ന നിലയിലാണ് നിലവില്‍ ജോലി ചെയ്യുന്നത്.ഇത് ആനൂപാതികമല്ലെങ്കില്‍ പുതിയ അംഗങ്ങളെ തിരഞ്ഞെടുക്കാമെന്നതാണ് തദ്ദേശസ്വയംഭരണസ്ഥാപനങ്ങള്‍ക്ക് നല്‍കിയ നിർദ്ദേശം. തദ്ദേശസ്വയംഭരണസ്ഥാപനങ്ങള്‍ക്ക് നിലവിലുള്ള ഹരിതസേനാഗംങ്ങളുടെ എണ്ണം പര്യാപ്തമാണോയെന്ന് വിലയിരുത്താം. പ്രവൃത്തികള്‍ക്ക് ആനുപാതികമായി ഹരിതസേനയ്ക്ക് അംഗബലമില്ലെന്ന് ബോധ്യപ്പെട്ടാല്‍ പുതിയ അംഗങ്ങളെ ഉള്‍പ്പെടുത്താം. നിലവില്‍ ഹരിത കർമ്മ സേനയില്‍ ഒരു വാ‌ർഡില്‍ പരമാവധി രണ്ട് ഹരിത സേനാംഗങ്ങളാണുള്ളത്.എന്നാല്‍ ഇത് അപര്യാപ്തമാണെന്ന പരാതി നേരത്തെയുണ്ട്. ഭൂമിശാസ്ത്രപരമായ കിടപ്പ് ,കെട്ടിടങ്ങളുടെ അകലം ,മാലിന്യ സംസ്കരണ മേഖലയിലെ സേവനം വർദ്ധിക്കുന്നത് എന്നിവ അംഗസംഖ്യ വർദ്ധിപ്പിക്കുന്നതിന്റെ മാനദണ്ഡമാണ്. കഠിനമാണ് കണ്ണൂരിലെ കാര്യം ക്ലീൻ കേരള പദ്ധതിയുടെ ഭാഗമായി രൂപീകരിച്ച ഹരിത കർമ്മസേന കഴിഞ്ഞവർഷങ്ങളില്‍ ഏറ്...

കോഴിക്കോട് : സംസ്ഥാനത്ത് ഡ്രൈവിങ് ടെസ്റ്റുകള്‍ക്ക് കൂടുതല്‍ നിയന്ത്രണങ്ങളം പരിഷ്‌കാരങ്ങളും ഏര്‍പ്പെടുത്തി. ട്രാന്‍സ്‌പോര്‍ട്ട് കമ്മീഷണര്‍ അധ്യക്ഷനായ സമിതിയുടെതാണ് നിര്‍ദേശത്തിന്റെ അടിസ്ഥാനത്തിലാണ് തീരുമാനം. മെയ് ഒന്ന് മുതല്‍ പ്രാബല്യത്തില്‍ വരും. പ്രതിദിനം ഒരു എംവിഐയുടെ നേതൃത്വത്തില്‍ ഡ്രൈവിങ് ടെസ്റ്റ് നടത്തേണ്ട അപേക്ഷകരുടെ എണ്ണം 30 ആയി നിജപ്പെടുത്തി. ഡ്രൈവിങ് ടെസ്റ്റിന് ഓട്ടോമാറ്റിക് ഗിയര്‍ഉപയോഗിക്കാന്‍ പാടില്ല. ഡ്രൈവിങ് സ്‌കൂളിലെ പരിശീലന വാഹനത്തിന്റെ കാലപ്പഴക്കം 15 വര്‍ഷമാക്കി. ഡ്രൈവിങ് ടെസ്റ്റിന് ഉപയോഗിക്കുന്ന വാഹനത്തില്‍ ഡാഷ് ബോര്‍ഡ് ക്യാമറ സ്ഥാപിക്കണമെന്നും ഉത്തരവില്‍ പറയുന്നു. വാഹനങ്ങളുടെ റോഡ് ടെസ്റ്റ് റോഡിലൂടെ തന്നെ നടത്തണം. പ്രതിദിനം ഡ്രൈവിങ് ടെസ്റ്റ് നടത്തേണ്ട അപേക്ഷകരുടെ എണ്ണം 30 ആയി നിജപ്പെടുത്തി. 20 എണ്ണം പുതിയ അപേക്ഷകരും 10 എണ്ണം നേരത്തെ പരാജയപ്പെട്ടവരും. 30 എണ്ണത്തിലധികം ടെസ്റ്റ് നടത്തിയാല്‍ ഉദ്യോഗസ്ഥനെതിരെ നടപടി സ്വീകരിക്കും. ലേണേഴ്‌സ് ടെസ്റ്റിന് അപേക്ഷിക്കുന്നവരുടെ എണ്ണവും ഇതനുസരിച്ച് നിജപ്പെടുത്തണം. ടെസ്റ്റില്‍ എച്ച് എടുക്കുന്നത് ഒഴിവാക്കി. മോട...

കോഴിക്കോട് : കേരളത്തിലെ തിയറ്ററുകളിൽ 23 മുതൽ മലയാള സിനിമകൾ റിലീസ് ചെയ്യില്ലെന്ന് തിയറ്റർ ഉടമകളുടെ സംഘടനയായ ഫിയോക്. ഒടിടി റിലീസുമായി ബന്ധപ്പെട്ട് നിർമാതാക്കളുടെ നടപടികളിൽ പ്രതിഷേധിച്ചാണ് തീരുമാനം. സിനിമകൾ തിയറ്ററിൽ റിലീസായി 42 ദിവസത്തിനുശേഷമെ ഒടിടിക്ക് നൽകാവൂ എന്നാണ് നിർമാതാക്കളുമായുള്ള വ്യവസ്ഥ. ഇത് നിർമാതാക്കൾ തുടർച്ചയായി ലംഘിക്കുന്നത് തിയറ്ററുകളുടെ വരുമാന നഷ്ടത്തിന് കാരണമാകുന്നു. നിർമാതാക്കളുടെ ഭാഗത്തുനിന്ന് അനുകൂല പ്രതികരണം ലഭിക്കുന്നതുവരെ പ്രതിഷേധം തൂടരുമെന്നും ഫിയോക് ഭാരവാഹികൾ പറഞ്ഞു. ഇപ്പോൾ പ്രദർശിപ്പിക്കുന്ന സിനിമകൾ തിയറ്ററിൽ തുടരും. എന്നാൽ, ആവശ്യങ്ങളിൽ തീരുമാനമാകാതെ പുതിയ സിനിമകൾ റിലീസ് ചെയ്യേണ്ടതില്ലെന്നാണ് തിയറ്റർ ഉടമകളുടെ തീരുമാനം.

കണ്ണൂർ : ഒല ഇലക്ട്രിക് സ്‌കൂട്ടറുകളുടെ വില കുറച്ചു. ടാറ്റ മോട്ടേഴ്സ് ഇലക്ട്രിക് കാറുകളുടെ വില കുറച്ചതാണ് ഒലയുടെ തീരുമാനത്തിന് പിന്നിലെന്നാണ് സൂചന. എസ്1 എക്സ് പ്ലസ്, എസ്1 എയര്‍, എസ്1 പ്രോ എന്നീ മോഡലുകളുടെ വിലയില്‍ 25,000 രൂപ വരെയാണ് കുറച്ചത്. ഇതോടെ 1.10 ലക്ഷം രൂപ വിലയുണ്ടായിരുന്ന എസ്1 എക്സ് പ്ലസിന്റെ വില 84,999 രൂപയായിരിക്കും. ഒല എസ്1 പ്രോ, എസ്1 എയര്‍ എന്നിവക്ക് സര്‍ക്കാര്‍ സബ്സിഡിയും ലഭിക്കും. എസ്1 പ്രോ 1,47,499 രൂപയില്‍നിന്ന് 1,29,999 രൂപയായും എസ്1 എയര്‍ 1,19,999 രൂപയില്‍നിന്ന് 1,04,999 രൂപയായും കുറയും.

കണ്ണൂർ : എസ്എസ്എല്‍സി മോഡല്‍ പരീക്ഷകള്‍ ഈ മാസം 19-ന് ആരംഭിച്ച് 23-ന് അവസാനിക്കും. രാവിലെ 9.45 മുതല്‍ 11.30 വരെയും ഉച്ചയ്ക്ക് ശേഷം രണ്ടുമണി മുതല്‍ 3.45 വരെയുമാണ് പരീക്ഷാ സമയം. പൊതുപരീക്ഷ മാര്‍ച്ച് 4 മുതല്‍ 25 വരെയാകും നടക്കുക. രാവിലെ 9.30 മുതലാണ് പരീക്ഷ ആരംഭിക്കുക. ഹയര്‍ സെക്കന്‍ഡറി ഹയര്‍ സെക്കന്‍ഡറി ഒന്നും രണ്ടും വര്‍ഷ പൊതുപരീക്ഷകള്‍ മാര്‍ച്ച് ഒന്നിന് ആരംഭിച്ച് 26-ന് അവസാനിക്കും. രാവിലെ 9.30-ന് പരീക്ഷ തുടങ്ങും. ഫെബ്രുവരി 15-ന് തുടങ്ങിയ മോഡല്‍ പരീക്ഷകള്‍ 21-ന് സമാപിക്കും. വൊക്കേഷണല്‍ ഹയര്‍ സെക്കന്‍ഡറി വൊക്കേഷണല്‍ ഹയര്‍ സെക്കന്‍ഡറി ഒന്നും രണ്ടും വര്‍ഷ പൊതുപരീക്ഷകള്‍ മാര്‍ച്ച് ഒന്നിന് ആരംഭിച്ച് 26-ന് സമാപിക്കും. രാവിലെ 9.30 മുതല്‍ പരീക്ഷകള്‍ തുടങ്ങും. ഇപ്പോള്‍ നടക്കുന്ന മോഡല്‍ പരീക്ഷകള്‍ ഫെബ്രുവരി 21-ന് അവസാനിക്കും. പൊതുപരീക്ഷകള്‍ ഒന്നുമുതല്‍ ഒമ്പതുവരെ ക്ലാസുകളിലെ പൊതുപരീക്ഷ മാര്‍ച്ച് ഒന്നിന് തുടങ്ങി 27-ന് അവസാനിക്കും.

തലശ്ശേരി :  അണ്ടലൂർക്കാവിൽ തെയ്യാട്ടങ്ങൾക്ക് ശനിയാഴ്ച തുടക്കമാവും. കുടവരവ് വെള്ളിയാഴ്ച നടക്കും. സന്ധ്യക്ക് ക്ഷേത്രത്തിൽനിന്ന് കൊളുത്തിയ വിളക്കും പൂജാദ്രവ്യങ്ങളുമായി സ്ഥാനികൻ മേലൂർ കറുവൈക്കണ്ടി തറവാട്ടിലെ ഗുരു സ്ഥാനത്ത് എത്തുന്നതോടെയാണ് കുടവരവ് ചടങ്ങുകൾ തുടങ്ങുക. ചടങ്ങുകൾക്കുശേഷം മേലൂർ മണലിൽ എത്തിക്കുന്ന കുട വില്ലുകാരുടെ അകമ്പടിയോടെ ക്ഷേത്രത്തിലേക്ക് പുറപ്പെടും. പ്രധാന ആരാധനാമൂർത്തിയായ ദൈവത്താറിൻ്റെ എഴുന്നള്ളത്തിന് ഉപയോഗിക്കുന്നതാണ് ഓലക്കുട. ഉത്സവത്തിൻ്റെ രണ്ടാംദിവസമായ വ്യാഴാഴ്‌ച വെള്ളൂരില്ലത്ത് ആചാര്യ തന്ത്രിയുടെ തന്ത്രികർമവും കലശപൂജയും നടന്നു. തെയ്യാട്ടങ്ങൾക്ക് നേതൃത്വം നൽകുന്ന മൂത്തകൂർ പെരുവണ്ണാൻ വ്യാഴാഴ്ച രാത്രി ക്ഷേത്രത്തിലെത്തി. പാണ്ട്യഞ്ചേരിപ്പടിയിൽ ക്ഷേത്രസ്ഥാനികരും ഭാരവാഹികളും സ്വീകരിച്ചു. പടന്നക്കരയിലെ പാണ്ഡ്യഞ്ചേരിപ്പ ടിയിൽനിന്ന് അടയാളം വാങ്ങി അണ്ടലൂർക്കാവിൽ പ്രവേശിക്കുന്ന തോടെയാണ് അണ്ടലൂർ ഉത്സവല ഹരിയിലമരുന്നത്. പടന്നക്കരദേശ വാസികൾ വെടിക്കെട്ടോടെ പെരുവണ്ണാനെ യാത്രയാക്കി. തുടർന്ന് ക്ഷേത്രത്തിൽ ചക്കകൊത്തും ചക്ക നിവേദ്യവും നടന്നു.

കണ്ണൂർ: രാജ്യത്തെ ഈ സീസണിലെ അത്യുഷ്ണമുള്ള ജില്ലയായി കണ്ണൂർ. ഒരാഴ്ചയായി ജില്ല ചുട്ടു പൊള്ളുകയാണ്. ഫെബ്രുവരി 10 നാണ് ജില്ലയിൽ ഏറ്റവും കൂടുതൽ ചൂട് അനുഭവപ്പെട്ടത്. 40 ഡിഗ്രി സെൽഷ്യസാണ് അന്ന് കേന്ദ്ര കാലാവസ്ഥാ വകുപ്പിൻ്റെ താപ നിരീക്ഷണമാപിനിയിൽ രേഖപ്പെടുത്തിയത്. കണ്ണൂർ വിമാനത്താവള ത്തിലാണ് ഇത് രേഖപ്പെടുത്തിയത്. ബുധനാഴ്ചത്തെ താപനില 38.1 ഡിഗ്രി സെൽഷ്യസ്. സംസ്ഥാനത്ത് കണ്ണൂരിന് സമാനമായി ഉഷ്ണം രേഖപ്പെടുത്തിയ ജില്ലകൾ കുറവാണ്. കണ്ണൂരിൽ ഔദ്യോഗികമായി രേഖപ്പെടുത്തിയ കണക്കാണിത്. ഒരാഴ്‌ചയായി ചെമ്പേരിയിൽ 40 ഡിഗ്രി സെൽഷ്യസും ഇരിക്കൂർ, അയ്യൻകുന്ന്, ചെറുതാഴം എന്നിവിടങ്ങളിൽ 39 ഡിഗ്രിയും ചൂട് രേഖപ്പെടുത്തി യതായി അനൗദ്യോഗിക കണക്കുണ്ട്. രാത്രി വൈകും വരെ താപ നില ഉയർന്ന അവസ്ഥയിലാണ്. എന്നാൽ അതിരാവിലെ കുത്തനെ താഴുന്ന പ്രവണതയുമുണ്ട്. ചെമ്പേരിയിൽ പുലർച്ചെയുള്ള താപനില 18 ഡിഗ്രി സെൽഷ്യസ് വരെ കുറയുന്നുണ്ട്. മറ്റിടങ്ങളിൽ പുലർച്ചെയുള്ള താപനില 19-22 സെൽഷ്യസിനിട യിലാണ്. ഈ വർഷം ജനുവരിയിൽ അപ്രതീക്ഷിതമായി രണ്ടാഴ്ചയോളം മഴയുണ്ടായതിനാൽ കടുത്ത ഉഷ്ണത്തിന് അൽപ്പം ശമനമുണ്ടായി. കാലാവാസ്ഥ വ്യതിയാനത്തിന്റെ ഭാഗമായ...

കണ്ണൂർ : വിലക്കയറ്റംമൂലം ജനം പൊറുതിമുട്ടുന്നതിനിടെ അവശ്യസാധനങ്ങളുടെ ഏക ആശ്വാസമായിരുന്ന സപ്ലൈകോയും വിലവർധിപ്പിക്കുന്നു.13 അവശ്യസാധനങ്ങളുടെ വിലയാണ് കുത്തനെ ഉയർത്തുന്നത്.  നിലവില്‍ ഇവയ്ക്ക് പൊതുവിപണിയില്‍ എന്താണോ വില അതിനേക്കാള്‍ 35 ശതമാനം കുറവായിരിക്കും ഇനിമുതല്‍ സപ്ലൈകോയിലെ വില. 70 ശതമാനമുണ്ടായിരുന്ന സബ്സിഡി 35 ശതമാനമാക്കിയാണ് കുറച്ചത്. ഇതുസംബന്ധിച്ച തീരുമാനം ഉത്തരവായി ഇറങ്ങി. 2016-ന് ശേഷം ഇതാദ്യമായാണ് സപ്ലൈകോ വില വർധിപ്പിക്കുന്നത്. സപ്ലൈകോയില്‍ വില വർധിപ്പിക്കാനുള്ള തീരുമാനത്തിന് നേരത്തെ ഇടതുപക്ഷം പച്ചക്കൊടി കാട്ടിയിരുന്നു. നിലവിലെ രീതിയില്‍ മുന്നോട്ടുപോകാനാകില്ലെന്ന് സപ്ലൈകോ കടുത്ത നിലപാട് സ്വീകരിച്ചതോടെയാണ് സിവില്‍ സപ്ലൈസ് വകുപ്പ് വിലവർധിപ്പിക്കുന്നതിന് നിർബന്ധിതമായത്.  ഇതോടെ വിലവർധന സംബന്ധിച്ച്‌ പഠിക്കാൻ സപ്ലൈകോ തീരുമാനിച്ചിരുന്നു. ഇതിന് ശേഷമാണ് എത്രത്തോളം വില ഉയർത്തണമെന്ന കാര്യത്തില്‍ നിർദ്ദേശം സമർപ്പിച്ചത്. 2016-ന് ശേഷം പല അവശ്യസാധനങ്ങള്‍ക്കും വിപണിയില്‍ വില ഇരട്ടിയോളം വർധിച്ചിട്ടുണ്ട്. ഈ സാഹചര്യത്തില്‍ സപ്ലൈകോയും വില വർധിപ്പിച്ചാല്‍ അത് വലിയ വർധനവ...

ധർമടം : അണ്ടലൂർ ക്ഷേത്രോത്സവത്തിന് ബുധനാഴ്ച തുടക്കമാവും. വീടുകൾ മോടികൂട്ടിയും പറമ്പും പരിസരവും വൃത്തിയാക്കിയും ഉത്സവത്തെ വരവേൽക്കാൻ നാടൊരുങ്ങി. അണ്ടലൂരിൽ ഉത്സവ കാലത്ത് എത്തുന്ന വർക്ക് ഏതു വീട്ടിൽനിന്നും അവിൽ, മലർ, പഴം തുടങ്ങിയ വിഭവങ്ങളാണ് ആദ്യം ലഭിക്കുക. തമിഴ്നാട്ടിലെ തൃശ്ശിനാപള്ളിയിൽ നിന്നും വാഴക്കുലകൾ ചിറക്കുനി ടൗണിൽ വിൽപ്പനയ്ക്കായി എത്തിച്ചിട്ടുണ്ട്. വീടുകളിൽ ഉത്സവകാലത്ത് ഉപയോഗിക്കാനുള്ള മൺ കലങ്ങൾ ഇക്കുറിയും എത്തി. പുതിയ പാത്രങ്ങളിലാണ് ഉത്സവനാളുകളിൽ വീടുകളിലെ പാചകം. ബുധനാഴ്ച തേങ്ങ താക്കൽ ചടങ്ങോടെ യാണ് ഉത്സവാരംഭം. രണ്ടാംദിവസം പിണറായി പാണ്ട്യഞ്ചേരി പടിയിൽനിന്നും പെരുവണ്ണാനെ അക്കരെ കടത്തലോടെയാണ് പ്രധാന ചടങ്ങുകൾ തുടങ്ങുക. വ്യാഴം പകൽ 12ന് വെള്ളൂരില്ലത്ത് ആചാര്യ തന്ത്രിയുടെ നേതൃത്വത്തിൽ ചടങ്ങുകൾ നടക്കും. നാലിന് കലശപൂജ. രാത്രി എട്ടിന് പാണ്ട്യഞ്ചേരി പടിക്കൽ പോകലും മൂത്തകൂർ പെരുവണ്ണാനെ കൂട്ടിക്കൊണ്ടുവരലും. തുടർന്ന് ചക്ക കൊത്തൽ, തിരുവായുധം കടയൽ, ചക്ക എഴുന്നള്ളത്ത്, ചക്കനിവേദ്യം എന്നിവ നടക്കും. 16ന് രാവിലെ ഒമ്പതിന് കൊടിയേറ്റം. രാത്രി 11ന് മേലൂർ മണലിൽനിന്നുള്ള കുടവരവ്. ദ...

തലശ്ശേരി : അണ്ടലൂർക്കാവിൽ ഉത്സവം ബുധനാഴ്ച തുടങ്ങും. രാവിലെ നടക്കുന്ന തേങ്ങതാക്കൽ ചടങ്ങോടെ ഉത്സവത്തിന് തുടക്കമാകും. ഉത്സവത്തെ വരവേൽക്കാൻ ധർമടം ഗ്രാമവും പരിസര പ്രദേശങ്ങളും ഒരുങ്ങി. 15-ന് ഉച്ചക്ക് 12-ന് വെള്ളൂരില്ലത്ത് ആചാര്യ തന്ത്രിയുടെ തന്ത്രികർമം, നാലിന് കലശപൂജ. രാത്രി എട്ടിന് പാണ്ട്യഞ്ചേരി പടിക്കൽ പോകലും മൂത്തകൂർ പെരുവണ്ണാനെ കൂട്ടിക്കൊണ്ടുവരലും. തുടർന്ന് ചക്ക കൊത്തൽ, തിരുവായുധം കടയൽ, ചക്ക എഴുന്നള്ളത്ത്, ചക്ക നിവേദ്യം എന്നിവ നടക്കും. 16-ന് രാവിലെ ഒൻപതിന് കൊടിയേറ്റം. രാത്രി 11-ന് മേലൂർ മണലിൽ നിന്ന് കുടവരവ്. പ്രധാന ആരാധന മൂർത്തിയായ ദൈവത്താറിന്റെ എഴുന്നള്ളത്തിന് ഉപയോഗിക്കുന്ന ഓലക്കുട ക്ഷേത്ര പരിസരത്ത് എത്തുന്നതോടെ മേലൂർ ദേശവാസികളുടെ വകയായി കരിമരുന്ന് പ്രയോഗം നടക്കും. 17-ന് പുലർച്ചെ അഞ്ച് മുതൽ വിവിധ തെയ്യങ്ങൾ. അതിരാളവും മക്കളും (സീതയും ലവകുശൻമാരും), ഇളങ്കരുവൻ, പൂതാടി, നാഗകണ്ഠൻ, നാഗ ഭഗവതി, മലക്കാരി, പൊൻമകൻ, പുതുചേകോൻ, വേട്ടക്കൊരുമകൻ, ബപ്പൂരൻ തുടങ്ങിയ തെയ്യങ്ങൾ കെട്ടിയാടും. ഉച്ചയ്ക്ക് 12-ന് ക്ഷേത്ര മുറ്റത്ത് ബാലി-സുഗ്രീവ യുദ്ധം. വൈകിട്ട് മെയ്യാലുകൂടൽ. തുടർന്ന് സൂര്യാ...

ഈ വർഷത്തെ നീറ്റ്-യുജി പരീക്ഷ മെയ് 5ന്. 5ന് ഉച്ചയ്ക്ക് 2മണി മുതൽ വൈകിട്ട് 5.20 വരെയാണ് പരീക്ഷ. വിദ്യാർത്ഥികൾക്ക് മാർച്ച് 9ന് വൈകിട്ട് 5 വരെ അപേക്ഷ നൽകാം.  കഴിഞ്ഞ വർഷം വരെ നീറ്റ്-യുജി റജിസ്ട്രേഷന് ഈ വർഷം പുതിയ വെബ്സൈറ്റ് ആണ് സജ്ജമാക്കിയിട്ടുള്ളത്. വിശദവിവരങ്ങൾ https://neet.ntaonline.in ൽ ലഭ്യമാണ്. 9ന് രാത്രി 11.50 വരെയാണ് ഫീസ് അടയ്ക്കാനുള്ള അവസരം.  ജനറൽ വിഭാഗത്തിനു 1700 രൂപയാണ് അപേക്ഷ ഫീസ്. ഒബിസി, സാമ്പത്തികപിന്നാക്ക വിഭാഗക്കാർക്ക് തുടങ്ങിയവർക്ക് 1600 രൂപയും എസ് സി, എസ്ടി, ഭിന്നശേഷി, ട്രാൻസ്ജെൻഡർ വിഭാഗക്കാർക്ക് 1000 രൂപയുമാണു അടയ്‌ക്കേണ്ടത്. രാജ്യത്തെ എംബിബിഎസ് പ്രവേശ നത്തിനുള്ള ദേശീയ മെഡിക്കൽ പ്രവേശന പരീക്ഷയാണ് നീറ്റ്-യുജി.

കേരളത്തില്‍ നിന്ന് അയോധ്യ ദർശനത്തിനായുള്ള ആദ്യ ട്രെയിന്‍ പുറപ്പെട്ടു. ഇന്ന് രാവിലെ പത്തിന് തിരുവനന്തപുരം കൊച്ചുവേളിയില്‍നിന്നാണ് സർവീസ് ആരംഭിച്ചത്. മുൻ കേന്ദ്ര റെയില്‍വേ ഒ രാജഗോപാല്‍ ആണ് ട്രെയിൻ ഫ്ലാഗ് ഓഫ്‌ ചെയ്തത്. 20 കൊച്ചുകള്‍ ഉള്ള ആസ്ത ട്രെയിനാണ് ഒരുക്കിയിരിക്കുന്നത്. ഇതില്‍ 972 യാത്രക്കാരാണ് ഉള്ളത്. 12 ന് പുലർച്ചെ രണ്ട് മണിക്ക് ട്രെയിൻ അയോധ്യ സ്റ്റേഷനില്‍ എത്തും. 13-ന് പുലര്‍ച്ചെ 12.2-ന് അയോധ്യയില്‍ നിന്ന് തിരിച്ച്‌ 15 ന് രാത്രി 10.45 ന് കൊച്ചുവെളിയില്‍ തിരികെവരും. 3300 രൂപയാണ് അങ്ങോട്ടും ഇങ്ങോട്ടും ഉള്ള യാത്രക്ക് ടിക്കറ്റ് നിരക്ക്.  ടിക്കറ്റിനുള്ള പണം യാത്രക്കാര്‍ തന്നെ നല്‍കണം. എന്നാല്‍ ഭക്ഷണം, താമസം, ദര്‍ശനം എന്നിവക്കുള്ള സൗകര്യങ്ങള്‍ പാര്‍ട്ടിയാണ് ഒരുക്കുക.

കണ്ണൂർ: ഹജ്ജ് കമ്മിറ്റി മുഖേന ഹജ്ജിന് പോകുന്നവരുടെ രേഖകൾ സമർപ്പിക്കുന്നതിന് കണ്ണൂർ കലക്ടറേറ്റിൽ ഒരുക്കങ്ങൾ പൂർത്തിയായി. നാളെയും മറ്റന്നാളുമായി കണ്ണൂർ, കാസർകോട്, വയനാട് ജില്ലകളിൽ നിന്നും തിരഞ്ഞെടുക്കപ്പെട്ട ഹാജിമാരുടെ പാസ്പോർട്ടും അനുബന്ധ രേഖകളുമാണ് കണ്ണൂരിൽ സ്വീകരിക്കുന്നത്. നാളെ ജില്ലയിലുള്ളവർ താഴെ പറയും പ്രകാരം നിയമസഭ മണ്ഡലം അടിസ്ഥാനത്തിൽ കലക്ടറേറ്റ് ഓഡിറ്റോറിയത്തിൽ രേഖകൾ സമർപ്പിക്കാൻ എത്തണമെന്ന് ഹജ്ജ് എക്സിക്യൂട്ടീവ് ഓഫിസർ അറിയിച്ചു. തളിപ്പറമ്പ്, തലശ്ശേരി-രാവിലെ 9, പയ്യന്നൂർ, പേരാവൂർ-10.30, ഇരിക്കൂർ, കൂത്തുപറമ്പ്-11.30, കല്യാശേരി, മട്ടന്നൂർ-2, കണ്ണൂർ, അഴീക്കോട്, ധർമടം-3. ഫോൺ: 8281586137

കണ്ണൂർ: പോലിസ് കോൺസ്റ്റബിൾ തസ്തികയിലേക്ക് നടത്തുവാൻ നിശ്ചയിച്ച കായിക ക്ഷമതാ പരീക്ഷ മാറ്റിവെച്ചു. ഫെബ്രുവരി 9-ന് കണ്ണൂർ പോലിസ് പരേഡ് ഗ്രൗണ്ടിൽ നടത്തേണ്ട പരീക്ഷയാണ് മാറ്റിയത്. 2024 ഫെബ്രുവരി 13-ലേക്കാണ് പരീക്ഷ പുന:ക്രമീകരിച്ചത്. മറ്റ് പരീക്ഷാ കേന്ദ്രങ്ങളിലെ കായിക ക്ഷമതാ പരീക്ഷകൾക്ക് മാറ്റമില്ല.

സിബിഎസ്ഇ 10, 12 ക്ലാസുകളി ലെ ബോർഡ് തിയറി പരീക്ഷകൾക്കുള്ള അഡ്മിറ്റ് കാർഡുകൾ പ്രസിദ്ധീകരിച്ചു. വെബ്സൈറ്റിൽ നിന്ന് അഡ്മിറ്റ്‌ കാർഡ് ഡൗൺലോഡ് ചെയ്യാം. പരീക്ഷ ഫെബ്രുവരി 15ന് ആരംഭിക്കും. പത്താം ക്ലാസ് പരീക്ഷകൾ ഫെബ്രുവരി 15, 16, 17, 19, 20, 21, 23, 24, 26, 28, O 2, 4, 5, 7, 11,13 എന്നീ തീയതികളിൽ നടക്കും. പന്ത്രണ്ടാം ക്ലാസ് പരീക്ഷ ഫെബ്രുവരി 15, 16, 17, 19, 20, 21, 6 ,5 ,4 ,1 08 ,29 ,28 ,24 ,23 ,22 , 7,9 11, 12, 13, 14, 15, 16, 18, 19, 20, 22, 23, 26, 27, 28, 30, ഏപ്രിൽ 1, 2 എന്നീ തീയതികളിലാണ് നടക്കുക. എല്ലാ ദിവസവും പകൽ 10.30ന് പരീക്ഷകൾ ആരംഭിക്കും. വിവരങ്ങൾക്ക് : cbse.gov.in

കേന്ദ്ര സർക്കാരിന്റെ ഭാരത് അരി കേരളത്തില്‍ വിറ്റ് തുടങ്ങി, തൃശ്ശൂരിലാണ് ആദ്യ വില്‍പ്പന നടത്തിയത്. കിലോയ്ക്ക് 29 രൂപ നിരക്കിലാണ് അരി വില്‍പ്പന. തൃശ്ശൂരില്‍ 150 ചാക്ക് പൊന്നി അരി വിറ്റു. ജില്ലയില്‍ സഞ്ചരിക്കുന്ന വാഹനങ്ങളില്‍ കൂടുതല്‍ ഇടങ്ങളില്‍ അരി എത്തിക്കുന്നുണ്ട്. അടുത്തയാഴ്ചയോടെ സംസ്ഥാനത്ത് മുഴുവനും ഭാരത് അരി എത്തിക്കാനാണ് ശ്രമമെന്ന് എൻസിസിഎഫ് വൃത്തങ്ങള്‍ പറഞ്ഞു. അടുത്തയാഴ്ചയോടെ കൂടുതല്‍ ലോറികളിലും വാനുകളിലും കേരളം മുഴുവൻ ഭാരത് അരി വിതരണത്തിന് തയ്യാറാക്കാനാണ് പദ്ധതി. പട്ടിക്കാട്, ചുവന്നമണ്ണ്. മണ്ണുത്തി ഭാഗങ്ങളിലാണ് അരി വിറ്റത്. ഒരാഴ്ചക്കുള്ളില്‍ ഭാരത് അരി വിതരണത്തിന് ഷോപ്പുകളും തുടങ്ങുമെന്ന് അധികൃതർ പറഞ്ഞു.

 ചുരത്തില്‍ അവധി ദിവസങ്ങളില്‍ ഉള്‍പ്പെടെ വലിയ വാഹനങ്ങള്‍ക്ക് നിയന്ത്രണമേർപ്പെടുത്തി.ബദല്‍പാതയായ പൂഴിത്തോട് പടിഞ്ഞാറത്തറ റോഡ് ഗതാഗതത്തിനായി ഉപയോഗിക്കാൻ എംഎല്‍എ തലത്തില്‍ യോഗം വിളിക്കാനും തീരുമാനമെടുത്തു. ഗതാഗതകുരുക്ക് വിഷയത്തില്‍ മനുഷ്യാവകാശ കമ്മീഷൻ ഇടപെടലിനെ തുടർന്നാണ് നടപടി. അവധി ദിവസങ്ങളിലുള്‍പ്പെടെ താമരശ്ശേരി ചുരത്തില്‍ ഗതാഗത കുരുക്ക് മണിക്കൂറുകളോളം നീണ്ടുനിക്കുന്ന പശ്ചാത്തലത്തിലാണ് ജില്ല ഭരണകൂടം ഇടപെടുന്നത്. ഇതിന് മുൻപ് പരിഹാര മാർഗ്ഗങ്ങള്‍ തീരുമാനിച്ചെങ്കിലും പ്രായോഗികമാക്കുന്നതില്‍ പാളിച്ചകളുണ്ടായിരുന്നു. നടപടികള്‍ക്ക് കാലതാമസം വന്നതില്‍ മനുഷ്യാവകാശ കമ്മീഷൻ ആശങ്ക അറിയിച്ചതോടെയാണ് പരിഹാരമാർ‍ഗ്ഗങ്ങള്‍ ഊർജ്ജിതമാക്കാൻ കമ്മീഷൻ നിർദ്ദേശം നല്‍കിയത്. ഏറ്റവുമവസാനം തിങ്കളാഴ്ച പുലർച്ചെ മുതല്‍ മണിക്കൂറുകള്‍ നീണ്ട ഗതാഗതകുരുക്ക് ചുരത്തിലുണ്ടായി. ഇതോടെ, നടപടികള്‍ വേഗത്തിലാക്കാൻ തീരുമാനമെടുത്തു. മള്‍ട്ടി ആക്സില്‍ വാഹനങ്ങള്‍ക്കും ടോറസ്, ടിപ്പർ വാഹനങ്ങള്‍ക്കും ശനി, ഞായർ ദിവസങ്ങളിലും അവധി ദിവസങ്ങളിലും ഉച്ചക്ക് 3 മുതല്‍ 9 വരെയും തിങ്കളാഴ്ചകളില്‍ രാവിലെ 7 മുതല്‍ 9 വരെയും നി...

 സൗകര്യങ്ങളോടെ നിർമിച്ച ആലക്കോട് ഹൈടെക്ക് പോലീസ് സ്റ്റേഷൻ പുതിയകെട്ടിടത്തിന്‍റെ ഉദ്ഘാടനം ഇന്ന് രാവിലെ 10.30ന് മുഖ്യമന്ത്രി പിണറായി വിജയൻ ഓണ്‍ ലൈനായി നിർവഹിക്കും. സജീവ് ജോസഫ് എംഎല്‍എ അധ്യക്ഷത വഹിക്കും. കെ. സുധാകരൻ എംപി,റൂറല്‍ എസ്പി എം. ഹേമലത, സിറ്റി പോലീസ് കമ്മീഷണർ എം.ആർ. അജിത്ത് കുമാർ, കെ. പോലീസുദ്യോഗസ്ഥരായ സേതുരാമൻ, തോംസണ്‍ ജോസ് എന്നിവർ വിശിഷ്ടാതിഥിതികളായിരിക്കും. പഞ്ചായത്ത് പ്രസിഡന്‍റുമാരായ ജോജി കന്നിക്കാട്ട്, കെ.എസ്. ചന്ദ്രശേഖരൻ, ജില്ലാ പഞ്ചായത്തംഗം ടി.സി. പ്രിയ, ബ്ലോക്ക് മെന്പർ ഗിരിജാ മണി, കെ.പി. സാബു,‌ പോലീസുദ്യോഗസ്ഥരായ ടി.പി.രഞ്ജിത്ത്, പി.ബാലകൃഷ്ണൻ നായർ, എം.സജീവ് കുമാർ, എൻ.വി.രമേശൻ ,കെ .പ്രിയേഷ് ,എ.അനില്‍ കുമാർ എന്നിവർ പ്രസംഗിക്കും.

 അപ്രതീക്ഷിതമായി അധിക പണം എത്തിയതിന്‍റെ അമ്പരപ്പിലാണ് ഫെഡറല്‍ ബാങ്ക് ‍ഉപയോക്താക്കള്‍. ഇക്ക‍ഴിഞ്ഞ ജനുവരി 31ാം തിയതി മുതലാണ് അക്കൗണ്ടുകളില്‍ പണം എത്തിയത്. നിക്ഷേപിച്ച തുകയ്‌ക്ക് പുറമെ പണം ശ്രദ്ധയില്‍പ്പെടുകയും തുക ക്രെഡിറ്റായതായി മെസേജ് ലഭിക്കുകയും ചെയ്‌തതോടെ നിരവധി പേരാണ് ബാങ്കുമായി ബന്ധപ്പെട്ടത്. ഉപയോക്താക്കളില്‍ നിന്നും ഈടാക്കിയ മെയിന്‍റെനന്‍സ് ചാര്‍ജില്‍ യുപിഐ ഇടപാടുകളുടെ ഫീസും ചേര്‍ത്തിരുന്നു. യുപിഐ ഇടപാടുകൾക്ക് ഈടാക്കിയ ചാർജാണ് ഫെഡറല്‍ ബാങ്ക് തിരിച്ചുനല്‍കിയതെന്നാണ് വിവരം. നിക്ഷേപിച്ച തുകയ്‌ക്ക് പുറമെ പണം വന്നത് ശ്രദ്ധയില്‍പ്പെടുകയും തുക ക്രെഡിറ്റായതായി മെസേജ് ലഭിക്കുകയും ചെയ്‌തതോടെ നിരവധി പേരാണ് ബാങ്കുമായി ബന്ധപ്പെട്ടത്. നിലവില്‍ ഫെഡറല്‍ ബാങ്ക് മാത്രമാണ് പണം തിരിച്ചുനല്‍കിയത്. മറ്റ് ബാങ്കുകള്‍ പണം തിരിച്ചുനല്‍കിയിട്ടില്ലെന്നാണ് വിവരം. എല്ലാ ത്രൈമസത്തിലും യുപിഐ ഇടപാടുകളുടെ നിശ്ചിത പരിധി കഴിഞ്ഞാല്‍ ഫീസ് ഈടാക്കാറുണ്ട്. യുപിഐ ഇടപാടുകള്‍ ബാങ്ക് ഇടപാടുകളായി കണക്കാക്കുകയും അതിന് നിശ്ചിത ഫീസ് ഈടാക്കുകയും ചെയ്യുന്നതായിരുന്നു ബാങ്കുകള്‍ ഇതുവരെ ചെയ്‌തിരുന്ന രീതി....

വിഴിഞ്ഞം അന്താരാഷ്ട്ര തുറമുഖം മെയ് മാസം മുതല്‍ തുറന്നു പ്രവര്‍ത്തിക്കുമെന്ന് ധനമന്ത്രി കെ എന്‍ ബാലഗോപാല്‍. വിഴിഞ്ഞം തുറമുഖം ദക്ഷിണേന്ത്യയുടെ വ്യാപാര ഭൂപടത്തെ മാറ്റിവരയ്ക്കുമെന്നാണ് പ്രതീക്ഷയെന്ന് ധനമന്ത്രി ബജറ്റ് അവതരണത്തില്‍ പറഞ്ഞു. വിഴിഞ്ഞം പദ്ധതിയുടെ ഗുണം പ്രാദേശിക മത്സ്യത്തൊഴിലാളികള്‍ക്കടക്കം അര്‍ഹതപ്പെട്ടതാണ്. വിഴിഞ്ഞം തുറമുഖത്തിന്റെ കാര്യത്തില്‍ ഇനി സമയ നഷ്ടമുണ്ടാകില്ല. അത് സംസ്ഥാന സര്‍ക്കാരിന്റെ ദൃഢനിശ്ചയമാണ്. വിഴിഞ്ഞ നാവായിക്കുളം റിംഗ് റോഡ് പദ്ധതി സമയബന്ധിതമായി നടപ്പിലാക്കുമെന്നും മന്ത്രി ബജറ്റ് അവതരണത്തില്‍ പറഞ്ഞു.

സംസ്ഥാനത്ത് വിദേശനിര്‍മിത മദ്യത്തിന്റെ വില വര്‍ധിക്കും. സംസ്ഥാന ബജറ്റ് 2024ല്‍ ആയിരുന്നു ധനമന്ത്രിയുടെ പ്രഖ്യാപനം. സംസ്ഥാനത്ത് വില്‍പന നടത്തുന്ന ഇന്ത്യന്‍ നിര്‍മിത വിദേശ മദ്യത്തിന് ലിറ്ററിന് 30 രൂപ വരെ ഗാലനേജ് ഫീ ചുമത്തുന്നതിന് നിയമം അനുവദിക്കുന്നുണ്ട്. അത് ലിറ്ററിന് 10 രൂപയായി നിശ്ചയിച്ചു. ഇതുവഴി 200 കോടി രൂപയുടെ വരുമാനമാണ് സംസ്ഥാനം പ്രതീക്ഷിക്കുന്നത്.അതേസമയം അടുത്ത സാമ്പത്തിക വര്‍ഷം കൃത്യമായും സമയബന്ധിതമായും സാമൂഹ്യ പെന്‍ഷന്‍ കൊടുത്തു തീര്‍ക്കുമെന്ന് ധനമന്ത്രി വ്യക്തമാക്കി. പെന്‍ഷന്‍ മികച്ച രീതിയില്‍ നല്‍കുന്ന സംസ്ഥാനമാണ് കേരളമെന്നും ധനമന്ത്രി പറഞ്ഞു. പെന്‍ഷന്‍ വൈകാന്‍ കാരണം കേന്ദ്രത്തിന്റെ സമീപനമാണ്. ക്ഷേമ പെന്‍ഷന്‍ സമയബന്ധിതമായി നല്‍കാന്‍ കേന്ദ്ര അനുവദിക്കാതെ ബുദ്ധിമുട്ടിക്കുകയാണ്.

 ചുട്ടു പൊള്ളി കേരളം. പകൽ കനത്ത ചൂടാണ് അനുഭവ പ്പെടുന്നത്. മലയോര മേഖലകളിലുൾപ്പെടെ പകൽ 32 മുതൽ 36 ഡിഗ്രി സെൽഷ്യസ് വരെയാണ് താപനില. കഴിഞ്ഞ വർഷത്തേക്കാൾ മൂന്ന് ഡിഗ്രിയോളം അധികമാണിത്. രാത്രി 23 മുതൽ 25 ഡിഗ്രി വരെയാണ് കുറഞ്ഞ താപനില. ജനുവരിയിൽ ആദ്യ ആഴ്ചകളിൽ ലഭിച്ച ശക്തമായ മഴയ്ക്കുശേഷം താപനില പെട്ടന്ന് കൂടി. സമുദ്രോപരിതലത്തെ അസാധാരണമായ വിധത്തിൽ ചൂടുപിടിപ്പിക്കുന്ന പ്രതിഭാസമായ എൽനിനോ സജീവമായതാണ് താപനില കൂടാൻ കാരണം. രാജ്യത്തെ ഏറ്റവും കൂടുതൽ ചൂട് രേഖപ്പെടുത്തിയ സ്ഥലങ്ങളിൽ തിരുവനന്തപുരവും പുനലൂരുമുണ്ട്. ജനുവരിയിൽ ഒരാഴ്ച തുടർച്ചയായി രാജ്യത്ത് ഏറ്റവും ഉയർന്ന ചൂട് അനുഭവപ്പെട്ടത് പുനലൂരാണ്. ഞായറാഴ്‌ച പുനലൂരിൽ 37ഉം കോട്ടയത്ത് 35.3 ഡിഗ്രിയും രേഖപ്പെടുത്തി.

അതിരൂക്ഷമായ സാമ്ബത്തിക പ്രതിസന്ധിയിലൂടെ കടന്നുപോകുന്നതിനിടെ 2024- 25 വർഷത്തേക്കുള്ള സംസ്ഥാന ബജറ്റ് ധനമന്ത്രി കെ.എൻ ബാലഗോപാല്‍ ഇന്ന് അവതരിപ്പിക്കും. രണ്ടാം പിണറായി സർക്കാർ ചുമതലയേറ്റ ശേഷമുള്ള മൂന്നാമത്തെ സമ്ബൂർണ ബജറ്റാണിത്. ലോക്‌സഭാ തെരഞ്ഞെടുപ്പ് മുന്നില്‍ക്കണ്ടുകൊണ്ടുള്ള പ്രഖ്യാപനങ്ങളും അധിക വരുമാനത്തിന് എന്ത് വഴി എന്നതും ബജറ്റ് ഉറ്റുനോക്കുന്നു. സ്വകാര്യ നിക്ഷേപം പ്രോത്സാഹിപ്പിക്കുന്നതടക്കമുള്ള നടപടികള്‍ ഉണ്ടാകുമെന്നു തന്നെയാണ് സൂചന. ക്ഷേമപെൻഷൻ കുടിശ്ശിക, വിലക്കയറ്റം, നികുതി വരുമാനത്തിലെ ഇടിവ്, കാർഷിക മേഖലയിലെ പ്രതിസന്ധി, ജീവനക്കാരുടെയും പെൻഷൻകാരുടെയും ഡി.എ കുടിശ്ശിക തുടങ്ങിയ വിഷയങ്ങളില്‍ കുറഞ്ഞതോതിലെങ്കിലും ബജറ്റില്‍ പരിഹാരമുണ്ടാകുമെന്നാണ് പ്രതീക്ഷിക്കുന്നത്. വമ്ബൻ പ്രഖ്യാപനങ്ങളുണ്ടാകില്ലെന്ന് ധനമന്ത്രി കഴിഞ്ഞദിവസം വ്യക്തമാക്കിയിരുന്നു. ഇന്ധനസെസ് പിൻവലിക്കണമെന്ന് പ്രതിപക്ഷം ആവശ്യപ്പെട്ടിട്ടുണ്ടെങ്കിലും പ്രഖ്യാപനത്തിന് സാധ്യത കുറവാണ്. ഇന്ന് രാവിലെ ഒമ്ബതിന് ബജറ്റ് പ്രസംഗം ആരംഭിക്കും. നാളെ മുതല്‍ 11 വരെ സഭ ചേരില്ല. 12 മുതല്‍ 15 വരെയാണ് ബജറ്റ് ചർച്ച.