Kannur Updates

തിരുവനന്തപുരം : ഗതാഗത നിയമ ലംഘനങ്ങള്‍ പിടിക്കാന്‍ മോട്ടോര്‍ വാഹന വകുപ്പ് സ്ഥാപിച്ച പുതിയ ആര്‍ട്ടിഫിഷ്യല്‍ ഇന്‍റലിജന്‍സ് ക്യാമറകള്‍ നിരീക്ഷണത്തിന് സജ്ജമായി. സെപ്റ്റംബര്‍ ആദ്യത്തോടെ ഇവ പൂര്‍ണമായും പ്രവര്‍ത്തനക്ഷമമാകുമെന്നാണ് പ്രതീക്ഷിക്കുന്നത്. 225 കോടി രൂപ ചെലവില്‍ 675 ആര്‍ട്ടിഫിഷ്യല്‍ ഇന്‍റലിജന്‍സ് ക്യാമറകളും ട്രാഫിക് സിഗ്നല്‍ ലംഘനങ്ങളും അനധികൃത പാര്‍ക്കിംഗും കണ്ടെത്തുന്നതിനുള്ള ക്യാമറകള്‍ ഉള്‍പ്പെടെ സംസ്ഥാനത്തെ വിവിധ ജില്ലകളിലായി 726 ക്യാമറകള്‍ സ്ഥാപിച്ചിട്ടുണ്ട്. ക്യാമറകളില്‍ നിന്നുള്ള വിവരമനുസരിച്ച്‌ സെപ്റ്റംബര്‍ മുതല്‍ നിയമലംഘകര്‍ക്ക് പിഴയടയ്ക്കാന്‍ നോട്ടീസ് നല്‍കാന്‍ കഴിയുമെന്ന പ്രതീക്ഷയിലാണ് മോട്ടോര്‍ വാഹന വകുപ്പ് അധികൃതര്‍. നിയമലംഘനം കണ്ടെത്തിയാല്‍, രണ്ടാം ദിവസം, പിഴ അടയ്ക്കുന്നതിനുള്ള അറിയിപ്പ് വാഹന ഉടമയുടെ മൊബൈല്‍ ഫോണിലേക്ക് അയയ്ക്കും, തപാല്‍ വഴിയും പിഴ അടയ്ക്കാനുള്ള അറിയിപ്പ് നല്‍കും. പൊതുമേഖലാ സ്ഥാപനമായ കെല്‍ട്രോണ്‍ കഴിഞ്ഞ വര്‍ഷം ഏപ്രിലിലാണ് റോഡരികിലെ ഇന്‍സ്റ്റലേഷന്‍ പൂര്‍ത്തിയാക്കിയത്. ക്യാമറകളുടെ നിയന്ത്രണത്തിനായി കണ്‍ട്രോള്‍ റൂമുകളും സജ്ജമാക്കിയിട...

ഐ ഫോണിന് ഇന്ത്യയിൽ എക്കാലവും വൻ സ്വീകര്യതയുണ്ട്. ഫോണുകളിൽ ആഡംബരത്തിന്റെ അവസാന വാക്കാണ് ഏറ്റവും പുതിയ മോഡലുകൾ. അതുകൊണ്ടുതന്നെ പുതിയ ഐ ഫോൺ ഇറങ്ങുമ്പോൾ കാത്തിരുന്ന് വാങ്ങുന്നവരും അനവധി. ഒടുവിൽ ഇതാ ഐ ഫോൺ 14നായുള്ള കാത്തിരിപ്പ് അവസാനിക്കുന്നു. സെപ്തംബർ എഴിന് കാലിഫോർണിയയിലെ ആപ്പിൾ പാർക്കിലെ സ്റ്റീവ് ജോബ്സ് തിയറ്ററിൽ നടക്കുന്ന ചടങ്ങിൽ പുതിയ ഫോൺ അവതരിപ്പിക്കുമെന്ന് ആപ്പിൾ ഔദ്യോഗികമായി അറിയിച്ചിട്ടുണ്ട്. ഒപ്പം ആപ്പിൾ വാച്ച് 8, ആപ്പിൾ വാച്ച് എസ്ഇ എന്നിവയും അവതരിപ്പിക്കുന്നുണ്ട്. മറ്റ് രാജ്യങ്ങളിൽ വിൽപ്പനയ്ക്കെത്തുന്ന അതേ സമയം ഇന്ത്യയിലും ഐ ഫൊൺ എത്തുമോ എന്ന് ഇതുവരെ ആപ്പിൾ അറിയിച്ചിട്ടില്ല. ഐ ഫോൺ 14ന്റെ നാല് മോഡലുകളാണ് ആരാധകർ പ്രതീക്ഷിക്കുന്നത്. ഐ ഫോൺ 14, ഐ ഫോൺ മാക്സ്, ഐ ഫോൺ 14 പ്രോ, ഐ ഫോൺ 14 പ്രോ മാക്സ്.ഫീച്ചറുകൾ എന്തൊക്കെ: സസ്പെൻസ് തുടരുന്നുപുതിയ ഫോണിന്റെ സവിശേഷതകൾ എന്തൊക്കെ എന്ന് തിരയുന്നതിന്റെ തിരക്കിലാണ് ലോകം. ഐ ഫോൺ 13ൽ നിന്ന് രൂപകൽപ്പനയിലും സേഫ്റ്റ് വെയറിലും ക്യാമറയിലുമുള്ള മാറ്റങ്ങളിലാണ് ആകാംക്ഷ അധികം. ഐ ഫോൺ 14 പ്രോയിൽ ഐ ഫോൺ 13ൽ നിന്ന് വ്യത്യസ്തമായി സെൽഫി ക്യാമറ...

രാജ്യത്ത് 12,000 രൂപയിൽ താഴെയുള്ള ചൈനീസ് ഫോണുകൾ വിലക്കില്ലെന്ന് കേന്ദ്ര മന്ത്രി രാജീവ് ചന്ദ്രശേഖരൻ. ഇലക്ട്രോണിക് എക്കോസിസ്റ്റത്തിലേക്ക് ഇന്ത്യൻ കമ്പനികൾ അവരുടെ ഭാഗത്ത് നിന്നും സംഭവനകൾ നൽകേണ്ടതുണ്ടെന്നും അതിനർത്ഥം വിദേശ കമ്പനികളെ ഒഴിവാക്കുന്നതല്ലെന്നും മന്ത്രി വ്യക്തമാക്കി. ‘12,000 രൂപയിൽ താഴെ വരുന്ന ഹാൻഡ്‌സെറ്റുകൾക്കായുള്ള കംപോണന്റ്‌സ് മാത്രം വിപണിയിൽ ഇറക്കുന്നതിന് പകരം മൊത്തമായി എല്ലാ ശ്രേണിയിലേക്കും ഇത് വ്യാപിപ്പിക്കണം. നിലവിൽ 12,000 രൂപയിൽ താഴെയുള്ള ചൈനീസ് ഫോണുകൾ നിരോധിക്കുന്നതിനെ കുറിച്ച് പദ്ധതികളൊന്നുമില്ല’- രാജീവ് ചന്ദ്രശേഖർ പറഞ്ഞു. 300 ബില്യൺ ഡോളറിന്റെ ഇലക്ട്രോണിക് നിർമാണമാണ് രാജ്യം ലക്ഷ്യമിടുന്നതെന്ന് കേന്ദ്ര മന്ത്രി പറഞ്ഞു. 2025-26 വർഷത്തോടെ 120 ബില്യൺ യുഎസ് ഡോളർ കയറ്റുമതിക്കും കേന്ദ്ര സർക്കാർ ലക്ഷ്യമിടുന്നുണ്ട്.

കുട്ടി ഉപയോക്താക്കള്‍ക്ക് നിയന്ത്രണം ഏര്‍പ്പെടുത്താന്‍ ഒരുങ്ങുകയാണ് പ്രമുഖ സോഷ്യല്‍ മീഡിയ പ്ലാറ്റ്ഫോമായ ഇന്‍സ്റ്റഗ്രാം. 16 വയസ് തികയാത്തവരുടെ അക്കൗണ്ടുകള്‍ക്കാണ് ഇന്‍സ്റ്റഗ്രാം പൂട്ടിടുന്നത്. ഇതോടെ, ഡിഫോള്‍ട്ടായി കൗമാര ഉപയോക്താക്കള്‍ക്ക് ഉള്ള സെന്‍സിറ്റീവ് ഉള്ളടക്കം പരിമിതപ്പെടുത്തും. 16 വയസിന് താഴെയുള്ള അക്കൗണ്ട് ഉടമകള്‍ സ്വമേധയാ സെറ്റിംഗ്സില്‍ മാറ്റങ്ങള്‍ വരുത്തുന്നില്ലെങ്കില്‍ മാന്വവലി അവ മാറും. ഇന്‍സ്റ്റഗ്രാമിന്റെ ഏറ്റവും പുതിയ അപ്ഡേറ്റിലാണ് ഈ ഫീച്ചര്‍ ലഭ്യമാകുക. സെന്‍സിറ്റീവ് ഉള്ളടക്ക നിയന്ത്രണത്തില്‍ പ്രധാനമായും രണ്ട് ഓപ്ഷനുകളാണ് ഉള്‍ക്കൊള്ളിച്ചിരിക്കുന്നത്. സ്റ്റാന്‍ഡേര്‍ഡ്, ലെസ് എന്നിങ്ങനെയാണ് ഓപ്ഷനുകള്‍. ഇതില്‍ 16 വയസിന് താഴെയുള്ള ഉപയോക്താക്കള്‍ ആണെങ്കില്‍ ലെസ് ഓപ്ഷനാണ് തിരഞ്ഞെടുക്കേണ്ടത്. ഇത്തരത്തില്‍ ലെസ് തിരഞ്ഞെടുക്കുന്നതോടെ, ഉപയോക്താക്കള്‍ക്ക് ഫില്‍റ്റര്‍ ചെയ്ത വിവരങ്ങള്‍ മാത്രമാണ് ദൃശ്യമാകുക. നിലവില്‍, രക്ഷകര്‍തൃ നിയന്ത്രണങ്ങള്‍ ഉള്‍പ്പെടെയുള്ള ഫീച്ചറുകള്‍ ഇന്‍സ്റ്റഗ്രാം അവതരിപ്പിച്ചിട്ടുണ്ട്. തങ്ങളുടെ കുട്ടികള്‍ എത്ര സമയം ഇന്‍സ്റ്റഗ്രാമില്‍ ചിലവഴി...

സോഷ്യൽ കൊമേഴ്‌സ് പ്ലാറ്റ്‌ഫോമായ മീഷോ ഇന്ത്യയിലെ 90 ശതമാനത്തിലധികം നഗരങ്ങളിലും ​ഗ്രോസറി സൂപ്പർസ്റ്റോറുകൾ അടച്ചുപൂട്ടിയതായി റിപ്പോർട്ട്. കർണാടക, തെലങ്കാന, ആന്ധ്രാപ്രദേശ്, ഗുജറാത്ത്, മധ്യപ്രദേശ്, മഹാരാഷ്ട്ര എന്നീ 6 സംസ്ഥാനങ്ങളിൽ സൂപ്പർസ്റ്റോറുകൾ പ്രവർത്തനക്ഷമമായിരുന്നു.

കണ്ണൂർ : എംവി ഗോവിന്ദൻ സിപിഎം സംസ്ഥാന സെക്രട്ടറിയായി തെരഞ്ഞെടുക്കപ്പെട്ടു. കോടിയേരി ബാലകൃഷ്ണൻ ഒഴിഞ്ഞ സ്ഥാനത്തേക്കാണ് ഈ നിയമനം. സിപിഎം സംസ്ഥാന സെക്രട്ടറിയേറ്റിന്റെ തീരുമാനം കേന്ദ്ര നേതൃത്വം അംഗീകരിച്ചു എന്നാണ് റിപ്പോർട്ട്.

വാട്‌സ് ആപ്പിൽ വന്ന മേസേജിലൂടെ 21 ലക്ഷം രൂപ നഷ്ടപ്പെട്ടെന്ന് റിട്ടയേർഡ് അദ്ധ്യാപികയുടെ പരാതി. ആന്ധാപ്രദേശിലെ അന്നമയ്യ സ്വദേശിയായ വരലക്ഷ്മിയുടെ പണമാണ് നഷ്ടമായത്. റിട്ടയേർഡ് അദ്ധ്യാപികയ്ക്ക് ഒരു അജ്ഞാത നമ്പറിൽ നിന്നാണ് മെസേജ് വന്നത്. മെസേജിൽ ഒരു ലിങ്ക് കൊടുത്തിരുന്നു. ലിങ്കിൽ ടച്ച് ചെയ്തെങ്കിലും അത് തുറന്നുവരാത്തതിനാൽ വരലക്ഷ്മി ഇതത്ര ​ഗൗരവമായെടുത്തില്ല. ഇതിന് തൊട്ടുപിന്നാലെയാണ് ഇവരുടെ അക്കൗണ്ടിൽ നിന്ന് പണം മോഷ്ടിക്കപ്പെട്ടത്. പല തവണകളായി 21 ലക്ഷം രൂപയാണ് അദ്ധ്യാപികയിൽ നിന്ന് കവർന്നത്. പ്രതിയെപ്പറ്റി യാതൊരു തുമ്പും ലഭിക്കാത്തതിനാൽ അന്വേഷണം മന്ദ​ഗതിയിലാണ് നീങ്ങുന്നത്. അക്കൗണ്ടിലുണ്ടായിരുന്ന പണം പോയോ എന്ന സംശയത്തെ തുടർന്ന് വരലക്ഷ്മി ബാങ്കുമായി ബന്ധപ്പെട്ടു. അപ്പോഴാണ് 21 ലക്ഷം രൂപ നഷ്ടമായ വിവരം ബാങ്ക് അധികൃതർ അറിയിക്കുന്നത്. പിന്നീട് നടത്തിയ വിശദ പരിശോധനയിലാണ് റിട്ടയേർഡ് അദ്ധ്യാപികയുടെ ബാങ്ക് അക്കൗണ്ട് ഹാക്ക് ചെയ്യപ്പെട്ടെന്ന് വ്യക്തമായത്.

ഓൾ ഇന്ത്യ ഫുട്ബോൾ ഫെഡറേഷന് ഏർപ്പെടുത്തിയിരുന്ന (എഐഎഫ്എഫ്) വിലക്ക് ഫിഫ പിൻവലിച്ചു. ഇതുപ്രകാരം അണ്ടർ 17 വനിതാ ലോകകപ്പ് 2022 ഇന്ത്യയിൽ തന്നെ നടക്കും. ഫുട്‌ബോൾ ഫെഡറേഷന്റെ താത്കാലിക ഭരണത്തിനായി രൂപീകരിച്ച സമിതി പിരിച്ചു വിട്ടുവെന്ന് സ്ഥിരീകരണം ലഭിച്ചതിനെ തുടർന്നാണ് വിലക്ക് പിൻവലിക്കുന്നതെന്ന് ഫിഫ അറിയിച്ചു. ( FIFA lifts ban on All India Football Federation )താത്കാലിക സമിതി സുപ്രിംകോടതി പിരിച്ച് വിട്ടതിന് പിന്നാലെയാണ് ഫിഫയുടെ നടപടി. ഫെഡറേഷന്റെ ദൈനംദിന ഭരണത്തിന്റെ ചുമതല ആക്ടിങ് സെക്രട്ടറി ജനറൽ സുനന്ദോ ധറിനു കൈമാറിക്കൊണ്ടാണ് സുപ്രിംകോടതി ഉത്തരവിറക്കിയത്. എക്‌സിക്യൂട്ടീവ് കൗൺസിലേക്കുള്ള തെരഞ്ഞെടുപ്പ് പൂർത്തിയാക്കാൻ നേരത്തെ അനുവദിച്ചിരുന്ന സമയപരിധി ഓഗസ്റ്റ് 28 ആയിരുന്നു. ഇത് ഒരാഴ്ചത്തേക്ക് കൂടി നീട്ടി. എക്‌സിക്യൂട്ടിവ് കൗൺസിലിൽ ആകെ 23 അംഗങ്ങളാണ് ഉള്ളത്. ഇതിൽ പതിനേഴ് അംഗങ്ങളെ തിരഞ്ഞെടുക്കണം. 6 സ്ഥാനങ്ങളിലേക്ക് പ്രധാനപ്പെട്ട താരങ്ങളെ നോമിനേറ്റ് ചെയ്യും. ഇതിൽ നാല് പുരുഷന്മാരും രണ്ട് വനിതകളും വേണമെന്ന് സുപ്രിംകോടതി നിർദ്ദേശിച്ചിട്ടുണ്ട്.എഐഎഫ്എഫ് ഭരണത്തിൽ ബാഹ്യ ഇടപെടൽ ഉണ്ടായെന...

ദുബൈ : ദസറ, ദീപാവലി ആഘോഷങ്ങള്‍ വരാനിരിക്കവെ ഒക്ടോബറില്‍ വിമാന ടിക്കറ്റ് നിരക്കുകള്‍ വീണ്ടും ഇരട്ടിയാവുമെന്ന് റിപ്പോര്‍ട്ടുകള്‍. ഈ സീസണിന് മുന്നോടിയായി ദുബൈ ഉള്‍പ്പെടെയുള്ള പ്രധാന ഡെസ്റ്റിനേഷനുകളിലേക്കുള്ള ബുക്കിങ് അന്വേഷണങ്ങള്‍ ലഭിച്ചു തുടങ്ങിയതായി ട്രാവല്‍ ഏജന്റുമാര്‍ പറയുന്നു. ഒക്ടോബര്‍ 24ന് ദീപാവലി ആഘോഷങ്ങള്‍ക്ക് തുടക്കമാവുമ്ബോള്‍ ഒക്ടോബര്‍ 24നാണ് ഉത്തരേന്ത്യയിലെ ദസറ. ഉത്സവ സീസണുകളില്‍ ടിക്കറ്റ് നിരക്ക് പതിന്മടങ്ങ് വര്‍ദ്ധിപ്പിക്കുകയെന്ന ശീലം വിമാനക്കമ്ബനികള്‍ ഈ സീസണിലും ആവര്‍ത്തിക്കും. വിമാന ടിക്കറ്റ് നിരക്ക് ഇരട്ടിയായെങ്കിലും വര്‍ദ്ധിക്കുമെന്നാണ് യുഎഇയിലെ ട്രാവല്‍ ഏജന്‍സികള്‍ അഭിപ്രായപ്പെടുന്നത്. പൊതുവെ ഉത്തരേന്ത്യയില്‍ നിന്ന് യുഎഇയിലേക്ക് വരുന്ന വിനോദ സഞ്ചാരികളുടെ എണ്ണം വര്‍ദ്ധിക്കുന്ന സമയാണിത്. ഇന്ത്യയ്‍ക്കും യുഎഇക്കും ഇടയില്‍ ഈ കാലയളവിനിടയില്‍ വിമാന സര്‍വീസുകളുടെ എണ്ണം കൂടാന്‍ സാധ്യതയില്ലാത്തിതിനാല്‍ യാത്രക്കാരുടെ എണ്ണം വര്‍ദ്ധിക്കുന്നതിനനുസരിച്ച്‌ വിമാന ടിക്കറ്റ് നിരക്ക് മുകളിലേക്ക് നീങ്ങിത്തുടങ്ങും. ഉത്തരേന്ത്യയിലെ വിവിധ നഗരങ്ങളില്‍ നിന്നായിരിക്കും വി...

ഷവോമിയും ഷവോമിയുടെ സബ് ബ്രാൻഡായ റെഡ്മിയും കുറഞ്ഞ വിലയിൽ അത്യാധുനിക സൗകര്യങ്ങളുമായി വിപണിയിൽ ജനപ്രീതി നേടിയ ബ്രാൻഡുകളാണ്. ഫോണുകൾക്കൊപ്പം പവർ അഡാപ്റ്ററുകളും കേബിളുകളും കമ്പനി നൽകുന്നുണ്ട്. ഫോണുകൾക്കൊപ്പം ഫാസ്റ്റ് ചാർജറുകളും ഈ രീതിയിൽ ലഭ്യമാണ്. എന്നാൽ റെഡ്മിയും വിപണിയിലെ ട്രെൻഡ് അനുകരിക്കാൻ ഒരുങ്ങുകയാണ്. ഇതനുസരിച്ച്, ഫോണുകൾക്കൊപ്പം ചാർജറും കേബിളും നൽകുന്നത് റെഡ്മി അവസാനിപ്പിക്കും. ഫോണുകൾ വാങ്ങുന്നവർ പ്രത്യേകം ചാർജർ വാങ്ങേണ്ടി വരും. വെബ്സൈറ്റിൽ നൽകിയിരിക്കുന്ന വിവരങ്ങൾ അനുസരിച്ച് റെഡ്മി ലോഞ്ച് ചെയ്യാൻ പോകുന്ന പുതിയ റെഡ്മി നോട്ട് 11എസ് ഇ സ്മാർട്ട് ഫോണിനൊപ്പം ചാർജർ അഡാപ്റ്റർ ഉണ്ടാകില്ല.

തിരുവനന്തപുരം : സംസ്ഥാന ടൂറിസം വകുപ്പിന്റെ ഡെസ്റ്റിനേഷന്‍ ചലഞ്ചിനുള്ള രജിസ്‌ട്രേഷന്‍ തീയതി ആഗസ്റ്റ് 30 നടത്താം. ഓരോ തദ്ദേശ സ്ഥാപനത്തിലും ഒന്നിലധികം വിനോദ സഞ്ചാര കേന്ദ്രങ്ങള്‍ എന്ന ലക്ഷ്യത്തോടെ ആരംഭിച്ച പദ്ധതിയാണ് ഡെസ്റ്റിനേഷന്‍ ചലഞ്ച്. മന്ത്രി പി എ മുഹമ്മദ് റിയാസ് ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചത്.തദ്ദേശ സ്വയംഭരണ വകുപ്പുമായി ചേര്‍ന്ന് നടപ്പിലാക്കുന്ന ഡെസ്റ്റിനേഷന്‍ ചലഞ്ച് പദ്ധതിയിലൂടെ അറിയപ്പെടാത്ത പ്രാദേശിക വിനോദ സഞ്ചാര കേന്ദ്രങ്ങള്‍ വികസിപ്പിക്കാന്‍ സാധിക്കുമെന്ന് മന്ത്രി പറഞ്ഞു. പദ്ധതിയില്‍ ഉള്‍പ്പെടുത്തുന്നതിനായി തദ്ദേശസ്വയംഭരണ സ്ഥാപനങ്ങള്‍ തങ്ങളുടെ പരിധിക്കുള്ളിലെ ടൂറിസം സാധ്യതയുള്ള പ്രദേശങ്ങള്‍ കണ്ടെത്തി, ഡിപിആര്‍ തയ്യാറാക്കി ടൂറിസം വകുപ്പിന്റെ വെബ്‌സൈറ്റ് വഴിയാണ് പ്രൊപ്പോസല്‍ സമര്‍പ്പിക്കേണ്ടത്.ടൂറിസം വകുപ്പിന്റെ വെബ്‌സൈറ്റില്‍ ഡെസ്റ്റിനേഷന്‍ അപ്‌ലോഡ് ചെയ്യാന്‍ ആഗ്രഹിക്കുന്ന തദ്ദേശഭരണ സ്ഥാപനങ്ങള്‍ ആഗസ്റ്റ് 30നകം വിവരങ്ങള്‍ അപ്‌ലോഡ് ചെയ്യണം.

ടോൾ പ്ലാസകളും ഫാസ്റ്റ് ടാഗും നിർത്താൻ കേന്ദ്ര സർക്കാർ തീരുമാനം. നമ്പർ പ്ലേറ്റ് അടിസ്ഥാനമാക്കിയുള്ള പിരിവിലേക്കാണ് രാജ്യം മാറുന്നത്. നിശ്ചിത ഇടങ്ങളിൽ സ്ഥാപിക്കുന്ന ക്യാമറകൾ ആകും നമ്പർ പ്ലേറ്റ് അടിസ്ഥാനമാക്കിയുള്ള ടോൾ പിരിവ് സാധ്യമാക്കുക. ടോൾ പിരിവുമായി ബന്ധപ്പെട്ട ദൂരപരിധി പ്രശ്‌നങ്ങളും പുതിയ സംവിധാനത്തിൽ പരിഹരിക്കപ്പെടും.പുതിയ ടോൾ പിരിവ് സമ്പ്രദായത്തിനായി നിയമഭേദഗതി അടുത്ത പാർലമെന്റ് സമ്മേളനത്തിൽ അവതരിപ്പിക്കും.രണ്ട് ഉപാധികളാണ് കേന്ദ്ര സർക്കാർ കൈക്കൊണ്ടത്. ടോൾ പ്ലാസയ്‌ക്കൊപ്പം ഫാസ്ടാഗും പുതിയ ഭേദഗതി വരുന്നതോടെ ഇല്ലാതാകും. അടുത്ത ഒരു വർഷത്തിൽ തന്നെ ഇതിനായുള്ള നടപടികൾ പൂർത്തീകരിക്കാനാണ് തീരുമാനം.

മട്ടന്നൂർ  : ആർ.എസ്.എസ്.-എസ്.ഡി.പി.ഐ. പ്രവർത്തകർ തമ്മിൽ സംഘർഷം.  അക്രമം നടത്തിയതിന് ഇരു വിഭാഗങ്ങളിലുംപ്പെട്ട 14 പേരെ പൊലീസ് കസ്റ്റഡിയിലെടുത്തിട്ടുണ്ട്. സംഘർഷത്തിനിടെ രണ്ടു വീടുകൾ അടിച്ചുതകർത്തു. എസ്.ഡി.പി.ഐ. പ്രവർത്തകനായ സിനാസിന്റെയും ആർ.എസ്.എസ്. പ്രവർത്തകനായ അജയന്റെയും വീടുകൾക്കുനേരേയാണ് കല്ലേറും ആക്രമണവും ഉണ്ടായത്. വീടുകളുടെ ജനൽച്ചില്ലുകൾ അടിച്ചും എറിഞ്ഞും തകർത്തു. ഷിനാസിന്റെ പിതാവ് എം.കെ. ഹംസ, ഭാര്യ ഹൈറുന്നിസ എന്നിവരെ പരിക്കുകളോടെ തലശ്ശേരിയിലെ ആസ്പത്രിയിൽ പ്രവേശിപ്പിച്ചു. ഇവരുടെ വീട്ടിലെ കാറും തകർത്തിട്ടുണ്ട്. ഡിഐജി രാഹുൽ ആർ നായർ ഇന്ന് രാവിലെ സംഭവസ്ഥലം സന്ദർശിച്ചു.  ചാവശ്ശേരി മുഖപ്പറമ്പ് റോഡിൽ സ്ഫോടനമുണ്ടായതിൽ പ്രതിഷേധിച്ച് എസ്.ഡി.പി.ഐ. ഇന്നലെ രാത്രി പ്രകടനം നടത്തി. തുടർന്ന് ആർ.എസ്.എസ്. പ്രവർത്തകരും പ്രകടനം നടത്തുകയും ഇരുവിഭാഗങ്ങളും തമ്മിൽ സംഘർഷമുണ്ടാകുകയും ചെയ്തിരുന്നു, തുടർന്നായിരുന്നു വീടുകൾക്ക് നേരെ ആക്രമണമുണ്ടായത്

ബി.ജെ.പി നേതാവും നടിയുമായ സോണാലി ഫോഗട്ട് ഹൃദയാഘാതം മൂലം അന്തരിച്ചു. തിങ്കളാഴ്ച രാത്രി ഗോവയിൽ വച്ചായിരുന്നു അന്ത്യം. 2016ൽ 'ഏക് മാ ജോ ലാഖോൻ കെ ലിയേ ബാനി അമ്മ എന്ന ടി.വി സീരിയലിലൂടെയാണ് സോണാലി ഫോഗട്ട് അഭിനയരംഗത്ത് അരങ്ങേറ്റം കുറിച്ചത്. തുടർന്ന് ഹരിയാൻവി ചിത്രം 'ഛോറിയാൻ ഹോരോൻ ഇസ് കാം നഹി ഹോതി'യിൽ പ്രത്യക്ഷപ്പെട്ടു.

കൂത്തുപറമ്പ് : മൂന്നാംപീടികയിൽ വൻ തീപിടുത്തം ഇരുനില കെട്ടിടം കത്തി നശിച്ചു കണ്ടേരി റോഡിലെ കെ.ബി ട്രേഡ് ലിങ്ക്സിനാണ് തീ പിടിച്ചത് കൂത്തുപറമ്പ് , മട്ടന്നൂർ എന്നിവിടങ്ങളിൽ നിന്നെത്തിയ ഫയർഫോഴ്സ് യൂണിറ്റുകൾ തീയണക്കാൻ ശ്രമിക്കുന്നു . ലക്ഷങ്ങളുടെ നഷ്ടം നേരിട്ടു

മട്ടന്നൂർ : മട്ടന്നൂർ നഗരസഭാ തെരഞ്ഞെടുപ്പിൽ എൽ.ഡി.എഫ് ഭരണം നിലനിർത്തി. 3 റൗണ്ടുകൾ പൂർത്തിയായപ്പോൾ എൽ.ഡി.എഫ് 21 സീറ്റുകളിലും യു.ഡി.എഫ് 14 സീറ്റുകളിലും വിജയിച്ചിട്ടുണ്ട്. അഞ്ചാം വാർഡായ ആണിക്കരിയിൽ ലീഗ് സ്ഥാനാർഥി ഉമൈബ ടീച്ചർ വിജയിച്ചു. എൽ.ഡി.എഫിൽ നിന്ന് യു.ഡി.എഫ് സീറ്റ് പിടിച്ചെടുക്കുകയായിരുന്നു. മണ്ണൂർ, പൊറോറ, ഏളന്നൂർ , ആണിക്കരി, പെരിഞ്ചേരി തുടങ്ങിയ ഡിവിഷനുകൾ യു.ഡി.എഫിനൊപ്പം നിന്നപ്പോൾ കീച്ചേരി, കല്ലൂർ, കുഴിക്കൽ, കയനി- ദേവർകാട്, നെല്ലൂന്നി, കാര തുടങ്ങിയവ എൽ.ഡി.എഫ് നേടി. കഴിഞ്ഞ തവണ യു.ഡി.എഫിന് 7 സീറ്റ് മാത്രമായിരുന്നു ലഭിച്ചത്. മട്ടന്നൂർ ഹയർസെക്കൻഡറി സ്കൂളിലാണ് വോട്ടെണ്ണൽ പുരോ​ഗമിക്കുന്നത്. ഇക്കുറി തപാൽ വോട്ടില്ല.

കണ്ണൂര്‍ : ഒറ്റത്തവണ ഉപയോഗ പ്ലാസ്റ്റിക് ഉല്‍പ്പന്നങ്ങളുടെ വില്‍പ്പനയും ഉപയോഗവും തടയാന്‍ ജില്ലയില്‍ പരിശോധന കര്‍ശനമാക്കിയതോടെ ഒന്നര മാസത്തിനിടെ പിഴയായി ലഭിച്ചത് മൂന്നേമുക്കാല്‍ ലക്ഷത്തിലേറെ രൂപ. തദ്ദേശ സ്വയം ഭരണ സ്ഥാപനങ്ങളുടെ നേതൃത്വത്തില്‍ ഇക്കാലയളവില്‍ 3724 സ്ഥാപനങ്ങളിലാണ് പരിശോധന നടത്തിയത്. ചട്ടലംഘനം കണ്ടെത്തിയ 2646 ഇടങ്ങളില്‍ നിന്നും 374700 ലക്ഷം രൂപ പിഴയായി ഈടാക്കി. തദ്ദേശ സ്ഥാപന സെക്രട്ടറി, അസി. സെക്രട്ടറി, ഹെല്‍ത്ത് ഇന്‍സ്‌പെക്ടര്‍ തുടങ്ങിയവരുടെ പ്രത്യേക സംഘം രൂപീകരിച്ചാണ് മാസത്തില്‍ മൂന്ന് തവണ പരിശോധന നടത്തുന്നത്. ചിറക്കല്‍ ഗ്രാമപഞ്ചായത്താണ് കൂടുതല്‍ പിഴ ഈടാക്കിയത്. 102 സ്ഥാപനങ്ങളില്‍ നിന്നും 35000 രൂപയാണ് ചിറക്കലില്‍ ഈടാക്കിയത്. ചെറുകുന്നാണ് കൂടുതല്‍ പരിശോധന നടത്തിയ പഞ്ചായത്ത്. 168 ഇടങ്ങളില്‍ പരിശോധന നടത്തി 8600 രൂപ ഇവര്‍ ഈടാക്കി. അഴീക്കോട്, ആറളം, അയ്യന്‍കുന്ന്, ചപ്പാരപ്പടവ്, ചൊക്ലി, എരമം-കുറ്റൂര്‍, എരഞ്ഞോളി, ഏഴോം, കടമ്ബൂര്‍, കണിച്ചാര്‍, കരിവെള്ളൂര്‍-പെരളം, കൊട്ടിയൂര്‍, കുന്നോത്തുപറമ്ബ്, മാടായി, മലപ്പട്ടം, മാലൂര്‍, മാങ്ങാട്ടിടം, മാട്ടൂല്‍, മുഴക്കുന്ന്, ...

മട്ടന്നൂർ : മട്ടന്നൂർ നഗരസഭയുടെ ആറാമത് ഭരണസമിതിയിലേക്കുള്ള തെരഞ്ഞെടുപ്പ് ശനിയാഴ്ച. രാവിലെ ഏഴുമുതൽ വൈകിട്ട് ആറുവരെയാണ് വോട്ടെടുപ്പ്. തിങ്കൾ രാവിലെ 10നാണ് വോട്ടെണ്ണൽ. 35 വാർഡുകളിലായി 38,881 വോട്ടർമാരാണുള്ളത്. സ്ഥാനാർഥികൾ 111. കഴിഞ്ഞ അഞ്ചുതവണയും എൽഡിഎഫാണ് വൻവിജയം നേടിയത്. 2017ലെ തെരഞ്ഞെടുപ്പിൽ 35ൽ 28 വാർഡും എൽഡിഎഫ്നേടി. സിപിഐ എമ്മിന് 25. സി പിഐ, ജനതാദൾ എസ്, ഐഎൻഎൽ ഒന്നുവീതം. യുഡിഎഫിൽ കോൺഗ്രസിന് നാ ലും മുസ്ലിംലീഗിന് മൂന്നും സീറ്റാണു നഗരസഭയിൽ നടപ്പാക്കിയ വി കസനപ്രവർത്തനങ്ങളും എൽ ഡിഎഫ് സർക്കാരിന്റെ നേട്ടങ്ങളും മുൻനിർത്തിയായിരുന്നു എൽഡിഎഫ് പ്രചാരണം.

ബാംഗ്ലൂർ : ഏറ്റവും പുതിയ ഐഫോണ്‍ പതിപ്പായ ഐഫോണ്‍ 14 സെപ്റ്റംബര്‍ ഏഴിന് അവതരിപ്പിക്കാന്‍ ആപ്പിള്‍ ഉദ്ദേശിക്കുന്നതായി റിപ്പോര്‍ട്ട്. ഇതോടൊപ്പം പുതിയ മാക്ക് മോഡലുകള്‍, ഐപാഡുകള്‍, മൂന്ന് വാച്ച് മോഡലുകള്‍ എന്നിവയും അവതരിപ്പിച്ചേക്കും. കോവിഡ് പ്രതിസന്ധിയെ തുടര്‍ന്നുണ്ടായ അനിശ്ചിതത്വങ്ങള്‍ക്കിടയിലും ഐഫോണുകള്‍ക്ക് വിപണിയില്‍ വലിയ നേട്ടം കൈവരിക്കാന്‍ സാധിച്ചിരുന്നു. ഈ നേട്ടം തുടരാനാവുമെന്ന പ്രതീക്ഷയിലാണ് ഐഫോണ്‍ 14 എത്തുക. ഐഫോണുകള്‍ക്കൊപ്പം തന്നെയാണ് സാധാരണയായി ആപ്പിള്‍ വാച്ച് ഉള്‍പ്പടെയുള്ള കമ്പനിയുടെ മറ്റ് ഉപകരണങ്ങളും അവതരിപ്പിക്കാറ്. ഫോണ്‍ അവതരിപ്പിച്ച് ഒരാഴ്ചയെങ്കിലും എടുത്തേ ഫോണുകള്‍ വില്‍പനയ്‌ക്കെത്തിക്കാറുള്ളൂ. ഈ രീതി തന്നെ ഇത്തവണയും തുടര്‍ന്നേക്കും. ചില മുന്‍നിര റീട്ടെയില്‍ സ്ഥാപനങ്ങളില്‍ സെപ്റ്റംബര്‍ 16 ന് പുതിയ പ്രധാനപ്പെട്ടൊരു ഉല്പ്പന്നത്തിന്റെ വില്‍പനയ്ക്ക് തയ്യാറെടുക്കാന്‍ ജീവനക്കാര്‍ക്ക് നിര്‍ദേശം നല്‍കിയിട്ടുണ്ടെന്നും റിപ്പോര്‍ട്ടുകള്‍ പറയുന്നു.

മട്ടന്നൂർ : മട്ടന്നൂർ നഗരസഭാ തിരഞ്ഞെടുപ്പിനുള്ള പരസ്യ പ്രചാരണം വ്യാഴാഴ്ച വൈകീട്ട് അഞ്ചോടെ അവസാനിക്കും. 20ന് ആണ് വോട്ടെടുപ്പ്. 22ന് ഫലം പുറത്തു വരും. ശ്രീകൃഷ്ണ ജയന്തി ആഘോഷത്തിന്റെ ഭാഗമായി ശോഭായാത്രകളും നടക്കുന്നതിനാൽ സംഘർഷം ഒഴിവാക്കാൻ പോലീസ് ക്രമീകരണങ്ങൾ ഏർപ്പെടുത്തിയിട്ടുണ്ട്. പ്രചാരണത്തിന്റെ കൊട്ടിക്കലാശം നഗരം കേന്ദ്രീകരിക്കാതെ വാർഡുകളിൽ തന്നെ അവസാനിപ്പിക്കാൻ നിർദേശം നൽകി.

പയ്യന്നൂർ :  ട്രാക്ക് റിനീവൽ വർക്ക് നടക്കുന്നതിനാൽ കണ്ടങ്കാളി റെയിൽവെ ഗെയിറ്റ് 18/8/2022 മുതൽ 24/8/2022 വരെ രാവിലെ 10 മണി മുതൽ വൈകുന്നേരം 5 മണിവരെ അടച്ചിടുന്നതാണെന്ന് റെയിവെ അധികൃതർ അറിയിച്ചിട്ടുണ്ട്.

കണ്ണൂർ : പോലീസിനെയും നാട്ടുകാരെയും ഞെട്ടിച്ച് ആഴ്ചകളായി കണ്ണൂരിൽ വിലസുന്ന മോഷ്ടാവിനെ കണ്ടെത്താനായില്ല. ചൊവ്വാഴ്ച പുലർച്ചെ കണ്ണൂർ മാണിക്യകാവിന് സമീപത്തും മോഷണത്തിന് ശ്രമിച്ചു. അന്വേഷണം ഊർജിതമാക്കി കണ്ണൂർ ടൗൺ പോലീസ്. 

പാലക്കാട് സിപിഎം പ്രാദേശിക നേതാവിനെ വെട്ടിക്കൊന്നു. മരുത റോഡ് ലോക്കൽ കമ്മിറ്റി അംഗം ഷാജഹാനാണ് കൊല്ലപ്പെട്ടത്. രാത്രി 9.30 ഓടെയാണ് കൊലപാതകം നടന്നത്. കൊലപാതകത്തിനു പിന്നിൽ ആർ.എസ്.എസ്സാണെന്ന് സിപിഎം ആരോപിച്ചു. പ്രദേശത്ത് ആർ.എസ്.എസ്സും സിപിഎമ്മും തമ്മിൽ അഭിപ്രായ ഭിന്നത രൂക്ഷമായ സാഹചര്യത്തിലാണ് കൊലപാതകം.

ഇന്ത്യയിലെ ഏറ്റവും വലിയ പൊതുമേഖല വാർത്താ വിനിമയ കമ്പനിയായ ബി.എസ്.എൻ.എൽ ലാൻഡ് ലൈൻ കണക്ഷൻ ഉപേക്ഷിക്കുന്നവരുടെ എണ്ണത്തിൽ വൻ വർധന. 2017 മുതൽ നാളിതുവരെ എട്ടുലക്ഷത്തിലധികം പേരാണ് കണക്ഷൻ വിച്ഛേദിച്ചത്. ഒരു കാലത്ത് വീടുകളിലെ സ്റ്റാറ്റസ് സിമ്പലായിരുന്നു ബി.എസ്.എൻ.എൽ ലാൻഡ് ലൈൻ കണക്ഷൻ. മൊബൈലുകളുടെ വരവും വേഗമേറിയ ഇന്റർനെറ്റ് കണക്ഷനുകളും ജനപ്രിയ ബ്രാൻഡായിരുന്ന ബി.എസ്.എൻ.എല്ലിനെ ജനങ്ങളിൽ നിന്നകറ്റി. ഔദ്യോഗിക കണക്ക് പ്രകാരം 2017 മുതൽ നാളിതുവരെ 8,12.971 പേരാണ് കേരളത്തിൽ ബി.എസ്.എൻ.എൽ ലാൻഡ് ലൈൻ കണക്ഷൻ വേണ്ടെന്നുവച്ചത്. 2017 ൽ 82606 പേരായിരുന്നു കണക്ഷൻ ഉപേക്ഷിച്ചത് എങ്കിൽ 2021 ൽ 2,36.260 പേർ ലാൻഡ് ഫോൺ ഉപേക്ഷിച്ചു. ഈ വർഷം ഇതുവരെ കണക്ഷൻ വേണ്ടെന്ന് വച്ചവരുടെ എണ്ണം 34000 വും കടന്നു. ഈ കാലയളവിൽ ലാൻഡ് ലൈൻ കണക്ഷൻ വിച്ഛേദിച്ച ഉപഭോക്താക്കൾക്ക് ഡെപ്പോസിറ്റ് ഇനത്തിൽ 20 കോടി 40 ലക്ഷം രൂപയാണ് ബി.എസ്.എൻ.എൽ നൽകാനുള്ളത്. പ്രവർത്തനം നിലച്ച ലാൻഡ് ലൈനുകൾ വീണ്ടെടുക്കാൻ വിവിധ പദ്ധതികൾ തയ്യാറാക്കിയെങ്കിലും ഉപഭോക്താക്കളിൽ നിന്ന് അനുകൂല നിലപാടല്ല ഉണ്ടായത്. ഈ നില തുടർന്നാൽ അധികം വൈകാതെ കേരളത്തിൽ നിന്ന് ബി.എസ്.എൻ.എൽ ...

തിരുവനന്തപുരം : മലയാളികളുടെ ഇഷ്ട വിഭവമാണ് ഇഡ്ഡ്ലിയും സാമ്പാറും. ഇനി ഇഷ്ടഭക്ഷണം കഴിക്കണമെങ്കിൽ പോക്കറ്റ് കാലിയാക്കേണ്ട അവസ്ഥയാണ്. ഇഡ്ഡ്ലിയും സാമ്പാറും ഉണ്ടാക്കാനുള്ള സാധനങ്ങൾക്ക് വില കുതിച്ചുയരുകയാണ്. ഉഴുന്നു പരിപ്പിനും തുവരപ്പരിപ്പിനും വില ഉയർന്നു. 15 ശതമാനത്തോളം വിലയാണ് ഒരു മാസംകൊണ്ട് ഇവയ്ക്ക് വർദ്ധിച്ചത്.  അസംസ്‌കൃത വസ്തുക്കൾക്ക് വില കൂടിയതോടെ ഓഗസ്റ്റ് ആദ്യ ദിനം തന്നെ ദോശ, അപ്പം മാവുകളുടെ വില ഓൾ കേരള ബാറ്റേഴ്‌സ് അസോസിയേഷൻ വർദ്ധിപ്പിച്ചിരുന്നു. ഉഴുന്നു പരിപ്പിനും തുവരപ്പരിപ്പിനും വില കത്തിക്കയറുന്നതോടെ ഹോട്ടലുകാർ വില കൂട്ടിയേക്കും.  പരിപ്പുകളുടെ വിള നശിക്കുകയും നിലവിലുള്ള സ്റ്റോക്ക് പരിമിതമായതുമാണ് വിള കുത്തനെ കൂടാനുള്ള കാരണം. മറ്റു രാജ്യങ്ങളിൽ നിന്നും ഇറക്കുമതി ചെയ്യാമെന്ന് വെച്ചാൽ ഉടനെ നടപടിയാകില്ല. കരാർ നൽകിയിട്ടുണ്ട്. ചരക്ക് ആഫ്രിക്കയിൽനിന്ന് കയറ്റിയിട്ടുമുണ്ട്. അടുത്തമാസമാകും ഇത് തീരം തൊടാൻ. അഞ്ചു ലക്ഷം ടൺ തുവരപ്പരിപ്പാണ് ആഫ്രിക്കയിൽനിന്ന് വരുന്നത്. ചരക്ക് എത്തിയാൽ മാത്രമേ വിലക്കയറ്റത്തിന് അറുതി വരികയുള്ളു.  ഉഴുന്ന് പരിപ്പിന്റെ ലഭ്യതയും കുറവാണ്. നാല് മ...

തിരുവനന്തപുരം : ഹയര്‍സെക്കന്‍ഡറി പാഠപുസ്തകങ്ങളില്‍ നിന്ന് ചില ഭാഗങ്ങള്‍ ഒഴിവാക്കാനുള്ള കേന്ദ്ര തീരുമാനം കേരളം അതേപടി നടപ്പിലാക്കില്ല.മുഗള്‍ രാജവംശം, ഗുജറാത്ത് കലാപം തുടങ്ങിയ ഭാഗങ്ങള്‍ ഒഴിവാക്കില്ല. ഇതുസംബന്ധിച്ച്‌ എസ്.സി.ഇ.ആര്‍.ടി. റിപ്പോര്‍ട്ട് ഹയര്‍സെക്കന്‍ഡറി വകുപ്പിന് കൈമാറി. ദേശീയ വിദ്യാഭ്യാസ നയത്തിന്റെ ഭാഗം ആയാണ് കേന്ദ്രസര്‍ക്കാര്‍ എന്‍സിഇആര്‍ടി പാഠഭാഗങ്ങള്‍ വെട്ടിചുരുക്കുന്നത്. കേരളത്തില്‍ പ്ലസ് വണ്‍, പ്ലസ് ടു വിഭാഗങ്ങളിലാണ് എന്‍.സി.ആര്‍.ടിയുടെ നിര്‍ദ്ദേശം അനുസരിച്ചുള്ള പാഠഭാഗങ്ങളുള്ളത്. പാഠഭാഗങ്ങളില്‍ നിന്ന് പ്രധാനമായും ഗുജറാത്ത് കലാപം, മുഗള്‍ രാജവംശത്തെക്കുറിച്ചുള്ള കാര്യങ്ങള്‍, കര്‍ഷക സമരം തുടങ്ങിയവയാണ് എന്‍.സി.ഇ.ആര്‍.ടി. ഒഴിവാക്കിയത്. ഇതുമായി ബന്ധപ്പെട്ട് എസ്.സി.ഇ.ആര്‍.ടി. പഠനം നടത്തുകയും വിദ്യാഭ്യാസ വകുപ്പിന് റിപ്പോര്‍ട്ട് സമര്‍പ്പിക്കുകയുമായിരുന്നു. ഈ പാഠഭാഗങ്ങള്‍ ഒഴിവാക്കേണ്ടതില്ല എന്നാണ് പഠനത്തില്‍ പറയുന്നത്.ഗുജറാത്ത് കലാപം, മുഗള്‍ രാജവംശവിവരങ്ങള്‍ തുടങ്ങിയ ഭാഗങ്ങള്‍ ഒഴിവാക്കിയതിന് പിന്നില്‍ രാഷ്ട്രീയമാണെന്ന് സംസ്ഥാന സര്‍ക്കാര്‍ ആരോപിച്ചിരുന്നു. ഇതിനെ സാധൂകരി...

*കണ്ണൂര്‍*: സഹപാഠി ലഹരിക്കടിമയാക്കി പീഡിപ്പിച്ചുവെന്ന് കണ്ണൂരിലെ ഒൻപതാം ക്ലാസുകാരിയുടെ ഞെട്ടിക്കുന്ന വെളിപ്പെടുത്തൽ. സമാന രീതിയിൽ കെണിയിലായ 11 ഓളം പെൺകുട്ടികളെ അറിയാമെന്ന് വിദ്യാർഥിനി മാധ്യമങ്ങളോട് പറഞ്ഞു. പെൺകുട്ടി സോഷ്യൽ മീഡിയയിൽ ആത്മഹത്യ ഭീഷണി മുഴക്കിയതോടെയാണ് വീട്ടുകാർ വിവരമറിഞ്ഞത്. ലഹരി മാഫിയ ഭീഷണിപ്പെടുത്തുന്നതായി പെൺകുട്ടിയുടെ പിതാവും പറഞ്ഞു. നാലുമാസമായി ലഹരിക്ക് അടിമയെന്നാണ് കണ്ണൂർ നഗരത്തിലെ ഒരു പ്രമുഖ സ്‌കൂളിലെ വിദ്യാർഥിനിയുടെ വെളിപ്പെടുത്തൽ. കഞ്ചാവ് തന്നത് സഹപാഠിയായ ആൺസുഹൃത്താണെന്നും ലഹരി എത്തിക്കുന്നത് കക്കാട് പ്രദേശത്തു നിന്നാണെന്നും പെൺകുട്ടി വെളിപ്പെടുത്തി. ലൈംഗിക പീഡനത്തിന് ഇരയായെന്നും ലഹരി തന്ന ആൺകുട്ടി തന്നെ മർദിച്ചെന്നും പെൺകുട്ടി പറഞ്ഞു. 11 പെൺകുട്ടികൾ ലഹരി ഉപയോഗിക്കുന്നുണ്ടെന്നും വെളിപ്പെടുത്തിയിട്ടുണ്ട്. ‘എനിക്ക് ഡിപ്രഷൻ വന്നപ്പോൾ നീ ഇത് യൂസാക്ക് എന്ന് പറഞ്ഞ് അവൻ കഞ്ചാവ് തന്നു, പിന്നീട് തന്ന് ഞങ്ങൾ പ്രണയത്തിലായി’ – പെൺകുട്ടി പറഞ്ഞു. സൃഹൃത്ത് സ്റ്റാമ്പും മറ്റു ലഹരി മരുന്നുകളും ഉപയോഗിക്കാറുണ്ടെന്നും പെൺകുട്ടി പറഞ്ഞു.

കണ്ണൂർ : സംസ്ഥാനത്തിലെ ദേശീയപാതകളില്‍ പുതുതായി 700 ക്യാമറകള്‍ സ്ഥാപിക്കാനൊരുങ്ങി കേരള റോഡ് സുരക്ഷാ അതോറിറ്റി. നിയമലംഘനം, അപകടങ്ങള്‍ എന്നിവയ്‌ക്കെതിരെയുള്ള നടപടിയുടെ ഭാഗമായാണ് ക്യമറകള്‍ സ്ഥാപിക്കുന്നത്. റോഡ് സുരക്ഷ ഫണ്ട് ഉപയോഗിച്ചാണ് തിരുവനന്തപുരം മുതല്‍ കാസര്‍ഗോഡുവരെ ക്യാമറ സ്ഥാപിക്കുന്നത്. ദേശീയപാതകളില്‍ നിലവിലുള്ള 250ഓളം ക്യാമറകള്‍ ഒഴിവാക്കി പുതിയവ സ്ഥാപിക്കാനാണ് അധികൃതരുടെ നീക്കം. ആര്‍ട്ടിഫിഷല്‍ ഇന്റലിജന്‍സ് ഉപയോഗിച്ച് പ്രവര്‍ത്തിക്കുന്ന ക്യാമറകളിലൂടെ വാഹനത്തിനുള്ളില്‍ ഇരിക്കുന്ന ആളുകളെയും കാണാന്‍ സാധിക്കും. കെല്‍ട്രോണാണ് ക്യാമറ തയാറാക്കുന്നത്. വാഹനത്തിലുള്ളവര്‍ സീറ്റ് ബല്‍റ്റ് ധരിക്കാതിരിക്കുകയോ, മൊബൈല്‍ ഫോണ്‍, ഹെഡ് സെറ്റോ ഉപയോഗിക്കുകയോ ചെയ്താല്‍ ക്യാമറയില്‍ പതിയും. വാഹനം രണ്ട് ക്യാമറ കടന്നുപോകാനെടുക്കുന്ന സമയം കണക്കാക്കി അമിത വേഗം കണ്ടുപിടിക്കും. വാഹനത്തിന്റെ നമ്പര്‍ പതിയുന്ന രീതിയിലാണ് ക്യാമറ ഘടിപ്പിക്കുക. ജില്ലാതല കണ്‍ട്രോള്‍ റൂമുകളിലാണ് ദൃശ്യങ്ങളും വിവരങ്ങളും ലഭിക്കുക. എല്ലാ ജില്ലകളിലെയും ദൃശ്യങ്ങള്‍ തിരുവനന്തപുരം കണ്‍ട്രോള്‍ റൂമില്‍ ലഭിക്കും.

വർഷങ്ങളായി ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന കാറുകളുടെ നിർമ്മാതാക്കളാണ് മാരുതി സുസുക്കി. മിക്ക മാരുതി സുസുക്കി ഉൽപ്പന്നങ്ങളും എല്ലാ വിഭാഗത്തിലും ഏറ്റവും കൂടുതൽ വിറ്റഴിക്കപ്പെടുന്ന ചാർട്ടിൽ ഇടം നേടുന്നു. മൊത്തത്തിലുള്ള കാർ വിൽപ്പന ചാർട്ടുകളിലും പാസഞ്ചർ വാഹന വിൽപ്പന പട്ടികയിലും മുന്നിൽ നിൽക്കുന്ന തരത്തിൽ വിജയിച്ച ഏതാനും മാരുതി സുസുക്കി മോഡലുകളുണ്ട് . 2022 ജൂലൈയിൽ ഏറ്റവുമധികം വിറ്റഴിക്കപ്പെടുന്ന മികച്ച മൂന്ന് മാരുതി സുസുക്കി കാറുകളെയാണ് ഇവിടെ പരിശോധിക്കുന്നത് മാരുതി സുസുക്കി സ്വിഫ്റ്റ് 2022 ജൂലൈയിൽ ഇന്ത്യയിൽ ഏറ്റവുമധികം വിറ്റഴിക്കപ്പെട്ട മൂന്നാമത്തെ മാരുതി സുസുക്കി മോഡലാണ് സ്വിഫ്റ്റ് ഹാച്ച്ബാക്ക്. അത് നഗരത്തിൽ ഓടാനോ റോഡ് യാത്ര ചെയ്യാനോ ഉള്ള ഒരു പ്രായോഗിക കാറാണെന്ന് തെളിയിച്ചിട്ടുണ്ട്. അഞ്ച് സ്പീഡ് മാനുവൽ അല്ലെങ്കിൽ എഎൺടി ഗിയർബോക്‌സുമായി ഘടിപ്പിച്ച 89 bhp 1.2-ലിറ്റർ പെട്രോൾ എഞ്ചിൻ സ്വിഫ്റ്റില്‍ മാരുതി സുസുക്കി വാഗ്ദാനം ചെയ്യുന്നു. സ്വിഫ്റ്റിന്റെ വിലനിർണ്ണയം അതിനെ കൂടുതല്‍ പ്രായോഗികമാക്കുന്നു. 2022 ജൂലൈയിൽ, മാരുതി സുസുക്കി സ്വിഫ്റ്റിന്റെ 17,539 യൂണിറ്റുകൾ വിറ്റു, 202...

ന്യൂഡൽഹി ബിഹാറിൽ ബിജെപി ബന്ധം ജെഡിയു ഉപേക്ഷിച്ചതോടെ എൻഡിഎ സർക്കാർ വീണു. മുഖ്യമന്ത്രി സ്ഥാനം രാജിവച്ച നിതീഷ്കുമാർ, ഏഴു കക്ഷികളുടെ മഹാസഖ്യത്തി ന്റെ നേതാവ് എന്ന നിലയിൽ സർ ക്കാർ രൂപീകരിക്കാൻ ഗവർണർ ഫഗു ചൗഹാനെ കണ്ട് അവകാശ വാദം ഉന്നയിച്ചു. ആർജെഡി നേതാവ് തേജസ്വി യാദവിനൊപ്പമാണ് നിതീഷ് ഗവർണറെ കണ്ടത്. 164 എംഎൽഎമാരുടെ പിന്തുണ വ്യക്തമാക്കുന്ന കത്ത് നിതീഷ് ഗവർണർക്ക് കൈമാറി. നി തീഷിന്റെ നേതൃത്വത്തിലുള്ള മഹാ സഖ്യ സർക്കാരിന്റെ സത്യപ്രതി ജ്ഞ ബുധൻ വൈകിട്ട് നാലിന് നടക്കും. തേജസ്വി യാദവ് ഉപമുഖ്യ മന്ത്രിയാകും. സ്പീക്കർ സ്ഥാന വും ആർജെഡിക്ക് ലഭിക്കും. മഹാ രാഷ്ട്ര മോഡലിൽ അധികാരം കൈക്കലാക്കാനുള്ള ബിജെപി നീ ക്കമാണ് ബിഹാറിൽ തകർന്നത്.

കേരളം   അഗ്‌നിപഥ് റിക്രൂട്ട്‌മെന്റ് റാലിയിലൂടെ മിലിട്ടറി പൊലീസില്‍ ചേരാന്‍ വനിതകളില്‍ നിന്നും അപേക്ഷ ക്ഷണിക്കുന്നു. ബംഗളൂരു റിക്രൂട്ടിങ് മേഖലാ ആസ്ഥാനത്തിന്റെ നേതൃത്വത്തില്‍ 2022 നവംബര്‍ 1 മുതല്‍ 3 വരെ ബംഗളുരു മനേക്ഷ പരേഡ് ഗ്രൗണ്ടില്‍ നടക്കുന്ന റിക്രൂട്ട്‌മെന്റ് റാലിയില്‍ കേരളം, കര്‍ണാടക, ലക്ഷദ്വീപ്, മാഹി എന്നിവിടങ്ങളിലെ വനിതകള്‍ക്കാണ് അവസരം. അഗ്‌നിവീര്‍ ജനറല്‍ ഡ്യൂട്ടി തസ്തികയിലേക്കാണ് തെരഞ്ഞെടുപ്പ്. വയസ്, വിദ്യാഭ്യാസ യോഗ്യത, മറ്റ് വിശദ വിവരങ്ങള്‍ എന്നിവ www.joinindianarmy.nic.in എന്ന വെബ്‌സൈറ്റില്‍ ലഭ്യമാണ്. താല്‍പര്യമുള്ളവര്‍ക്ക് ഈ വെബ്‌സൈറ്റിലൂടെ ഓഗസ്റ്റ് 9 മുതല്‍ സെപ്റ്റംബര്‍ 7 വരെ ഓണ്‍ലൈനായി രജിസ്റ്റര്‍ ചെയ്യാം. രജിസ്റ്റര്‍ ചെയ്ത പരീക്ഷാര്‍ഥികള്‍ക്ക് 2022 ഒക്ടോബര്‍ 12 മുതല്‍ 31 വരെയുള്ള കാലയളവില്‍ അഡ്മിറ്റ് കാര്‍ഡ് ലഭിക്കും.

കോഴിക്കോട്   റോഡ് മോശമെങ്കിൽ ടോൾ കൊ ടുക്കേണ്ടതില്ലെന്ന് കേരള റോഡ് സേഫ്റ്റി അതോറിറ്റി എക്‌സിക്യൂട്ടീവ് ഡയറക്ടര്‍ ടി ഇളങ്കോവന്‍. അറ്റകുറ്റപണികള്‍ കൃത്യമായി ചെയ്തിട്ടില്ലെങ്കില്‍ ടോള്‍ നല്‍കേണ്ടതില്ലെന്ന് ദേശീയ പാത അതോറിറ്റി തന്നെ വ്യക്തമാക്കിയിട്ടുണ്ടെന്നും ടി ഇളങ്കോവന്‍ പറഞ്ഞു. റോഡ് അപകടത്തിനെതിരെ വിദ്യാര്‍ഥികള്‍ക്ക് പ്രത്യേക ബോധവല്‍ക്കരണം നടത്തുമെന്നും ഇളങ്കോവന്‍ പറഞ്ഞു.